Nama 40
18951003

whārangi 2  (16 ngā whārangi)
titiro ki te whārangi o mua1
3titiro ki te whārangi o muri


 
TE HOA MAORI

AND

TE HOKINGA MAI A TE ARIKI,

(He mea tapiri tenei ki nga mea i oti nei. )

MURI iho ka tae mai era wahine, ka mea, E te Ariki, e

te Ariki, uakina ki a matau. Na ka whakahokia e ia,

ka mea, He pono taku e mea nei ki a koutou, kahore ahau a

mohio ki a koutou. " Matiu 25, 11, 12.

Na, tera tetahi mea ki roto i te karaipeture kua oti nei te tuhi-

tuhi i runga ake nei, he mea tera kia whakahaeretia muri iho i

te tangohanga o nga tamariki o te Atua i tenei ao, he mea tera

kihai ahau i ata whakaaturia i roto i nga korero i oti nei te panui,

Otia ko tenei taku e pai ai kia ata korerotia e ahau inaianei i

nga tikanga o taua karaipeture ki aku hoa Maori e ki na nei

ratou e whakapono ana ratou ki te ingoa e te Karaiti.

Ko taua korero ko tenei. Tera he whakaaro taimaha mo aua

wahine kuare o taua karaipeture, ko tenei, ka tino marama ratou

kua mahue rawa ratou ki waho mo te whakawakanga, a ka mohio

hoki ratou i tena i tua mai o te taenga mai o taua whakawakanga

ki a ratou.

Kua tae rawa mai te Ariki ki taua wa kua kore-

rotia e ahau ki runga ake ra:

A ko nga hoa o aua tangata whakapono hanga noa iho, e ki

ana nei e whakapono ana ratou otira e kore e whakapono, a ko

o ratou hoa ka riro katoa ratou ahakoa Pakeha, Maori ranei,

kua toremi katoa ratou. He toremitanga miharo tera. Kahore

nga tangata i mahue atu e mohio ana he rironga pehea ranei he

rironga ki hea ranei o ratou hoa. A, ka tau te mea pouri ki a

ratou. A hei konei ka tino mohio ai ratou he mea tika rawa te

korero o to ratou hoa. A, kua tae mai hoki te Ariki. A, kua

riro atu hoki ratou tahi. Ae ra! kua riro atu ki te noho ki a

Ihu ake tonu atu; engari ko te hunga kua mahue, kua tino he

ratou,

Na, tera etahi kei waenganui o te hunga ma ratou tenei tuhitu-

hinga kei te mohio ratou kahore ano ratou i ata rite ki te whaka-

taki ki te tane marena hon. Otira kei te mahi ratou, ka mahi