Nama 4
18960929

whārangi 2  (16 ngā whārangi)
titiro ki te whārangi o mua1
3titiro ki te whārangi o muri


 
P. 2. KAHITI WHAKAWA WHENUA MAORI. [ Hepetema 29, 1896.

HE PANUITANGA KI NGA IWI O AOTEAROA ME TE WAIPOUNAMU.

KIA RONGO nga Iwi e noho i nga Motu e rua nei, ara, i Aotearoa, me te Waipounamu.

"Notemea" I whakakauae (Kiingi Tawhiao Te Ahauoterangi Potatau Te Wherowhero, )

i roto i tona Kaunihera i Te Kauhanganui o Aotearoa, me te Waipounamu; kia whakawakia nga

whenua o nga Iwi Maori e nga Kaiwhakawa i whakaturia nei e te Kawanatanga o Te Kiingitanga

o te Iwi Maori.

NA, I TE MEA E WHAI HONORE ana ahau i roto i te Kaunihera o te Kiingi, koia ahau ka

Panui atu nei kia koutou e nga Iwi—'Kua Whakamana a AREMETE TE PAEAHU" kia Tu ia hei

REHITA" mo taua Kooti Whakawa Whenua Maori, i raro i te MANA o Kiingi TAWHIAO III.

Na, He whakaatu tena kia koutou, —Ko NGA PUKAPUKA TONO KOOTI WHAKAWA WHENUA Maori,

ME Tuku atu ki a ia ki Maungakawa Kemureti.

W. T. TAINGAKAWA TE WAHAROA

Tumuaki o te Kiingitanga.

HE

WHAKAMARAMATANGA

MO

" ETEHI RARANGI O TE TURE ''

(1) I muri i te whakataunga a te Kooti e watea ana i te Ture te toru marama hei whakaaroha-

nga ma te hunga i pa he mate kia ratou, i runga i te whakataunga a te Kooti.

(2) I whakapuaretia taua toru marama hei huarahi mo te hunga e hiahia ana kia whakaara-

hia ano he whakawa tuarua mo taua whenua.

(3) Ki te hipa nga marama e toru, ka Hiiritia ki te Hiiri o te Kiingitanga ki runga i te puka-

puka whakataunga a te Kooti, heoi hei tino whakapumautanga tena, e kore e tika kia haere mai

tetahi Iwi, Hapu, Tangata ranei, ki te whakararuraru i taua whakataunga a muri atu.

(4) E toru whakaarahanga whakawa mo te Kereeme kotahi kei te wha ka mutu.

HON. M. TE POKAITARA.

M. T. Whakawa whenua maori.

TARI whakawa whenua.

Maungakawa, Kemureti Hepetema 29 1896.

KOOTI WHAKAWA WHENUA MAORI, KI WAIWARAWARA.