Nama 42
18951005

whārangi 3  (16 ngā whārangi)
titiro ki te whārangi o mua2
4titiro ki te whārangi o muri


 
TE HOA MAORI. 3

_______________________

Ka kite a Haimona te tangata mahi makutu te mahi nui a te

rongo pai ki Hamaria; na tana kitenga atu ki tana whakarongo

atu ki ta te kauwhautanga me nga merekara i mahia i oti nei i a

Pirpipi, ka whakaae kau ia ki te tika o aua mea a ka oti hoki ia

te iriiria. Otiira muri iho tera tetahi kupu ana i whakakitea

mai ai te ahua o tono ngakau; kahore tona wahi kahore hoki

tona tunga ki roto i te mea, te take kahore e tika tona ngakau i

te aroaro o te Atua. (Nga Mahi A Nga Apotoro S, 5-24) I tae

mai tana waimarietanga ki a ia, otira kihai ia i tango.

Na, i whakatata a Hura Ikariote ki a te Karaiti pau noa te

toru tau me te hawhe i a Ia e noho ana ki te mahi nui hoki ki

tenei ao. I whakarongo ia ki Tana korero aroha noa, ka kite

kohi ia i Ana mahi miharo, a ka tino matakitaki atu hoki ia ki

te ahua pai o Tona noho i konei, otiira te mutunga iho tana ka

tuku ia i tana Rangatira, a ko ia ka whamomoria i a ia ano. I

tae mai tana waimarietanga ki a ia—aue, te nui o te waimarie-

tanga nei, —otira kihai ia i tango.

Ko Pirika te kawana nei, "Ka mea ia kia tikina a Paora, a

ka whakarongo ki a ia ki te whakapono ki a te Karaiti. A i a

ia e korero ana ki nga mea o te tika, ki te hiahia kia pehia, ki te

whakawakanga amua, ka wiri a Pirika, ka mea, Haere inaianei;

kia watea ahau, ka karangatia koe e ahau. " (Nga Mahi A Nga

Apotoro 24. 24-25. ) I tae mai tana waimarietanga ki a ia, otira

kihai ia i tango.

Ko Kingi Akaripa ia i tana whakarongo atu ki te korero nui

a Paora i a ia nei he herehere nona, e mea ana Akaripa, he

wahi iti kua riro atu ia hei karaitiana. (Nga Mahi A Nga

Apotoro 26. 27-28. ) I tae mai tana waimarietanga ki a ia, otira

kihai ia i tango.

Otiia me whakatu ahau inaianei i etahi kua tohungia ki roto i

te karaipeture a te Atua, etahi nei i tae mai ta ratou waimarie-

tan ga ki a ratou, a ka tangohia.

" Na te whakapono a Noa, i tona whakamaharatanga e te Atua

ki nga mea kahore ano i kitea, i oho ai, a hanga ana e ia te aka

hei whakaora mo tona whare: na tenei ano ia i whakahe ai i te

ao, a uru ana ki te tika o te whakapono. " (Nga Hiperu 11. 7. )

I tae mai tana waimarietanga ki a ia, a, ka tangohia.

I kite te Atua te tika o tera i roto i tana whakatupuranga,

engari ko tenei ko Rahapa he wahine purumu ia kahore tona

tika. Engari na tana whakaaro tupato atu ki nga mea kahoro

ano i kitea, ka tiaki pai ia i nga tutai i tomo nei ki Heriko, a ka.

whiwhi hoki ia i tetahi kupu whakaae i a raua. (Hohua 2. ) Ka