Nama 67
190309

whārangi 2  (12 ngā whārangi)
titiro ki te whārangi o mua1
3titiro ki te whārangi o muri


 
TE PIPIWHARAUROA.

No. 6

Ko nga tino putake te korero ko te Puka- puka a Moromona me te Moe Tokomaha i te Wahine. I mea a Te Tiatene kaore e mohio- tia na te Atua ranei te Pukapuka a Moro

mona, na te tangata noa ranei i hanga hei mami- nga mana. Heoi ano me whakapono kau te tangata ki nga kupu a Hohepa Mete na te Atua tua pukapuka, ko ia anake hoki i kite i te homaitanga kaore he mea o waho hei wha- kaatu he tika taua pukapuka. I rere ke te homaitanga. i te Paipera Tapu, kaore i huna. I tino tautoko a Nga Waea i te tika o te Ngahuru o te Wahine ma te tangata kotahi. Ahakoa whakaaturia ki a ia kotahi ano te wahine i hoatu e te Atua ma Arama, kotahi ano hoki ta te Karaiti i whakarite ai, otira hei aha mana te Atua a te Karaiti ranei ka tautokona e ia ko Aperehama ko Ihaka ko Horomona. Otira no te panuitanga e Hena- re te Wainohu i te rarangi o te Pukapuka a Moramona e mea ana kia kotahi ano he wa- hine ma te tangata, ka tino hinga Iaua tangata otira i kawe ano tona pukutohe, kaore i whakaae i hinga ia, i tino marama hoki i tino hinga. Kaore he tino hiahia ki te tuhituhi i enei korero otira kei te korero tenei tangata ko ia tonu i tu, na konei i tuhituhia ai kia kite ai te tokomaha.

He kupu whakamutunga, he mihi. he wha- kanui, he whakawhetai ki nga tangata o Te Muriwai ki a te Huauri mo to ratou aroha mo te ratou atawhai i a matou.

HAHI O ROMA.

Ki, TE ETITA O TE PIPIWHARAUROA.

KUA kite iho ahau i to panui i roto i TE PIPI o Akuhata.

1. Mo te kupu e ki nei koe kahore a te Karaipiture whakaatu i tae a Pita ki Roma a i tu ranei ia hei pihopa mo Roma. He kupu tino pohehe tenei nau, na te mea ko Pita he mea ripeka ia ki Roma, a ko tona kainga tuturu hoki tera ko Roma.

2. Mo te kupu e ki nei na nga Papa noa ake i whai i a ratou kia tu hei upoko mo te hahi. He kupu tino pohehe tenei nau.

3. Mo to korero mo nga popa e rua i whakaturia. Kotahi tonu te Popa i whaka- turia. Ko nga iwi i potitia ai i pohehe a ko te mutunga iho ko te popa i whakaarahia kuaretia nei e etahi o nga iwi i tuku mai i a ia hi raro ki te Popa i tu tika mai i te potititanga uatahi.

4. Mo to whakaatu ko te Popa Reo xiii. he tangata tino pai, he tangata matau erangi ko nga popa o mua atu he tangata kohuru he tangata porangi. E hoa kore kau he mea o nga popa i pokake, kotahi tonu o ratou mana me a ratou whakahaere.

5. Mo to kupu e ki nei koe, kore rawa te Hahi o Ingarangi e pai ki te Hahi o Roma. E pai ana ko te kupu a te Karaiti i a Hato. E mauharatia koutou mo toku ingoa otira ko te tangata e u tonu tae noa ki te mutunga koia te whakaorangia. (Matiu. x 22).

6. Mo to whakaatu e ki nei he teka rawa atu ko te Hahi o Roma te matua o te Hahi o Ingarangi. E hoa koia nei ra te matua o nga hahi katoa.

Na NGAKURU PENE HAARE. Opanaki, Kaihu.

[Ku kapea e matou etahi,; o nga kupu a Ngakuru Pene Haare, otira ko ana tino take kua waiho, ko nga take i kapea ai e matou etahi o ana kupu, he roa rawa he rire tonu no te ahua o ana korero, ara he ki noa iho nona kei te he matou otira' kaore ia i whakaatu i te take i he ai, heoi ano na Ngakuru Pene Haare te kupu ma whakapono te ao katoa. Ko ana korero na nga Pikopo kuare, huna i te tikanga o te korero, he tino tikanga tena na te Hahi o Roma." I tono a N. Haare kia unuhia a matou korero, e kore e taea i te mea he tika tonu e taea hoki e matou te tautoko a matou korero 113 korero e mohiotia ana e te ao katoa. I tuhia ai aua korero he whakaaro no matou kei te noho kuare te Maori ina koa kua kitea te kuare o N.P. Haare. Hei tana take tuatahi tonu ka kitea te he o tenei tangata, kaati i te he o te take tuatahi hei aha i tirohia ai te roanga o ana korero. Tirohia ano tana take tuatahi- Kei hea te upoko te rarangi ranei i roto i te Karaipiture o meatia i tae a Pita ki Roma, i tu ia hei pihopa mo Roma, i ripekatia ia ki Roma, a ko tona kainga tuturu tera ko Roma? E kore rawa e taea e N. Haare te whakaatu. He korero wananga noa iho nana. Ko ia ke te tino pohehe ka ki nei ia ko matou. Mo tana tae tuarua, ko ta matou ki tenei, whakaaturia te pohehe. Mo te take tuatoru, e mohio ana te pakeha i etahi wa e rua nga popa i potitia. Mo te take tuarima. I kinongia ai te Hahi o Koma ehara i te mea mo te pai engari mo te kino ke. E mea ana te Whakarohe xix o te Hahi o Ingarangi Kua he ano to Hahi o Roma, ehara i te mea ko nga mahi anake, me nga tikanga o te karakia, engari ko nga mea ano e whaka- akona ana hei whakaponotanga ma te tangata."

Mo te take tuaono. I marama ta matou korero ehara, te Hahi o Roma i te matua no te Hahi o Inga- rangi otira ke toha tonu te tangata kuare i tona whaka- aro kuare. He korero ano tenei na nga Momona, i whanau mai te Hahi o Ingarangi i roto i te Hahi Pikopo. Na te tangata kuare tenei korero na te tangata take ranei. E hoa whakatikina e koe te matuatanga o

te Hahi Roma mo nga hahi katoa.