Nama 36
18950701

whārangi 2  (8 ngā whārangi)
titiro ki te whārangi o mua1
3titiro ki te whārangi o muri


 
TE HOA MAORL

He kohu i tau ki runga i taua kaipuke

mate i a ia e rere ana i te taha o taua motu

me te tere atu o tona haere kahore i penei i

mua atu, na te au i whakatere rawa, he au

kaore nei ratou i mohio.

He kohu ke ano hoki kua tau kei runga o

te hinengaro o te kapene, wareware ana ia ki

tona tino tohutohu waiho noatia atu ana e ia

kia pera ana; kore rawa ia i whakarongo ki

nga kupu mai a ona Apiha, me te wehi o nga

pahihi.

Rere tonu ratou, me te kore e mohio kei

whea ratou, na te mea ano ka rangona te

tutukitanga o taua tima atahua, ko tona ihu

komeme ana i te tutukianga ai ki te pari,

takoto ana i runga i nga toka; he pakaru e

kore e manakohia.

I reira ka mahi te mate i tona mahi whaka-

mataku. Nga tangata, nga wahine, nga

tamariki pakapaka e kawea ana e te au

kororiko o te moana, i a ratou e pororaru

noa iho ana e taitaia ana ki runga i te tima i

nga toka. Ko nga aue kore tikanga a te

tangata me te tangi a nga hoiho kua hui tahi

ki te haruru a te hau, me te haruru a te tai.

Na konei i whakakore he painga kaore he

kaha i te tangata hei whakarereke no te mea

ka tupono kia ratou I waenganui o te

raruraru nui o te pakarutanga me nga

utanga, ka mahara ratou tera ano ratou e u

ora, otira whakaungia ketia ana ratou ki

tera ao.

He mea pewhea i tupono ai te mate ?

Katahi te rereketanga o te tuponotanga o

te mate kia ratou Ko etahi na te toa; ko

etahi na te whakaaro ki etahi atu haunga

ratou ake; ko etahi na te kaha Karaitiana,

me te hari tona i te Wikitoria Ana nana nei

i whakakore te mate mo ratou. Ko etahi na

te mataku i roto i o ratou hinengaro ratou i

mea kia mataku; ko etahi pea, na a ratou

kanga me a ratou kohukohu.

Kua whakapono ratou ki te whakamu-

tunga, he kapene kua taea e ia te tatau a ia

ano ka taea e ia te tutaki he aha ranei te

ahua o te raruraru me tona kore kahatanga

ki te whakaora, i te tutukitanga ai; na tona

pekenga whakamakutanga iho i te tuunga

kapene na reira i whakaatu tona kore

kahatanga.

E hara ta matou i te mea kia uiuia kia

whakamaua ranei te he ki runga i tetahi

tangata; kua oti katoa tenei; heoi ko ta

matou i tenei wa he hoatu i te honore ki te

mea e tika ana kia tau te honore. Te toa o

tetahi o nga Apiha o te tima me etahi o nga

pahihi; me nga mahi nui a etahi o nga tuari

taane, wahine; me to ratou aroha atawhai

me te nui o te mate kia a ratou ake, me te

arohatanga a nga Maori e noho ana i runga

i taua motu, me ta ratou hoatutanga katoa i

a ratou kai me etahi mea atu a ratou hei

awhina mo aua morehu, ko ta ratou atawhai

e tika ana kia whakamoemititia.

TE KAIPUKE.

E hara ranei tenei rerenga o te Wairarapa,

i te ahua no te rerenga o te ora he nui nei

nga tangata Pakeha, Maori e rere ana i

runga? Me whai kupu ahau ki oku hoa

Maori mo tenei,

I roto i tenei ahua ko te ao te kaipuke.

Ko te rewara te kapene, Tera pea e mea

mai tetahi Maori kaumatua, " E, nawai i ki

ko te rewera te kapene o tenei ao, o te matou

motu atahua hoki o Niu Tireni. " Otira e ki

ana te Karaipiture, Ae! A ko ta te Karai-

piture te pono. I whiriwhiria putia e Arama

ko te rewera hei kapene mona, i tana taka-

hanag i te kupu a te Atua me tona kainga i

te mounu i homai e te rewera kia ia.

Ko tenei ao katoa ahakoa Hurai. Tauiwi

ranei, i whiriwhiria putia ko te rewera hei

kapene mona; i te wa e whai ana i tona ara-

takinga, kohurutia iho e ratou te Tama a te

Atua, panaa atu ana Ia ki waho.

I te Rongo Pai a Hoani 12: 31. me te

13; 30. I kiia te rewera i reira ko; " te

piriniha o tenei ao. Ko ia me ana mano e

karangatia ana " ko nga rangatiratanga o te

pouri o tenei ao " i te pukapuka a Paora ki

te hunga o Epeha 6; 12, Katahi te kainga

pouri ko tenei ao.

E karangatia ana ia i 2 Koriniti 4; 4, te

atua o tenei ao. E ki ia ana ia 2 Timoti 2;

26, hopukia oratia ana e ia nga tangata i

roto i tana mahanga, hei mahi i tana e pai ai.

TE KAPENE.

I te mea kua karangatia nei ia ko te

piriniha o tenei ao; ko te atua o tenei ao; he

nui rawa ranei te whakaritea ai ia ki te

kapene o tenei ao, mehemea ko te ao te

kaipuke 1 Heoi ra kei te rere te kaipuke i