Nama 62
190304

whārangi 2  (12 ngā whārangi)
titiro ki te whārangi o mua1
3titiro ki te whārangi o muri


 
TE PIPIWHARAUROA,

No. 62.

Ia he wairua tika ki roto ki a tatou, kia ki ai o tatou ngakau i te aroha o te Atua; kia ki ai o tatou wairua i te whakawhetai mo tana paii kia ngohengohe ai ki tana e pai ai; kia kore ai tatou e whakakake, a kia hihiko ai tatou ki nga mahi pai katoa. E taea ai e tatou enei mea me whakahoutia e te Atua he wairua tika ki roto ki a tatou.

E hiahia ana ranei koutou ki enei mea?

Heoi, kia inoi, mea atu ki te Atua " Hanga, e te Atua, he ngakau ma ki roto ki a au;

whakahoutia hoki ki roto ki a au he wai- rua tika."

TE PITO O TE AO.

HE mahi anake ki te pakeha! Inakoa kanui te manawanui o te pakeha ki te whai kia kite ia i te mutunga mai o te ao, te pito whakarunga te pito whakararo. Ko Pe- nihana te tangata nana i haere te pito whaka- raro, a ko ia, e ai tana ki te tangata i tata to- nu te tae ki te pito o te ao—kei te mohio hoki tatou he porotaka te ao. He tangata ano kua haere kia kite i te pito whakatetonga—kua tae te tangata a kua hoki mai. Ko era whenua he huka katoa, ma tonu. Ka hia ranei tau ka pahure nei ka haere tetahi kaipuke ki te Tonga kitea ana tetahi maunga ngawha e pakaru ana. Ka ono pea nga tau kua hori nei i haere ano he kaipuke ki taua wahi a i te tau 1901 ka haere he kaipuke no te Ingarihi, ko Riritana te taone whakamutunga i pa ai taua kaipuke engari i rere rawa mai i Ingara- ngi, ko te Discovery te ingoa o taua kai- puke. He nui te poroporoakitanga ki taua kaipuke he haere tonu atu hoki mo te mate. Puta atu ana ki waho o Riritana ka taka teta- hi o nga tangata mate rawa, panga atu hoki ki te moana. Ka ngaro atu e rua nga tau kaore e mohiotia atu kei te pehea ra, na reira ka tonoa mai ano he kaipuke hei toro ko te Morning te ingoa. No tera tau ka rere atu tenei i Riritana, ngaro atu ra, no te wiki wha- kamutunga o Maehe nei kitea rawatanga ake ka puta ki Riritana ko ia anake. Haere atu nei taua kaipuke ka whakatata ki te pito o te ao ara ka tae ki te moana hukapapa, ka tupato tonu te mahi kei pakaru i te huka me te titiro ano me kore e kitea te hoa. I muri i nga ra maha ka kitea atu nga maihe o te Discovery e tu ana engari ko te tinana o te kaipuke kua ngaro katoa i te huka, e waru ano maero te tatanga atu o te Morning ka mutu, kua maro

katoa hoki te moana i te huka. Ko nga kai ma te Discovery he mea utauta ki runga ko- neke ka toia e te kuri, he kuri anake hoki te hoiho e kaha ki tenei whenua. Nui atu te hari o nga tangata o te kaipuke kua herehere- tia ra e te huka, ko a ratou kai kua tata te pau. O nga tau e rua i ngaro atu ai taua kaipuke kaore rawa ona tangata i mangere, he titiro i te ahua o tera whenua, i nga maunga i nga ika i nga kararehe i nga otaota i te ahua o nga hau i te ahua hoki o te rangi. I tohe te kapene kia tino tata ia ki te mutunga mai o te ao, a i tino tata rawa ratou ko ona hoa, heoi ano i hoki mai ai he paunga no nga kai, he matenga no nga kuri.

I te matenga o nga kuri ka riro tonu ma te tangata e to nga koneke; i te taumaha rawa o nga koneke i te ngoikore hoki o nga tangata whakahokihoki ai te to, ka rima maero te tonga i tetahi o nga koneke ka waiho ka hoki ki te to mai i tetahi. E kore hoki e taea te waiho nga kai me nga whare i muri kei mate i te huka. Hoki rawa ake ki te kaipuke kua mate katoa nga kuri ko nga morehu e rua he mea kai na nga tangata. He maha nga wiki i ngaro ai ratou he rau hoki nga maero i haerea.

I kite ratou i etahi maunga teitei engari kore rawa he wahi i matatea i te huka. Ko- tahi te tangata i mate i taka ki roto i tetahi poka i taka ranei i te pari. I te hau e pupuhi ana i te huka e rere ana kore rawa i kitea he huarahi, na te toremi tonutanga o tetahi ka mohio nga hoa he mate kei te «aroaro. No tetahi rangi mai ka haere ratou ki te kimi i to ratou hoa kore rawa i kitea.

I tata ano etahi o ratou ka mate. Kotahi i taka i te pari teitei, mehemea i taka atu e kore rawa e ora mai, i ora ai he mea herehere ratou katoa, tetahi ki' tetahi mo te taka rawa ake tetahi ka mau i etahi. I te takanga neko tetahi taewaewa noa ana i te takiwa. I tetahi haerenga ano o tetahi ropu ka puta. te mara- ngai nui, te hau, te ua, me te huka, ngaro ana tetahi o ratou. I te mutunga o te marangai ka haere nga hoa ki te kimi kore rawa i kitea;

e toru nga ra i ngaro ai ka puta ki te kaipuke. I ki taua tangata i tona henga ka takoto ia i roto i te huka, moe tonu atu, e 36 haora i moe ai ia. I a ia e moe ana ka tapukea ia e te huka na reira i kore ai e kitea e nga hoa. I miharo rawa te takuta ki te korenga o tenei tangata e mate, he tikanga hoki ki te hiahia te tangata ki te moe i roto i te huka he tohu tera kua tata ia te mate, otira e 36 haora i moe ai tenei nanakia ka ora mai. ano.