Nama 142
191002

whārangi 2  (12 ngā whārangi)
titiro ki te whārangi o mua1
3titiro ki te whārangi o muri


 
TE PIPIWHARAUROA. Te motu ra i a te Kori, te tangata ra e nana i ako mai ko anana i titiro. Hura rawa i raro ra tana; hekenga mai keke; ana; te papa. To pai rangatira. Te pa noa mai he Koraki te hau Hei whiu i ahau, noho ana hoki an i te kei o te vvaka Nou e Ropu hei tupiki noa, mau nei e Taiki Ma te whakapuaroa. No te tau 1877 ka pakaru taua whare, ka whakaarahia ko tenei kua wera ake nei. Ko te Pihopa kua mutu ake nei te tangata i kaha ki te tieki i nga rakau o te mea tuatahi, ka metia ko aua rakau ano mo te mea tuarua. No te tau 1889 ka oti te mea tuarua. He whare iti iho tenei i te mea tuatahi, engari he atahua atu tona waihanga. Ko te tino whare pai atu tenei kei nga takiwa Maori katoa. I rokohanga a Hirini Taiwhanga ki te kawanga o tenei whare. Tona taenga ki tona iwi ki a Ngapuhi ka kia ia i enei kupu. " Kaore he whare hei rite mo te whare e tu iho nei, kei Turanga. He tangata haere ahau ki nga motu o te Pakeha, tae atu ki Ingarani. Ka kite ra au i nga whare o te Pakeha kaore i rite ki tenei te kororia. Me te kaha o nga whare kohatu o te Pakeha ka pera tonu tenei te kaha." Tenei ake ano te roanga ake o nga kupu a Taiwhanga mo te nui o te tangata, mo te nui hoki o te kai. Ka ngahau a Ngapuhi ki ana kupu ka mea ki a Taurau, " E Tau he whare whakairo mo tatou." Ka mea a Taurau, ma wai koa e whakairo?" Ka whaka- hokia e te iwi, "Me karanga ra i a Ngatiporou hei whakairo." Ka mea mai a Taurau, " Tena ra kia kaha, ka 20 ana Ngatiporou ka 30 nuku atu ranei kaore e taka te tau kua oti." Kaore i tutuki te kupu a Taurau, me te hiahia o Nga- puhi. Ka kitea ra i enei korero te rongo nui o te whare nei. Kua pau ia i te ahi, no waenganui po i kaia ai. Kitea rawatia ake kua puta te ahi kei waho, kaore hoki i taea te tinei. He tangi te mahi a te iwi kainga mo tenei mate. He tino tika kia tangihia, ehara i te mea i runga anake i te whakaaro ki nga kaumatua na ratou nei i hanga engari i te moumou tonu o tenei whare. Ka ngaro tenei taonga whakapaipai i roto o Turanga, i roto ano hoki o Niu Tireni katoa. Kaore he whare penei hoki e ara a muri ake nei. Kua ngaro ki te po te tohunga whakairo, kua ngaro tahi atu me te whare nei tera whakairo a te Manaia, kua ngaro hoki te momo o te rakau hei mahi i era tu mahi. Ana e te iwi to waiata hei tangi mau ki tou kororia kua ngaro atu i a koe i tenei ra. TETAHI ATU AHI. NO te ata po o te Turei te 22 o nga ra Pepuere nei ka wera te whare karakia pakeha o Waerenga-a-hika, Turanga, i te ahi. Kitea rawatia ake kua puta katoa te ahi ki wahi. Kaore rawa he mea i toe. Ka mai te kino o tenei mahi, tenei kei te haere tetahi tangata ki te tahutahu i nga whare karakia. Ka marama i tenei whare he mea ata tahu marika te whare karakia o Manutuke. He whakapae tonu te mahi; a te ngakau o te tangata, na tenei whare rawa i whakapumau taua whakapae. Ko wai taua tangata nana nei tenei mahi kino kaore ano i mohiotia. Tena ona wa ka kitea, he tanata tonu hoki ia. WHETURERE. KUA tino kite a te wheturere nui i whaka- aturia ra i tera putanga o ta tatou manu. E puta mai aua ia he whetu i te ata, hei te takiwa o te rerenga mai o te ra ka kitea, engari ko nga karaihe titiro anake kei te kite. Hei te 20 o nga ra o Aperira ka puta mai ia hei whetu ahiahi, kia to atu te ra ka kitea. Inaianei 14, 000, 000 maero tona tawhiti atu i te ia. Te tere o tana haere e tata ana ki te 2, 500, 000 maero i te ra kotahi. Ki te whakaaro a nga tangata matau hei ki te 18 o Mei ka huri ia i tua o. te ra. Ko te roa o tona waero kei te waenganui o te 20 raua ko te 35 miriona maero. Hei te wa e tata mai ai ia kia tatou, ara hei tona hokinga atu i to tatou nei ao ka ngaro tatou ki roto ki, tona waero. E ki ana tetahi tangata kaore e mohiotia ka pewhea te ahua o te ao nei a te wa e ngaro ai ki roto i tona waero. E ki ana tetahi tangata tera pea e mate te ao, ki te whakaaro noa ake kaore e mate, ina hoki kua maha noa atu nga putanga mai o te whetu nei i mua a kaore te ao i mate. Ko te u poke anake o te whetu nei te wahi hei makutanga ko te mahi maro hoki tera tena ko te waero he ea noaiho, ara he kahi . Engari ina te mea e matakutia nei na ka horomia atu e te kahi o taua waero te kahi o to tatou nei ao ka mate noaiho tatou, ka pena te ahua me te tangata e ngaro na i te auahi. He tino putanga nui mai tenei no te • whetu nei, kati kia noho tatari tonu, kia kite ai tatou i tenei manuhiri tuarangi.

I raro i te ture £14, 500 te moni kua takoto hei utunga ma te kamupene o te Warata ki nga whanaunga 115 o na Heramana o te Warata.