Nama 147
191007

whārangi 2  (12 ngā whārangi)
titiro ki te whārangi o mua1
3titiro ki te whārangi o muri


 
TE PIPIWHARAUROA.

motini i runga ake nei, tena whakaekea te Ka- wanatanga ki te pitihana, kaua hei mutu engari tukua tonutia kia homai rano ka mutu ai. " Tohea te tohe." Ko te kupu tenei ma tatou. Mehemea kei te hiahia nui tatou ki tenei mea pera me ta tatou whakaatu i te tau 1908, tena tohea ano ta tatou tohe. Werohia te Kawana- tanga kia rongo rano ia i te mamae, kaua hei te wero kotahi, he whakamaeneene kau tena. Hei kupu whakamutunga ake, he mea tika kia awhina tatou i nga mea e whawhai ana. Ko te Pakeha kei te whawhai, ko te painga ia mona mo tatou hoki. Kia aha tatou? Kia matakitaki kau noa? He tika ano kia matakitaki no te mea kaore he reo, otira ko te mea tino pai rawa he awhina i nga mea e whawhai ana: he awhina moni, he awhina tohutohu, he awhina mahi. Tera etahi tamariki i tahuri ki te whakatutu hoia hei takaro ma ratou. Ka tu katoa ratou i roto i te kapa ka karanga ake tetahi tamaiti haua, " Me aha au?" Ka whakahokia e to ratou tia- nara, " Me piki atu koe ki runga i te parani na pakipaki mai ai ki a matou e haere ana." Waihoki kia kaua tatou hei matakitaki kau ki o tatou hoa Pakeha e whawhai ana mo tatou, engari me pakipaki ara me awhina. Ko tetahi ahua tohe ano tenei. Tena tohea te tohe.

HE MATE.

HE nui te pouri me te mamae i pa mai ki te ngakau mo tetahi o nga tangata o Te Rau Kareti nei i tangohia atu e te reinga kaha o tona kai hanga. No te ono o nga haora o te ahi- ahi o te Hatarei te iwa o nga ra o Hurae nei ka moe ia i te moenga roa. Ko tenei tangata he taitamariki tonu ka 22 ano ona tau ka mate nei. Ko tona ingoa Ngira Wahirangi Kauika, he tama na Wiremu Kauika o Ngarauru Waitotara, raua ko Ngarongo tuahine o Tutanuku o Ngati- maru Purangi. Tau ana mai te pouri ki runga i te Kareti i te matenga o tenei tamaiti. He maha nga take i nui ai te aroha me te pouri mona. Tuatahi he pai tonu no tenei tamaiti, no tona tinana, no ona whakaaro, no ana mahi. He hoa nona nga tangata katoa i kite i a ia, he tamaiti wahaki hoki ki te tangata, ki te Maori ki te Pakeha. He tamaiti kua timata ki te tu ki roto ki nga huihui nga nunui a tona iwi a Taranaki. Kua kitea ia e tona iwi, kua whaka- mana mai hoki e ratou. I te matenga o Te

Whiti i Parihaka ia, tuhia mai ana e ia etahi korero pai ki Te Pipi mo te ahua o tera tangata. I te tunga o te hui nui o te Kotahitanga o Taranaki ki Te Aroha ko ia te Hekeretari, a i homai ano e ia i tenei tau nga koaero o taua hui hei korero ma te hunga e whiwhi ana i Te Pipi. He tamaiti marama ki te whakatakoto korero. Tuarua he matangahi no Taranaki ki te kimi mai i nga hua o te rakau e tu nei i te Raukahikatea. E whai tonu ana nga kaumatua o te iwi, te hunga matau me te hunga nunui, i a Te Whiti rau ko Tohu, ka hopukina ake e tenei tamaiti tana whakaaro, a tae ana mai ia ki Te Rau nei. Kua pakari tona tu me ana mahi ka haere nei i te ara whanui o te mate. Tuatoru he tamaiti i mate i runga i te whainga mai i te whakapono. Ko te wawata a te ngakau kia tutuki tana mahi pai i whai mai ai, he mahi pai hoki. Tae ana mai tenei whakaaro ki roto i te ngakau he mihi tenei no te hahi i te matenga o tenei kai hautu. Tuawha he tamaiti i mate ki te whanga ke atu o ona matua, kaore i riro ma ratou e whakamoe atu nga kanohi. He nui rawa te aroha mo ratou kihai rawa nei i kite iho i ta ratou ta- maiti. Kei a ratou e kai ana te mamae. Kati ma te Atua anake o te marie e whakamarie o ratou ngakau i roto i tenei pouri nui. Mo ana mahi anake me nga mea hoki kua mahue iho nei i a ia te ngakau pouri. Kei te pai tona tinana kua tae hoki kei tona kai hanga, he mea tango atu i roto i nga hau kino o tenei ao. Aha- koa he hua kaore ano i maoa, i runga i te ahua o tenei ao, kei te Atua anake te tikanga. He mea tango atu nana ki roto i tona whare whaka- maoa ai. Ahakoa he putiputi kaore ano i kohera, he mea tango atu na te Matua ki roto i tona whare kohera ai, whakamatakitaki ai hoki i tona atahuatanga. Ahakoa kaore i mahi i tenei ao, kei te whare ia o tona matua e mahi ana. Kua piki atu ia i te matakitaki tanga a te whatu tangata kia matakitakitia e tona matua i te rangi. He mea nui ke tera mona, na te whakaaro noa ki nga painga o tenei ao i pouri ai. Hoatu e te hoa ki te wa kainga, ki kona koe mahi mai ai, ko matou ki konei mahi atu ai i ta tatou mahi, kia tae ra ki te wa ko kona katoa tatou. Ma te Atua tatou katoa e tieki e ma- naaki, a koe i te kainga pumau, matou i te kainga tira,matou o tuakana o teina i runga i te mahi, o matua hoki me o teina i te taha ki te kiko- kiko.

I ahau e ora nei:

A te wa e mate ai:

Ina piki ake au

Ki te ao e ngaro nei:

E te Toka ingoa nui, Hunaa iho au e koe.