Nama 79
190409

whārangi 2  (12 ngā whārangi)
titiro ki te whārangi o mua1
3titiro ki te whārangi o muri


 
TE PIPIWHARAUROA

Ahakoa he iwi karakia a Ruhia e puta ana etahi mahi tino kino i te whenua. Kua ro- ngo katoa tatou ki te kino o Ruhia ki te tukino ki te kohuru i nga Hurai. I patua nga tane nga wahine, torotoroa iho i nga matapi- hi tetei ki nga huarahi a mate iho, ko nga hoia i tu noa iho. Ko te kohuru kino ia a Ruhia ko te kohurutanga i nga Hainamana, tane,

wahine, tamariki i tata ki te 5000. I te wha^

whai a nga Pokiha i te taua 1900, ka wehi nga Ruhia o tetahi taone (Blagoveschensk) e tata ara ki Marakuria, ka puta te kupu a te kawana kia whakawhiti katoa nga Haina- inara i iaua taore ki tetahi taha o te awa ara ki Marakuria, kia whiti katoa i roto i nga haora e 24. I whakaae tonu nga Hamama^ na engari i tono hoki ratou kia homai he poti e kore hoki e taea te hanga he poti i roto i nga haora e 24. Otira kahore te kawana i whakarongo, heoi no te paunga o nga haora e 24, ka eke ana hoia Kohake (Cossack) ki o ratou hoiho, ka whiua kahuitia nga Haina- mana ki te awa, ka aia ki te wai, a mate atu. Ka mate he kahui ka whiua mai he kahui ke ano, a pau noa iho te 5000, kapi tonu te awa i te tupapaku. Kahore he kohuru hei rite mo tenei te kino. Kahore te kawana i whiua no muri noa mai katahi ano ka turakina i tona turanga (see " The Real Siberia."}

Ko Tiapani he iwi hou tonu ki te Whaka- pono Karaitiana, engari ka nui to ratou hihi- ko; ko nga tangata kareti te hunga hihiko atu ki te whakapono. Ko te mea a etahi ta,- ngata he ringaringa a Tiapani no te Atua hei whiu i Ruhia.

Kahore he wahapu o Ruhia e puta ai ana kaipuke whawhai ki nga moana nunui. Ko te nuinga ona kaipuke kei te Moana Baltic, otira ko te putanga ki waho he whaiti rawa, no tetahi iwi ke hoki. Nona ano te Moana Pango otira kei a Taake ke te putanga ki te Moana Nui, na konei i mea ai a Ruhia kia patua e ia a Taake i te tau 1853» kia riro ai i a ia te ngutu o te Moana Pango, otira na te awhinatanga a te Ingarihi raua ko te Wiwi i mate ai a Ruhia i kore ai a Taake e mate. Heoi ano te utu ki Ingarangi mo tenei raupa- tu ko Kaiperu, he moutere kei waho o Pana- ena. I hiahia ai a Ingarangi ki Kaiperu hei pa mo te tohe o Ruhia kia puta ia ki te Moana Nui. I te kore putanga mo Ruhia i te hauauru katahi ka toro tona kawai ki te Rawhiti, ka puta ki te moana, ka hanga he wahapu mo ana kaipuke ko Paratipotoka. Hei nga makariri ka puni tenei wahapu i te

huka na konei ka tangohia e Ruhia a Poota Aata. I riro a Poota Aata i a Tiapani i mua atu i ta raua whawhai ko Haina: otira i te hae o Tiamana o te Wiwi, ka peia a Tiapani no te tangohanga a Ruhia i Poota Aata ka- hore hoki i whai kupu. Otira e hia ranei ra, wiki marama, e tu mai nei ka riro ano i a Tiapani tona ito a Poota Aata. Ki te horo a Poota Aata ka whakaeaea ko Paratipotoka. Ki te riro enei wahapu e rua kua motu te kawai o Ruhia i te Rawhiti, ka whakahokia ano ia ki te tuawhenua. Ki te titiro ia ka mate a Ruhia ara ki toku reo," ka pari te ihu," " ka ngaro te haunga ahi."

HE TANGATA MATAPO.

O NGA mate katoa e pa ana ki te tangata ko te matapo tetahi mate tino kino ra- wa; engari ano te turi e titiro ana nga kanohi, e korero ana te reo; te whango e titiro ana nga kanohi, e rongo ana nga taringa; tena ko te matapo he rite ki te hemo i te mea e ha ana ano te manawa. E rongo ana te matapo ki te pai o te ahua o te ao: ki ona maunga, ki ona awa; ki te moana, ki nga rakau, ki nga taru- taru, ki nga puawai; e rongo ana ia ki nga whetu, ki te marama, ki nga kapua, otira ko tona kite ko tona mohio kahore; e rongo ana ia ki te mahana o te ra, ko tona kite ia i te ra kahore; kahore he awateatanga ki a ia heoi ano he pouri anake; e rongo ana ia ki nga manu o te rangi e waiata ana ko tona kite ia i nga manu kahore; e rongo ana ia ki te reo o ona whanaunga, o ona hoa aroha, e pa ana ia ki a ratou, otira kahore ia e mohio ki o ratou ahua. Ko te hea he mate hei rite mo te ma- tapo? E te hoa kei te whakawhetai ranei koe ki te Atua mou kahore i matapo?

Koia ano a Paratimiuha i kaha ai tana tohe kia whakaarohia ona kanohi e Te Karaiti. Na tona hoa pea i whakaorangia e Ihu i tona tomonga ki Heriko i kawe. mai te korero ki a Paratimiuha kua ora ia, a, tera a Ihu e puta mai i te pa, katahi ka taria e ia i te kuwaha. (Korerotia Maka 11, 46-52, Ruka 18, 35-43;

Na, he haruru tapuae, he hiere, he ope nui ka puta mai i Heriko, e ahu ana ki Hiruharama ki te hakari; ka oho te ngakau o Paratimiuha. Ko tangata rongo nui nei pea tenei, ko Ihu o Nahareta? Katahi ia ka ui, " He aha tenei? " Ka whakahokia mai e nga tangata: —