Nama 84
190503

whārangi 2  (12 ngā whārangi)
titiro ki te whārangi o mua1
3titiro ki te whārangi o muri


 
TE PIPIWHARAUROA

Tuatahi: Ko te Whakatapu i te Hapati.

He mea tika rawa te whakatapunga i teta- hi ra o te wiki, he aroha no te Atua ki te tangata, he mohio no te Atua e kore te tangata, e ora ki te mahi tonu ki te kore e okioki. Kaore he mea e ora ki te kore e okioki. Ko te whakatapu i te Hapati tetahi o nga pou o te whakapono. Mahi tonu te kainga i te Ra Tapu he hau- hau ranei he kore karakia ra- nei. Ko te Hatarei to te Ringatu tona Ra Tapu engari hoki mahi tonu ai ratou i te Hatarei. Mahi ai nga pakeha karakia- kore i te Ra Tapu, otira e te iwi kaua tatou e aru i a ratou kei te mohio tonu tatou he he tera. Ki te whakatapu tatou i te Ha- pati ka ui a tatou tamariki ki te take, ka

tohi tatou ka whakaatu na te Atua i wha- katapu. Na, ka whakaakona e ta tatou whakatapunga i te Hapati a tatou tama- riki kia mohio ki te Atua, ka mohio hoki ratou he wahi tatou no te Atua. Koia nei ra e te iwi kaua e turakina tenei pou -rohe o to tatou whakapono hei titiro ma o tatou uri. He oha te Ra Tapu na o tatou tu- puna na o tatou matua, i tino whakatapua nei e ratou, heoi " kaua e nekehia ketia." "Me whakarite ano e koutou aku hapati:

hei tohu hoki ki te takiwa oku o koutou, puta noa i o koutou whakatupuranga." (Ekor. xxxi, 13)

Tuarua: Ko te Pupuri i te Kupu a te Atua.

He mea e tino marama ana, ko nga whe- nua kahore i te korero i te kupu a te Atua kei te heke ki te kino e kore rawa e tupu te whakapono o te tangata e kaha ranei ia ki te tu ki te hoa riri mehemea kahore ia i te korero, i te pupuri i te kupu a te Atua. "Otira kaore kau he painga o te korero noa iho i nga Karaipiture ki te kore e tohutohungia e te wairua o te Atua," e ko- re hoki te tangata i te ngakau maori e tango i nga mea o te Wairua o te Atua. . . e kore ano hoki e ahei te matau, ma te Wairua hoki ka kitea ai." (i Kor. ii, 14). E rongo ana tatou ki etahi tangata mohio ki nga Karaipiture, otiia ko to ratou mohi- otanga kei te mahunga anake kahore i te ngakau, na reira kotiti ke ta ratou wha- kamaoritanga i nga Karaipiture.

Ka kite au i te Paipera i te whare ka penei toku ngakau e korero ana nga tanga- ta o tenei whare i te kupu a te Atua, he wahi to te Atua kei tenei whare, ina hoki te pou e whakaatu nei.

I te mea ka po ka haere tetahi tangata raua ko tana tama ki te whare o tetahi kaumatua moe ai, otira i wehi raua na rei- ra i tetahi e moe ana, ka ara tonu tetahi. I te ohonga ake o te papa ka kite i te tama e moe ana, katahi ka ui ki te take i moe 72 ia, ka mea ake te tama, " E pai ana, i kite atu ahau i te kaumatua na e korero ana i te Paipera." Ae i kitea te pou-whe-

nua a te Atua ki te whare o tenei kaumatua.

I te whakawahinga i a Kingi Eruera i hoatu e te Akepihopa o Kanatipere te Pai- pera ki tona ringa me te mea atu, "Ka hoatu e matou ki a koe te mea nui atu i te ao." He mea tuturu tenei ko te iwi e mau ana ki te "mea nui atu i te ao" e nui ano i te ao. "Whakatakina nga tikanga o nga Karaipiture" (Hoa. v, 39; tiro Mahi xvii, 11.)

Tuatoru: Ko nga Whare Karakia—

Ka tu he whare karakia ki te kainga ka mohiotia he kainga karakia, ka kore he whare-karakia ka ui te ngakau, "He hau- hau pea tenei iwi?" Otira he nui nga whare karakia e tu noa iho ana kahore e manaakitia ana. I te pakarutanga o teta- hi kaipuke ka u nga tangata ki tetahi mo- tu i mohiotia he iwi kai tangata nei o reira, wehi ana taua hunga. I piki tetahi o ratou ki tetahi pukepuke ki te titiro i te ahua o te motu, ki te titiro hoki me kore e kitea he mangumangu. Eke kau atu taua tangata kua heke iho me te umere. He aha te take i umere ai ia? He kitenga atu nana i tetahi whare he ripeka i runga, mo- hio ana ia he whare-karakia, kua kauwha-

utia te Rongo-pai ki tena motu, a kua