Pukapuka 1, Nama 2
18620101

whārangi 29  (32 ngā whārangi)
titiro ki te whārangi o mua28
30titiro ki te whārangi o muri


Tirohia ngā kupu whakataki o tēnei niupepa

 
AOTEAROA. 29

ao, ki te pokaia, puta pu, ko te roa o te aho 7, 926 maero.

4. Na haunga te takahuringa o te ao, koia te ra, koia

te po—e kawhaki haere ana ano i a ia, e whakatakahaere

ana i te ra e tu iho nei, koia te hohote, koia te raumati.

Ko te mamao o te ra o to tatou ao 95, 000, 000 maero. Ko

te wahi o te whakatakangahaeretanga o to tatou ao i te ra e tu

iho nei, 365 ra 5 haora; 49 mineti; 57 hekene.

Te Whakapono me te Whawhai.

Ko te Whakapono hei whakaora i te tangata; ko te wha-

whai hei whakataute. Ko te whakapono hei whakapurero

ake i te tangata; ko te whawhai hei whakahauwarea hei

whakatutua. Ko te Whakapono hei whakatapu i te tanga-

ta; ko te whawhai hei whakapiro, hei whakakino. Ko te

whakapono hei manaki i te tangata; ko te whawhai hei

kanga.

E ki ana te Atua, kaua koe e patu; e ki ana te whawhai

me patu. E ki ana te Atua, e koa te hunga hohou rongo,

e ki ana te whawhai, e koa te hunga whakatari pakanga.

E ki ana te Atua, kia aroha ki nga: hoa riri; e ki ana te

whawhai, me mauahara ratou. E ki ana te Atua, murua

nga hara a te tangata; e ki ana te whawhai, kaua o ratou

hara e murua. E ki ana te Atua, me mate te kino i te pai;

e ki ana te whawhai, me mate te kino i te kino. E ki ana

te Atua, ki te mate tou hoa riri -whangainga; e ki ana te

whawhai, ki te whangainga to hoa ririka puhia koe hei utu.

E ki ana te Atua, kia aroha tetahi ki tetahi; e ki ana te

whawhai me riri tetahi ki tetahi. E ki ana te Atua, ka

manakitia te tangata e whakawhirinaki ana ki a Ia; e ki

ana te whawhai, ka manakitia te tangata e tapapa ana ki

runga ki te hoari. E ki ana te Atua me whakarere te hoa-

ri; eki ana te whawhai, kao; me hanga tonu kia matau ra

ano te ao katoa ki te hapai, a, me whawhai nga tangata ka-

toa kia mutu ra ano te hiahia!!!

Ko ahea koia mutu ai te hiahia whawhai a te tangata ?

Kia poto ra ano i a ia nga tangata katoa o te ao te tua ki

raro.