Nama 177
191304

whārangi 2  (12 ngā whārangi)
titiro ki te whārangi o mua1
3titiro ki te whārangi o muri


 
TE PIPIWHARAUROA. nga rohe katoa o te Wairoa. He roa te wa i whakawhaiti mai ai te Tai Rawhiti ki runga ki tona marae mai i nga ra whakamutunga o Pepuere ki te 5 o nga ra o Maehe. He hui nui, ko ia te take i roa ai te wa e whakawhaiti mai ana. No mua rawa te kitenga i enei iwi e pau katoa ana ki te huarahi a katahi ano a Ngatikahungunu tona nui a Ngatiporou tona nui. Na te mamae nana i kawe ana koroua ana kuia nga mea i kite i te mahinga o Manu- tuke tuatahi nga mea kaore. No tenei rangi ka whakahoua ano te whakatauki o Raua raua ko Pipiwhakao ara, " Ka tere raua ka tere Pipiwhakao," a kaore i arikarika te terenga. I hui wawe mai ai te Tai Rawhiti tuatahi hei tangata whenua; tuarua ki te whakariterite mo te ahua mo nga mihi me nga whakatau mo nga ope whakaeke; tuatoru ki te whaka- kaupapa i etahi take hei horahanga ki te aro- aro o te hui. Ka paenga ena ahuatanga ka wehewehe te Tai Rawhiti i a ia ki ia wahanga mahi ki ia wahanga ia tamariki, ia koroua, ia kuia ia aha, he kai mahi katoa, he kai mau patu katoa i te wa o te pakanga me te aha hoki. Kaore i arikarika te whatinga o te hoa- riri ara o nga taumahatanga huhua e whaka- kapua iho ana i runga i tenei hui nui. E kore rawa e maha ake nga kupu i konei mo te tangata whenua ara mo te Tai Rawhiti katoa. Heoi nei pea he whakamarama paku atu ma te Pipi ara i runga i te aronga mihi ki te tangata whenua, "Te tangata whenua kia ora koutou mo to koutou uaua ahakoa ra ko ta koutou mokai ano e mihi atu nei ki a kou- tou. Kati nei i konei maku waiho ma nga hua nunui, papai hoki i whanau mai i roto i ta koutou hui e mihi koutou. Waiho ma nga whakahaere atahua o ta koutou hui e mihi koutou. Waiho ma te eanga o to koutou whare karakia, me o koutou raruraru e mihi koutou. Otira e mohio ana ta koutou mokai era ano nga wehewehenga o roto i a koutou kei te titiro koutou kei te whai kia nui kia wehi he mihi ma koutou ki a ratou. Tuatahi, ko te wehenga i a Te Waotu ratou ko ona iwi katoa i kiia ai ta koutou hia he hui, i totika ai, i mama ai hoki nga mahi o te marae." Ko te tangata tenei hei tino whakamihinga i roto i tenei hui. I runga i te kaha o te Wa- otu ki te awhina i tenei hui ka puta te kupu a Otene Pitau i runga i te ngakau mamae, ngakau tangi ki tana tamaiti ki a Taranaki ka mea ia, "Apa ano a kia mate atu au ki raro ki nga wawae o taku tamaiti." Tuarua, e mohio ana ta koutou mokai kei te orite ano ta koutou mihi mo era patana o koutou mo Ngatiporou me Ngatikahungunu ki te Wairoa. Mo Ngatiporou mo nga ahua- anga awhina i runga i a ratou; haka me era atu ahuatanga. Mo Ngatikahungunu mo nga ahuatanga awhina i runga i a ratou. Enei patana ou e te tangata whenua no mua iho nai rano te Manutuke tuatahi tae noa mai ki : enei. Waiho e Porou raua ko Kahungunu na nga hua o a korua mahi awhina e mihi korua, e tautoko ake hoki. Kia ora te Tai Rawhiti tangata whenua katoa.

TUWHERATANGA O TE HUI. He Ra tino nui.—Te Taenga mai o te Minita Maori. —Nga Ope o te Tai-Hauauru, te Tai-Rawhiti me te Upoko o te Ika. NO te Wenerei te 5 o Maehe ka tuwhera te Hui ka kitea tona tini tona mano o te tangata e whakaeke ana ki te marae, Pa- keha, Maori, Mangumangu, Iti riana, Hiriana na tu ahua tangata katoa. He ra tino nui whakaharahara tenei no te hui a i nuku atu i te 5,ooo nga tangata i emi mai i taua rangi. I kati nga mahi katoa o te taone o Turanga i muri o te tina kia tae mai ai nga tangata nunui katoa o te taone me nga ropu nunui. Nga ope o tenei rangi he ope taniwha katoa. Nga ope tuatahi tonu no te Tai Hauauru, te Tai Rawhiti ki Heretaunga ahu atu, te Tai Tokerau me te Upoko hoki o te Ika. Kotahi ano te ra i whakaeke ai ki roto o Turanga. I muri o te tina he ope taniwha ano, ko te ope i te Minita Maori te Honore Herihi, me Kupa te Kai-whakawa o te Hupirimi Kooti o Niu Tireni, me etahi atu pakeha nunui o te taone. Ko Ta Timi Kara ano nana ratau i arahi mai raua ko tana hoa ko Makitanara tetahi o nga mema o te Tai Rawhiti. He ope nunui nga ope o te ata a he hanga mau te wehi o tu tangata o era Tai. Kitea atu ana te wehi te mau o tenei mea o te mana Maori i runga i te tangata. Ka aha hoki te mahi a te tangata whenua ki te powhiri i a ratou manuhiri tua- rangi i te ata, i te ahiahi hoki i te 4 o nga haora. Auahi ana te karawhiu a te haka! Ka mutu nga haka ki te Minita Maori ka panuitia atu e Dr. Tutere Wi Repa te powhiri a te iwi Maori nui tonu. Ka rawe nga korero o taua powhiri. He mihi tonu atu ki te Hon. Herihi mona kua tu i tera tunga teitei, mona kua noho mai hei Kapene whakatere i te waka o te Iwi Maori nui tonu, me te tuma- nako atu ano o ona iwi Maori kia pai tana whakahaere i te waka. Ka mutu ka tu mai a te Herihi ki te whakautu. He mihi ki te mihi me te powhiri hoki ana kupu tuatahi.