Nama 99
190606

whārangi 1  (12 ngā whārangi)
2titiro ki te whārangi o muri


 
Te Pipiwharauroa

he Kupu Whakamarama

NAMA 99-

HUNE 1906.

NGA MINITA TOKORUA.

AURERE ana te tangi a Niu Tireni, kei roto i te whare pouri e noho ana; whiti ana te poho, oho ana te mana- wa i te taenga mai o te rongo kua mate a Te Hetana, kua hinga whakarere ki te uma o te Moana-nui-a-kiwa, i motoka oho- reretia e te ringa kaha, e te ringa u o Mate. E tiorooro tonu ana i roto i ona ta- ringa nga kupu whakanui whakahonore a nga tangata rarahi o Ahitereiria e huri ana te aroaro whakatekainga ki te hautu i tona waka i a Aotearoa, i hautu ai ia mo nga tau tekau ma toru, ka pakia nei ia e te ri- nga mana o te mate, hinga ana ia, moe ana i te moenga roa. No mate te mana nui atu, kahore ana whiriwhiri i tana e tango ai. Ka ngaro a Te Hetana i ona mamae i nga runanga nunui o te Kingitanga. Ko te Hetana te tangata nui atu o te Pareme- te o Niu Tireni; he maha ana ture nunui i hanga ai, he ture kahore nei i era atu kawanatanga o te ao, he ture kei te akona e nga whenua nunui. Te Ture Penihana Kaumatua, Whakanohonoho i nga rawa- kore ki te whenua, Tuku i te mana turaki i te hoko waipiro ki te iwi, Ture Whakanga- wari i nga totohe i waenganui i te rangatira me te kai.mahi, Hanga Whare mo nga tangata mahi, Hohipera hei whanautanga mo nga wahine rawakore, me era atu ture maha. Na Te Hetana i hapai te ingoa o Niu Tireni ka rangona e te ao katoa, na- na i tapa a Niu Tireni, "Ko to te Atua ake whenua." Tika rawa mo Te Hetana nga kupu a Rawiri mo Apanehe,

"Kahore ia nei koutou i matau, he rangati

ra, he tangata nui, kua hinga nei inaianei i roto i a Iharaira

" Ka whati ra e taku rau kotuku, Taku arai riri ki te nui o te kino. Nga hui e tau i roto o Poneke He hinganga whare nui hei au anake ra.

Haere e kore i te ringa, o aitua,

Unuhia i te rito o te harakeke

Ka tu i te aro a kapa

Aku nui, aku rahi. aku whakatamarahi

Ki te rangi. Waiho te iwi mana e mae noa.

Tenei ano tetahi minita i ohorere tonu te matenga, kei te tangihia e matou. Kaho- re i oho te motu katoa i tona matenga, kahore i oho nga kainga i tata tonu ki te wahi i hinga ai ia, kahore he tangihanga, kahore he korero, kahore i iri taua nga kara. I tata ki te 90 nga tau o Matiaha Pahewa ka mate nei i te 5 o nga ra Hune i tata ki te 50 nga tau i ngaki ai ia i te mara waina a tona Ariki, i kauwhau ai i te Rongo pai—e 50 nga tau i mahi ai ia i te, painga. mo te katoa, kahore he umere kahore he whakahonore a te tangata, e £50 ano pea te oranga i te tau. I kaha ai etahi tangata ki te mahi na te nui o te utu, na te whakanuia na te korerotia e te tangata, ko te tino tangata nui atu ia ko te tangatai u tonu ki tana mahi, ehara i te mea na te utu, na te whakahonoretia ranei e te tangata, engari na te mea he mahi i whakaritea mana, hei mahinga mana ki te tangata ki te Atua. He tangata nui a Te Hetana, he tangata pai, te Minita a te Kingi, otira kahore tatou e mohio, he nui ake pea a Matiaha, tate Atua minita. Ko ta te Atua mehua he rere ke;