Nama 60
190302

whārangi 1  (12 ngā whārangi)
2titiro ki te whārangi o muri


 
Te Pipiwharauroa

he kupu Whakamarama

NAMA 60. GI5EORNE. PAPUERE 1903.

TE WHAKAMATAUTAURANGA. RATAPU TUATAHI O RENETI.

KO te korero a Matiu mo te whakamatau- tauranga o Te Karaiti te wahi o te Karaipiture, i whakaritea nei hei Rongopai mo tenei Ratapu, ( Mat. 4. 1-11). I korerotia ano tau i mea e Maka raua ko Ruka.

He poto noa iho ta Maka (i. 13. 14)' he ahakoa ra e na ana kupu nunui: tetahi ko te kupu i reira pu ana.' I tae mai a Te Ka- raiti ki te ao hei whakakahore i nga mahi a Hatana (i Hoa. 3- 8), inahoki ka oti tona iriiringa, kihai ia i whakaroa, engari i timata tonu i te whawhai i ki a Hatana. Tetahi, ko te kupu mo nga kararehe mohoao, he kupu tenei kia ata mohiotia e tatou te tino ahua mokemoke o Te Karaiti i taua takiwa, kahore kau he tangata hei hoa.

Ko te korero a Ruka, (4. 1-13) < he mea rite ki ta Matiu, engari i korerotia e Ruka te whakaaturanga i nga rangatiratanga o te ao i mua atu i te taenga ki te keokeonga o te temepara.

Kahore he hoa o Ihu i aua ra e wha tekau;

heoi nana tonu i whakaatu ki nga apotoro nga mahi o aua ra. Ehara i te mea no aua ra anake te whawhai a Hatana ki a Te Karaiti, e mea ana a Ruka ' ka mahue atu i a ia mo tetahi wahi* (4. 13)! i korerotia hoki e Ihu etahi atu whakamatautauranga (Ruka 22. 28). He tohu enei whakamatautauranga mo nga tu whakamatautauranga katoa, ara he mea i runga i ' te hiahia o te kikokiko, te hiahia o nga kanohi, me te whakapehapeha ki nga rawa.' (i Hoa. 2. 16). I whakamatautauria ia, ko ia hoki:—

i. te Tama a te Tangata: kia hinga ai te hara i te tangata.

2. te Arama tuarua: kia riro ano i a tatou nga mea pai i ngaro i te hinganga o te Arama tuatahi.

3. te Karaiti pono: e kore nei e kumea ketia i tana mahi ki nga mea ahuareka o te ao.

Ka arahina ia e te Wairua ki te koraha:

Kaha ke ta Maka kupu, ka tonoa. I kawea ia ki te wahi mokemoke no te mea mana anake taua whawhai, heoi ano tona kaha ko tera i tukua mai e te Atua i nga ringa o nga anahera (Maka i. 13). He tohu tenei mo tatou kia kaua tatou e whakawhirinaki ki te tangata engari ki te Atua anake i a tatou e whawhai ana ki te rewera.

i nohopuku: ko te nohopuku ta Karaiti whakapai i a ia ano mo te whawhai: i kiia taua nohopuku he mea mo tatou, i te inoi mu te Ratapu tuatahi o Reneti, no te mea mo tatou nga hua pai o tana patunga i a Hatana.

Ka hiakai: he tino tangata hoki ia.

Ki te mea ko koe te Tama a to Atua:

i pera ano te tawai a nga Parihi ki a Ihu i a ia i te ripeka. ( Mat. 27. 40). I mahara pea a Hatana ki te reo i te rangi i te iriiringa o te Karaiti (Mat. 3- 17') ' Ko koe taku tama i aroha ai.'

Kia meinga enei kowhatu hei taro: ki ta Ruka tenei kowhatu me te mea e whakaatu ana a Hatana i tetahi kowhatu ki a ia, i mohio hoki ia ki te roa o tona nohopuku, i mea kia waiho te hiahia o te kikokiko hei patu mana.

Kua Oti te tuhituhi: ko te patu a Te Ka- raiti ko tera i homai e te Atua ki te tangata, ara ko ' te hoari a te Wairua, ara te kupu a te Atua.' ( Epeha 6. i7). No Tiuteronomi 8. 3 taua kupu: kia mahara tatou ma te ora o o tatou wairua i taua kai e kaha ai te tinana kei hinga i te whakamatautauranga.