Pukapuka 2, Nama 48
18990202

whārangi 1  (19 ngā whārangi)
titiro ki te whārangi o muacontents
2titiro ki te whārangi o muri


 
VOL. 2. ] TAITE, 2nd PEPUERE, 1899. [ No. 48.

Panuitanga.

Ki te tutuki te tau o te rere a te pepa ki a tangata,

ki a wahine ranei, ka takaia ki te takai whero.

Kia noho marama ai, kua tutuki te tau.

Ko te utu mo te Pepa nei, te 10 hereni, mo te tau

anake; kaore e hawhe tau.

Ki te kore he moni mo a taihoa utu ai tukua mai he

pane kuini kia taea ai te poohi atu. Mo te tau e

30 kapa; taihoa ia e utu mai te toenga.

Me tuku mai ma te Poutapeta, ko te tuhi me penei.

WAATA HIPANGO,

Etita o te Tiupiri.

Box 93, Wanganui.

KOTAHI PUTANGA I ROTO

Mema mo te Paremata.

TENEI kua korikori nga taha e rua

o nga mema o te Paremata o te

Koroni ki te whakahaere i nga

tikanga e pa ana ki a ratou whakahaere,

ara te Apatihana, me te Kawanatanga, e

whakaaro ana hoki te taha Apatihana, kia

whawhaitia e ratou nga takiwa o nga

mema e tautoko ana i te Kawanatanga, a

kei te pera ano hoki te Kawanatanga ka

whawhaitia e ratou nga turanga o ngu

mema o te taha Kawanatanga. Kei te

penei te whakaaro inaianei o nga mema

me nga iwi pakeha, tetahi ka kauwhau

haere i nga takiwa hei reira mohiotia ai e

te iwi nga tangata mohio ki te whakatako-

tokoto i nga tikanga e pa ana he mate i

runga i nga Ture, me nga tikanga e pai

ana mo te iwi, hei reira mohio ai te iwi ki

te tangata e pootitia ai e ratou. He nui

nga huarahi e korerotia ana e ratou, ki

nga iwi hei tautoko ia ratou. He korero

i nga painga o te Kawanatanga, a o te

Apatihana ranei, he korero i te wahi a te

Ture kei te patu i te iwi, mo te whenua

ranei, me era tikanga whakapainga, a he

tono ranei ki te Kawanatanga kia whaka-

ngawaritia nga utu Katimauta, Otira he

nui nga huarahi pakeha, me ona matau-

ranga e korerotia ana e ratou nei, Engari

tenei ake, a e kore pea e pau te rima tau,

ka timata tatou te haere i roto i aua

huarahi.

K tika ana hoki kia korikori tatou, kia

whakahaere; mehemea ranei, kaati tonu

ko enei mema e tu nei hei mema mo tatou,

e pai ana, e whakaaro kotahi, a mehemea

tera atu ano i runga i te hiahia o nga iwi

ki ta ratou i pai ai. Taku whakaaro te

mea pai mo ratou he tuku mai i o ratou

whakaaro ki roto i a tatou nupepa, ia te

Tiupiri me te Pukekihikurangi, kia kite ai

te nuinga o nga iwi kia marama ai te titiro,

ki nga take o te whakatu, o te pootitanga

a te iwi. E kore e pai kia huna te whaka-

aro, hei tona iwi ake, arid take whakatakoto

ai, notemea ko nga mema mo te taha ki

Aotearoa tokotoru ano, a e rite ana ki te

iwa mano kei raro kei te mema kotahi,

ehara i te mea kei te noho ki te wahi

kotahi enei mano tangata, kei te wehe-

wehe noatu tena iwi ki tona takiwa, tena