Nama 63
190305

whārangi 2  (12 ngā whārangi)
titiro ki te whārangi o mua1
3titiro ki te whārangi o muri


 
TE PIPIWHARAUROA,

No. 63.

Tera atu te nuinga o nga kupu a Mott. He tangata tino matau tenei; e kiia ana e tu ia hei tumuaki—hei tumuaki tamariki rawa mo Amerika mehemea ia i tu hei mema, ara mehemea ia i aru i tera mahi, otira ki tana ki he mahi nui ke atu te kauwhau i te ranga- tiratanga o te Atua. I nga tau tuatahi o Mott ki te kareti ehara ia i te tangata whaka- pono, kaore hoki ia i whakapono he Atua a te Karaiti, otira i tana tirohanga ki nga korero mo te Karaiti whakapono ana ia, mea ana, (' E toku Ariki e toku Atua." E mea ara a Mott ko te hiahia o nga tangata matau o te ao ko te whakapono. I tu he hui nui ma Moto ki Otautahi i huihui ai nga tangata ka- reti, i haere ano etahi Maori o Te Rau nei o Te Aute. Kai a ratou nga korero o te hui a to ratou hokinga mai.

WHAKATUWHERATANGA KURA MAORI KI TE PUNIHO.

I TE rua tekau ma rua o nga ra o Aperira ka tu tetahi hakari nui ki tetahi kainga Maori ko Te Puniho te ingoa. E 21 maero te mamao—tanga atu o tenei kainga! Nu Pa- remete, ara kei waenganui o Nu Paremeta me Parihaka. Ko taua hakari kura mo teta

hi kura mo nga tamariki Maori o tera wahi o te maana a to tatou Ariki, hei whakatupu i te pai hei turaki i te kino. He nui te tangata i tae ki te whakapuakitanga o taua kura. I tae ano hoki nga mema o tenei taki waea ara a E. M.Smith. MHR, me Mr.Jennings MHR. I tae ano hoki a Atirikona Cole me Rev.F.Peneti. I reira ano hoki a Rope- re Tahuriorangi me tona hoa wahine, i reira hoki a Pita Paaka. He nui nga rangatira Maori i tae ki taua hakari. I reira ano hoki a Te Kahui rangatira o Rahoto.

Kaati ko te hunga nana i ahuahu te taonga nei ko Rev Peneti raua ko Waepere!. Koi- nei nga tangata 'nana i whakatupu te rakau nei a tae noa ki te puanga. He nui te whakamihi o nga taumataua Maori me nga pakeha ki to raua kaha ki te wha- katupu i tenei taonga nui ki roto o Tara- naki. Ko te tino kopura tonu tenei o nga mahi nunui a te Pakeha. Katahi ano te mea penei ka tu ki roto o Taranaki.. Whakakore noa era atu tikanga pai e puritia e ratou ka- ati ano i te kopura kua puritia nei. Na e hea ma, e nga huihuinga matauranga e nga reo i roto i tena wahi i tena wahi, awhina mai

o koutou hoa e mahi nei i tenei wahi o te ma- ora a te Ariki. Whakaputanga hoki a koutou inoi ki te Matua i te Rangi kia tuhuna mai e ia tana manaakitanga ki ana pononga e mahi nei, ki enei hipi hoki o taua maana.

He nui nga whaikorero a nga tangata i ta- ua ra, he nui hoki nga hua o roto o nga kore- ro. Kaati he wehi kei kore e whai wahi i roto i ta tatou pepa na reira ka tukura atu ko nga korero anake a tenei rangatira ara a Te Kahui.

Ko enei ana korero;—E whakamihi ana ahau ki tenei huihuinga rangatira kua rupe- ke mai nei ki raro i te tuanui o tenei whare, i tenei ra. Ahakoa e rua nga iwi, kei raro ka- toa i te tuanui kotahi i tenei ra. Ka mutu atu i ahau te ingoa Maori, ka timata atu i nga tamariki te hononga o nga iwi e rua. Ina a Peneti te putanga mai i roto i te Kura e kau- whau haere nei ki nga iwi e rua. Kaore te rino wera e hono ki te rino matao, 'engari kia wera tahi raua e rua, katahi ka hono. Ko te Kura taua ahi. Ko te taonga a te pakeha he Kura. Ko Peneti no te Ku- ra. Ko tana mahi he minita. Taku hiahia ki nga tamariki Maori katoa hei Mini- ta hei Takuta, hei Mema, hei Roia, hei ka- mura hei parakimete hei hu meke me era atu mahi. Ko te Kura te kaiwehe i enei mahi katoa. Kua tu te Kura. E nga matua o nga tamariki kia u ki ta koutou taonga. Ko taku hiahia, kia mau i a tatou tamariki te mataura- nga o te pakeha, kei tinihangatia tatou e tenei iwi.

' "'I tino whakamihi nga tangata o nga iwi e rua ki te marama o nga korero a tenei kau- matua. Tera atu hoki nga korero papai na etahi o nga pakeha, engari he wehi no matou kei kore e kaha nga parirau o ta tatou manu i te taumaha rawa o tana pikaunga i kore ai e tukuna atu. Ka pa kei te pukumahi matou ki te katokato mai i nga hua kareao e kaha ai te rere o te manu, kua pai, tena ko tenei ka- ore rawa matou e noho atu nei i te kaha. He ahakoa e manu, mau e titiro mai nga tanga- ta e pae nei. Na te kore kai ano o enei tau. Kia kaha. Akuanei a ka kite koe ko o mua kua meinga ki muri ko o muri ki mua.

Kia ora tonu TE PIPIWHARAUROA. Ma te Atua ou ra e whakaroa, hei kawe haere i te maramatanga ki te hunga e noho ana i roto i te pouritanga.