Nama 69
190311

whārangi 1  (12 ngā whārangi)
2titiro ki te whārangi o muri


 
TE PIPIWHARAUROA

he Kupu Whakamarama.

NAMA 69.

NOWEMA 1903

TE WHAKAPOKO ORA.

" Na, ka whakarerea e TE wahine tana ipu, a haere ana ki to pa, ka mea ki nga tangata, Haere mai." (Hoani IV. 28, 29.)

E te kaikorero ko te hiahia o taku ngakau, ko taku inoi hoki, mehemea kahore ano koa kia mohio a ngakau noa ki a Ihu, kia whaka- ohongia tou ngakau e Tona Wairua, kia kite ai koe i a Ia i mate nei mou. Inoi huki koe kia whakamaramatia tou ngakau. O nga pouri katoa ko te pouri wairua te mea tino kino—he pouri tuakerekere. Kei te ra- rangi kua tuhituhia nei etahi tohu tino nui o te Whakapono Ora. Mehemea kahore i tou whakapono enei tohu e rua e tika ana kia awa- ngawanga tou ngakau mo te ahua o tou

whakapono, e tika ana koe kia uiui ki a koe ano, mehemea kei a koe te whakapono e kiia nei e te Karaipiture ma reira ka ora ai, ta te Atua whakapono i mate nui ai. Tena ata tirohia enei tohu o te Whakapono Ora.

1. Ko TE whakahoro i TE ipu. Ae, e hoa, kaua e miharo, ko tenei tetahi tohu nui o te

whakapono ora, ko te whakarere i te iipa. Kua whakarerea ranei e koe tau? Kei te mohio tatou ki nga korero o te wahine Hama- ri. He wahine puremu, na konei pea ia i ha- ere mai ai ki te utu wai i te poutumaretanga o te ra, kia kore ai ia e kitea e te tangata, ko te atatu heki me te ahiahi te wa utu wai a te Hurai. I rokohanga mai e ia e noho ana a Ihu i te taha o te puna, e ngenge ana e mate- kai ana e mate wai ana. I te meinga atu a Ihu i te wai ki te wahine kahore i homai, Ukaipo- numia e ia tana wai. E te atua o te matapiko e te kaihakere! Otira e te hoa, he aha tau mea kua hoatu e koe ki a Ihu? Kua ta- raha ranei tou ngakau, tou tinana, me tou

wairua? Otira kihai tenei wahine i tukua e Ihu, i ngaro tona hiainu kua hiahia ko ia ki tona wairua. Ko ta Ihu matua whai ko te whakaatu ki taua wahine kia mohio ki ona hara, ma tenei hoki ia e hiahia ai ki te wai orau kore nei e mimiti, engari e pupu tonu ana ki te ora. I kaha te wahine ki te whakakotiti ke i a raua korero, otira i arahina ia e Hui ki te wai ora. Inu ana taua wahine, tatu ana tona ngakau. I tona whiwhinga ki te waiora o te oranga tonuitanga, wareware ana i a ia te wai o tenei ao, te wai i kaiponuhia ra e ia i te Tama a te Atua. Ha, ka whakarerea o te wahine tana ipu. He tika hoki, e te hoa, mehemea koe kua whiwhi ki te wai o te ora e kore koe e riro ma te tangata e ki atu, wha- karerea te hara, whakarerea nga mea e wha- kataumata nei i tou whakapono, te kanikani, te inu waipiro, te purei moni, te aha. Ki te whiwhi koe ki te wai o te ora, e kawa ki a koe nga wai o te ao, ahakoa nui tou pirangi ki aua mea inaianei—e kore o aroha ake e koe. I whakarerea e te wahine tana ipu wai he whakataumata i a ia, kia takatu ai ia ki te oma ki te pa. E mea anu te Karaipiture," " kia whakarerea e tatou nga whakataimaha katoa, me te hara whakaeke tata. .... Kia omakia to omanga e takoto nei i to tatou aroaro; me te titiro pa ano ki a Ihu." 12, i, 2). He aha te ipu wai kei toa ringa e tapuhi ana, ringihia atu, e inu ki te wai ora. " Kia haere mai hoki te tangata e hiainu ana:

kia tangihia noatia ano te wai ora e te tangata e hiahia ana." He nui te utu o nga wai o te ao, otira ko te wai o te ora kahore kau he utu, kore, kore rawa. "E te nga tangata katoa e matewai ana, haere mai ki nga wai! me te tangata ano hoki kahore ana moni." (Ihaia