Pukapuka 0, Nama 40
18850515

whārangi 1  (12 ngā whārangi)
2titiro ki te whārangi o muri


Tirohia ngā kupu whakataki o tēnei niupepa

 

Te Korimako

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

NAMA 40.] AKARANA, MEI 15, 1885. [TE UTU, 6D.

 

MATENGA TANGATA.

 

No te 2 o nga ra o Aperira, 1885, ka moe a HINEIRA Kopu," ki Te Kapu, Wairoa, Nepia. Tetahi o nga kotiro rangatira iroto i nga iwi o era takiwa. E, pai ana he mea tiki mai e mate i waenganui ona iwi, a kua haere atu ia i te huarahi mo te mano. Haere ra e hine i te ara pikipiki o "Tawhaki." Waiho iho ki te hunga ora ko te pouri, ko te mamae, ko te aroha, me te punaroimata.

 

PANUI KI NGA KAI-TAUTOKO.

 

Ko te utu mo TE KORIMAKO inaianei, e wha hereni (4s.) mo te tau. He mea toku noa atu te takunga atu ki te Poutapeta. Ko nga moni me tuku tuatahi mai.

 

NOTICE TO SUBSCRIBERS.

 

THE price of TE KORIMAKO is four shillings (4s.) per annum, post free. Subscriptions are payable in advance.

 

PANUI KI NGA KAI-TUHI MAI.

 

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akaralla.''

 

NOTICE TO CORRESPONDENTS.

 

ALL communications to this paper are to be addressed to "TE KORIMAKO, Box 270, Post Office, Auckland."

 

PANUITANGA.

 

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

 

PANUITANGA.

 

HE whakamahara tenei ki nga hoa-tuhi-mai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ha weeteria e te Poutapeta a ka riro atu i a ia tetahi wahi o te moni. Erangi me toku mai i te panekuini, i te nooti, i te tieki, i te moni-oata-waea ranei.

 

Te Korimako

 

" Kei te Atua to tatou piringa.''

 

MEI 15, 1885.

 

I TERA KORIMAKO i kii ano ta tatou manu, e noho wehi aua te Poropiti Teka i toua iwi ake kua ahua tinihanga ki a ia, a inaianei kua puta mai nga rongo kua tu ano he Poropiti hou, kua tahuri ki te whakahinga i te maua o te Poropiti tawhito, a kua whati haere taua nukarau ki aua haere koraha kihea ranei, kihea ranei. Ko te whawhai ki taua kainga kua mutu haere, a me ake ka hoki mai nga hoia a te Kuini, e hia ranei nga tangata e mahue atu ki reira hei whakatika i nga huarahi o te ture mo taua whenua. Ano ka kite a Wiwi e tautohe aua a ia iwi, a ia iwi kia Ingarangi, katahi ratou ka tahuri ka whakatoi ki Ihipa mo tetahi nupepa i herea kia kaua e panui i nga he i nga mahi tika a ranei o te Wiwi ki taua whenua, otira inaianei kua mutu tana tautohe, notemea kua tukua taua nupepa kia taia ano nga korero e hiahiatia ana e te Wiwi E hia ranei nga manuao i tukua atu e te Wiwi ki te kaainga i Huehi (Suez) hei tupato pea ki a kaipuke o Itari (Italy) e rere haere ana i te Moana Whero. Ehara itemea i pa ki Ihipa anake nga whakatoi a te Wiwi, i tae ano ana kupu whakaara pakanga ki Amerika I he mea atu kei pokanoa ratou nga Marikena ki te whenua i Panama, kati ano ma Amerika ko te tiaki anake i te rerewe kei he i nga iwi e whawhai ana i taua whenua, otira inaianei kua paimarire tera. tautohe irunga i te ata korero o tetahi, o tetahi. Ka oti tenei, ka huri ta tatou titiro ki Kanata (Canada) ki te whawhai a nga haawhe-kaaihe o taua whenua, tenei ratou kei te whati haere i nga turupa a Kanata i tukua atu ki taua whenua, ko te Tumuaki o taua iwi haawhe-kaaihe ho Riara te ingoa. I mua i nga tau kua pahure ake nei i hopukia taua tangata irunga i te huarahi tutuu, a irunga i te aroha o Roore Wuruhira ki taua tangata, tohunga ana ia tukua atu ana taua haawhe-kaaihe kia haere. Heoi kahore ia i mahara ki tona tukunga e te ture i mua, a inaianei kua. tahuri ano ia kua haere i ona huarahi kino, mehemea ki te mau ia i tenei takiwa katahi pea ka waiho tonu nga mekameka ki ona ringa, pehea ma reira e mutu ai tona whakatenetene ki te Kawanatanga o Kanata. Tenei te kapua o te whawhai te taumarumaru iho nei irunga ake o nga whenua o Inia. kei tera pito o te ao nga Ruhiana e karanga ana kia ara he kanae pakanga ma raua ko Ingarangi. Otira na te ata whakaaro o nga tumuaki o te