Nama 40
18951003

whārangi 3  (16 ngā whārangi)
titiro ki te whārangi o mua2
4titiro ki te whārangi o muri


 
TE HOA MAORI

ratou i runga i o ratou ano kaha, kia tika ai ratou. Ara, kei te

whakamatau ratou ki te hoko i te hinu ! Engari kia ata marama

ai nga tangata ki tenei, i taua wa tonu kua whakatakotoria te

tikanga nui, " A to ratou haerenga atu ki te hoko, ka tae mai te

tane marena hou. "

Kua mutu rawa te wa o te hoko. Kua mahue noa te take kia

mahia ai ratou kia tika, kia rite,

A kahore ano ratou i ata rite.

Heoi ano, " A tomo tahi ana me ia ki te marenatanga te hunga

kua ata rite: a tutakina ana te tatau. "

I te korero i runga ake nei, ko te hunga e kore ratou i ata rite

nei, ka tu ratou ki waho i te tatau, a, e kore rawa ratou i tomo ki

roto, ake tonu atu ! A, ka kore ranei ratou e mohio ana ki

tena?

Ka mohio. Ka tino mohio ai ratou ki tena. Ko to ratou

wahine, o ratou tamariki, matua, o ratou hoa, ka riro atu katoa

ratou, a ka haere nga tangata ki te rapu i a ratou. A, i te rapu-

tanga ka tutaki ki etahi atu o te hunga taihoa e pena ana te rapu

i o ratou wahine, tamariki, matua, ratou ko o ratou hoa. A, ka

haere tonu ki te rapu ka tutaki ki etahi atu ano e rapu ana i te

hunga kua riro atu nei.

Katahi ka tau te mohiotanga whakawehe ki a ratou. Ka mohio

ratou inaianei ka tika tonu te kupu a te hunga karaitiana. Kua

tae mai te Ariki, kua riro atu hoki ratou ki a Ia. Aue kua

mahue matou mo te whakawakanga.

" Na, i karanga atu ahau. "

Katahi ka ata rite te kupu kua oti ra te tuhituhi, "Na, i

karanga atu ahau, heoi kihai koutou i pai mai, i totoro atu toku

ringa, a kihai etahi i whai whakaaro mai: heoi whakakahoretia

iho e koutou i aro mai ki taku ako. Na reira ka kata ano ahau

ki to koutou aitua, ka tawai atu ina pa mai te pawera ki a koutou;

... Ko reira ratou karanga ai ki au, a e kore ahau e

whakao atu; ka rapu wawe ratou i a au, otira e kore ahau a kitea

e ratou. " Nga Whakatauki i. 2 2-28.

Ano te ahua rite o taua korero ki to to korero o nga wahine

kuare i a ratou e karanga ana nei, " E te Ariki, e te Ariki uakina

ki a matou. " Engari he korero taimaha tana whakahoki, " He

pono taku e mea atu ki a koutou, kahore ahau e mohio ki a

koutou. "

Na, he mutunga iho pehea te mutunga o nga mea pera ? Me

pehea koe, e taku hoa e korero ana i tenei korero, me pehea koe