Pukapuka 0, Nama 49
18860216

whārangi 1  (12 ngā whārangi)
2titiro ki te whārangi o muri


Tirohia ngā kupu whakataki o tēnei niupepa

 

TE KORIMAKO

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

NAMA 49.]

 

AKARANA, PEPUERE 16, 1886. [TE UTU, 6D.

 

MATENGA TANGATA.

 

Kua mate ki Uawa, Turanganui, a KINGI RETA RANGI, he tamaiti rangatira no Ngatiporou, mokopuna kia Patara Rangi, tetahi o nga rangatira-nui o te Tairawhiti. Ho uri ano hoki tamaiti no Ngatiira, he iwi e noho ana ki aikoura, i Te Waipounamu. He tamaiti hoki i tiro whakamiharo katoa ona iwi ki a ia, he tamati whakatupuria hei kai-ngakau ma te katoa. No iwa ona tau ka tukua ia ki te kura, ki to rapu nga matauranga o te Pakeha, otira kihai i tutuki te mutunga o tona mahi, ka paangia ia e te mate, hemo tonu atu. Heoi kua moe ia i runga i te oengaroa. kua mutu ona mauiui ki tenei ao atemate. kua waiho iho te manukanukatanga i ruri nei ki ona tupuna, ki ona matua, me ona iwi oho ana i to Tairawhiti nei. Kua riro atu nei ia te okiokinga o te tini o te mano, kua whiti atu oki i te mate ki te ora.

 

PANUI KI NGA KAI-TAUTOKO.

 

Mo te utu mo TE KORIMAKO inaianei, c wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

 

NOTICE TO SUBSCRIBERS.

 

HE price of TE KORIMAKO is four shillings (4s.) per annum, post free. Subscriptions are payable in advance.

 

PANUI KI NGA KAI-TUHI MAI.

 

Mo nga pukapuka katoa mo tenei nupepa me penei te tuhi mai ki "TE KORIMAKO", Pouaka 270, Poutapeta, kei Akaralla.''

 

NOTICE TO CORRESPONDENTS.

 

ALL communications to this paper are to be addressed to "TE KORIMAKO, Box 270. Post Office. Auckland."

 

PANUITANGA.

 

Mo te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

 

PANUITANGA.

 

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tokua atu ano tetahi.

 

PANUITANGA.

 

HE whakamahara tenei ki nga hoa-tuhi-mai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oata-waea ranei.

 

TE KORIMAKO

 

"Kei te Atua to tatou piringa."

 

AKARANA, PEPUERE 16, 1886.

 

Ko enei kupu, "he tokomaha e kopikopiko ana kanui haere ano te matauranga." No namata tenei kii, a inaianei e kite ana tatou i te pono o aua kupu. Ko nga tima kei te kawe haere I nga rongo, e wha tekau ano ra i haere mai ai i tawahi ka whiti mai ki konei. Ko aua tima e kawe mai ana i nga tini Pakeha me nga rongo katoa o te ao. I mua e tae ana ki te rima ki te ono marama e rere mai ana ka whiti mai. Mehemea tera he rongo e hiahia nuitia ana, ka tukua mai ma te waea i raro i te moana-nui, ma runga i nga pou e whakawhiti haere ana i nga maania me nga maunga tiketike o te ao nei, ahakoa e rua tekau ma wha mano maero e haere ai taua uira kawe-rongo, e kite tonu ana tatou i aua rongo i roto i nga nupepa i ia ra i ia rai kihai i tae ki te ra kotahi te haerenga mai me te taenga o aua rongo e ahu mai ana i nga topito rawa o te ao nei.

 

Ko etahi o aua rongo e penei ana, ko te whawhai a Purukeria rana ko Heawia kua ahu atu ki nga huarahi o te rongomau, kua pai te Kiingi o Taakei ki nga take hohou-rongo mo taua raruraru i ara ai te kauwae o te pakanga, otira ahakoa kua noho aua kingitanga i runga i te pai, tera a Ruhia kei te noho puhaehae, erangi e whakapai ana a Ruhia ki nga Tiamani mo ta ratou peinga mai i nga Pouro, i Puruhia, kia hoki mai ki to ratou whenua ki Pourana. Kia tatou nei he tikanga kohuru rawa tana mahi a Tiamani, hore rawa he atawhai, he aroha i puta ki tana iwi. Na te iti o nga parirau o te manu nei te whakahaerea te roanga atu o enei korero.

 

Ko etahi o nga rongo kua tae mai kia tatou, ko te hinganga o te Kawanatanga o Roore Haripere (Lord Salisbury), me te aranga ano o te Kawanatanga te Karatitone (Right Hon. W. E. Gladstone).

 

Ko tetahi rongo, kua whakaae a Ingarangi ki te moutere e karangatia ana ko Raiatea, kia riro te mana-tiaki i nga Wiwi, erangi me puare taua motu ki