Nama 94
190601

whārangi 1  (12 ngā whārangi)
2titiro ki te whārangi o muri


 
Te Pipiwharauroa

he Kupu Whakamarama.

NAMA 94-

HANUERE 1906.

KURA KINIKATENE ARA HE KURA MO NGA TAMARIKI MONOHI.

(Na Rev. F. W TIATENE, i panuitia i te Hui a Te Aute i Rotorua.)

E WHAKAAE ana tatou katoa, Pake- ha, Maori, ki te pai o te whakaako i a tatou tamariki. E mohio ana tatou ki te kahore nga tamariki e whakaakona, hei mea whakataumata tena i a matou i nga ra katoa e ora ai matou; e kore e tino taea e tatou te rongoa a te kaumatuatanga, nga he o te taitamarikitanga. Ki te kahore te rakau e whakapikoa i te itinga e pakeke rawa te whakapiko ina rakau nui. Ko nga mahi kura te mea e tino hapainga ana ki runga ake i era atu mea katoa e nga iwi matau o te ao, a me te whakapiki tonu i te ahua o nga kura. Kei te whakapikia tonutia te ahua o nga tu kura katoa nga kura katoa nga kura ririki, nga kareti me nga kura mahi a-ringa, kia kitea ai nga hua pai a te kaumatuatanga o nga tama

riki. Otira e warewaretia ana e te toko- maha te whakaako i te tamaiti i te wa tino tika hei whakaakoranga i a ia ara i te rua, ki te ono tau, e waihotia ana te tamaiti

mana noa e kuhu atu i a ia, kahore i ata whakaritea tona whakaakoranga, ki taku whakaaro, e penei ana te ahua o te nuinga o nga tamariki Maori, He mea e tino marama ana tenei ara o nga tino tau o te tangata ko nga tau o tona tamarikitanga, mutu mai ki te whitu tau nga tau tino nui engari e warewaretia ana e te tangata;

kahore nga matua e tino mohio me pehea ra enei tau, whakaaro rawa ake kua pake- ke rawa te tamaiti. E marama ana hoki ki a tatou, ko te whakaako i nga tamariki nonohi kia rere ke i te whakaako i nga tamariki kaumatua, no konei aku korero, mo te whakaako i nga tamariki nonohi, no te mea e nohoia ana ahua he mea tika rawa tenei mo nga tamariki Maori nonohi. Ko te ingoa o tenei tu whakaako ki te pakeha he Kinikatene (Kindergarten.)

Ka 60 ka 70 ranei tau ka pahure nei o te oranga o tetahi tangata o Tiamana ko Poroupere (Frobel) tona ingoa. Ko tana tino mahi he kai kaiwhakaako kura engari i mahara ia, he he te waiho rawa kia pake- ke ka whakaako ai i te tamaiti engari e iti ana ano ka whakaako. Kia kitea ai e ia he huaratu tika hei whakaakoranga i te tamaiti paku, ka ata tirohia e ia nga mahi a te tamaiti o tona whanautanga mai, a pakeke noa. Ko whai kia matau i a ia nga hiahia o te tamaiti a ko tera ano hei