Nama 104
190611

whārangi 2  (12 ngā whārangi)
titiro ki te whārangi o mua1
3titiro ki te whārangi o muri


 
TE PIPIWHARAUROA ka pirau. He penei ano hoki a Mata Tai nui ahakoa kahore ano matou kia kite noa i tenei wahine heoi ano ko te rongo noa iho. Ko te take i tuhituhia ai e matou enei korero ehara i te mea he tawai i tenei ta- ngata raua ko tenei wahine—kahore o matou hiahia ki te tawai i a raua, he pou- ri ke to matou mo raua no te mea ki ta matou whakaaro ehara i te mea no raua te he i penei ai to raua ahua, engari no to raua whakatupuranga no to raua whakaakora- nga. Ko te tahae kua rite ki tetahi mate kino kei roto i o raua tinana, kahore o raua kaha ki te peehi, ki te rongoa i taua mate. Kua panuitia raua ki nga nupepa pakeha he aha te he ki te panui ki te nu- pepa Maori kia mohio ai tatou ki o tatou mate. Ko te take i tuhituhia ai e matou enei korero he whakaatu ki te Iwi Maori ko te whakaako anake i te mahunga kaho- re te wairua he tapae i te ngakau o te ta- maiti hei whare nohoanga mo te Rewera. E mohio ana tatou ki te korero o te ta- ngata i puta ra te wairua poke, a haereere noa ana te wairua i nga wahi wai kore ra- pu okiokinga ai mona, a, te kitea, ka mea ia, Ka hoki ahau ki toku whare i puta mai ai ahau. A te taenga atu, rokohanga atu kua oti te puruma, te whakapaipai. Na ka haere, ka tango i etahi atu wairua tokowhitu, he kino atu i a ia ano; a tomo atu ana, noho ana i reira: a kino atu i te timatanga te whakamutunga o taua tangata. Waihoki ko te whakapaipai noa iho i waho o te tangata ki te ahuatanga o te pakeha i te mea kua peia te maorita- nga ki waho, kaore e whakakiia te ngakau ki te whakapono, he whakarite i te ahua o te Maori ki tenei tangata, i hoki mai nei ano tona wairua tawhito me ona hoa toko- whitu ko nga tikanga kino a te pakeha, ka huihui ai nga kino o te pakeha ki nga ki- no o te Maori, ka kino ke atu te whaka mutunga o te Maori i tona timatanga. I te muinga mo Te Aute i mea etahi Mao- ri he nui rawa te whakaako i nga tamari- ki o Te Aute ki te whakapono. He kore- ro matau tenei ki ta ratou whakaaro, otira he matauranga no te ao he kuare ke ia to- na tikanga. He tokomaha nga tamariki o Te Aute kua uru ki nga huarahi he a i to ratou matau nui atu to ratou mohio ki nga mahi nanakia, i he ai ratou he kore kaore i whakananua te matauranga o te ao ki te matauranga ki te Atu, "ko te wehi hoki ki a Ihowa te timatanga o te matauranga." Me i kore ana a Te Aute e kura whakapo- no kua nui ke atu te kino o nga tamariki o Te Aute, tena koa ahakoa kei te mahi etahi i te kino kei te warowaro tonu nga whakaakoranga o Te Aute i roto i o ratou mahara. E whakahawea ana etahi tanga- ta ki te whakapono, otira heoi ano te mea hei whakatika i nga mahi, hei pupuri i te tangata kei rere totoa ki te he. Tena koa i ana me pehea e mutu ai te kino o Mata Tainui? Ma te Paremata ranei e hanga he ture hei whakahou i tona ngakau, no te mea ko tona ngakau kei te he. Ma nga Komiti marae ranei? Ma nga mataura- nga ranei o te ao? Ma nga puranga mo- ni ranei? E kore rawa e taea te whaka- rereke te ngakau o te tangata e nga mahi ano a te tangata. Heoi ano te mea e taea ai te whakahou te ngakau hara ma te Wairua Tapu anake o te Atua i runga i te whakapono ki a Ihu Karaiti. "Ko ta te kikokiko hoki e whanau ai he kikokiko, ko ta te Wairua ia e whanau ai he wairua." Ko te tangata, ko te iwi ranei e kore ana e whakapono, e hanga tauira ana hei aro- nga ma a ratou tamariki, e awhina ana i a Hatana kia ngawari ai te riro atu i a ia o a ratou tamariki. Ehara i nga tamariki te he engari no nga matua. Ko tetahi ta- ke nui tenei hei tautokotanga ma tatou i te whakapono, hei whakapai hei whaka- ngawari i te huarahi mo a tatou tamariki no te mea kei te haere mai nga ra e tino pipiri ai nga iwi e rua, e tino kaha ai nga whakamatautauranga hei karapoti i te tamaiti Maori. He he ranei nga kupu a Horomona e mea nei, "Whakatupuria ake te tamaiti i te ara e haere ai ia, a ka kau- matua, e kore e mahue i a ia." Ko wai nga matua e ata tuku marire i ta raua ta- mahine i ta raua tama ranei kia haere i nga huarahi o te whakama? Ahakoa he tangata kino ko tona hiahia kia tupu tana tamaiti i runga i te pai otira ko te tanga- ta e whakatupu ana i tana tamaiti i runga te kuaretanga ki te Atua, e mea ana kia pakeke te haere a tona tamaiti i te huarahi o te pai. Ki te kore e kitea nga hua kino o te whakapono-kore i te whakatupuranga tuatahi, tuarua ranei, otira hei te whakatu-