Pukapuka 1, Nama 2
18620101

whārangi 27  (32 ngā whārangi)
titiro ki te whārangi o mua26
28titiro ki te whārangi o muri


Tirohia ngā kupu whakataki o tēnei niupepa

 
AOTEAROA. 27

TE PETIKOHA.

I nga ra o nga Apotoro ringihia ana e te Atua tona Wairua Tapu i runga

i te kauwhau a Pita, a, tahuri ana ratou, ki te pono. I muri mai o tera

wa, ka whai petikoha, tau ana te Wairua ki tenei, ki tenei ini i runga i a

ratou inoi kaha, I naianei kua rangona te Petikoha ki Airangi, ki Kata-

rangi, ki te tini o nga whenua, tau iho ana te Wairua Tapu ki a ratou,

rongo pu ake ratou i tona mana nui i roto i nga huihuinga a, mano tini

nga tangata i whiwhi ki te murunga hara.

Na, heaha ra i whakah apa ai tatou i nui Tireni ki nga mahi o te

Wairua Tapu ? He kaha kore na tatou ki te inoi, ki te whakapono,

inahoki ka oti te tuhituhi, —" Waiho tenei hei whakamatau moku e ai ta

Ihowa o nga mano me kahore e tuwhera i au nga matapihi o te rangi ki a

koutou, a, ka ringihia atu e ahau he manaakitanga ki runga ki a koutou,

a kia kore ra ano he takotoranga"—Maraki iii. 10.

TE RETI WHENUA.

Ki ta matou nei titiro, he mahi tika te reti whenua, ara te utu tau.

Ko te mahinga o te oneone ki te hunga reti; ko te papa oneone ki

nga tangata na ratou te whenua. Ko te wai-u ma te tangata kei te

oneone, mana ano e mahi, koia te pepeha a namata, " Mahia e tona

ringa tino kai tino makona. "

TE WHANGAI KAU.

Tetahi mahi e whai rawa ai nga iwi Maori, he whangai kau. Ehara

te tangata Maori i te mohoao, e matau ana ano ratou ki nga painga e

ahu mai ana i taua mahi. Ko tenei kia whai ngoi te tangata ki tenei

mea tika Kia purero ake ai tetahi wahi o te taha Maori i runga i nga

tikanga whakatangata, te ahuwhenua, te whangai kau, hoiho, hipi,

poaka, me era atu mea.

WAIKATO.

Kei te noho noa iho a Waikato; ko te kaha o tona hiahia kei runga

kei te pai. Ko te mahi a te tangata he ngaki whenua, he hanga whare

Karakia. Ko te huihui nui mo nga runanga Maori, e kiia ana kei i a

Hanuere te tu ai; ko Ngaruawahia te nohoanga; te take he unuunu i

a ratou tikanga. Ko etahi o nga rangatira o Waikato kua tae mai

ki te mihi ki a Kawana Kerei, kua hoki i runga i te marama, na te

mea, ko te pai i whakataturia mai ki a ratou.