Nama 87
190506

whārangi 2  (12 ngā whārangi)
titiro ki te whārangi o mua1
3titiro ki te whārangi o muri


 
TE PIPIWHARAUROA

HUI TAKIWA O TE HAHI.

Ki TE ETITA O TE PIPIWHARAUROA.

E MANU tena koe e tioro haere na i ru- nga i nga marae o te iwi Maori e noho ana i Aotearoa me te Waipoumanu. Kia orai Tenei etahi korero hei mauranga ma o pari- rau e mau ake i raro nei:—-

No te Rahoroi Aperira 29 i ta ai ki Manaia te Hui takiwa o te Atirikonatanga o Akarana me Waikato i te Pihopatanga o Akarana.

Ko nga hapu na ratou i karanga te Hui, ko Ngatimaru, ko Ngatiwhanaunga, ko Nga- tipukonga, ko Ngatiporou, ko te Patukirikiri, ko Ngapuhi.

I tata tonu ki te 200 nga tangata i tae mai ki taua Hui, no nga takiwa o Hauraki me Waikato. Nga minita pakeha ko:—Nerike- na, Pihopa o Akarana, ko Hokena, ko Te Manihera. Nga minita Maori ko Nikora Tautau, ko Taimona Hapimana, ko W. H. Matete, ko H. Ruarangi, ko Ranapia Mokena. Nga mangai-reimana ko Tame Paraone, ko Poari Riwai, ko Wiremu Tehuia, ko Tiro Paora, ko Atahere Moanaroa, ko T. T. Rawhiti.

I te ata o te Rahoroi, Aperira 29, i timata- ria te karakia ki te Himene, 174, "a te Koea o Manaia i hapai nga himene katoa. I muri o te himene, ka whakatapua e. te Pihopa nga wahi hou o te whare karakia, i runga i tona whakahoutanga, ara ko te purupiti, me te aata. I te Pihopa te karakia o te Hapa Ta- pu me te kauwhau, ko tana rarangi, kei a Matiu 28, 9, ko Rev. H. Manihera te kai- whakamaori, ko 160 te whakaminenga, e 28 i tango i te Hapa Tapu.

I muri tonu iho o te karakia, ka noho te Hinota, ko te Pihopa te tumuaki. Ka mutu tana whai korero, ka kokiritia nga motini me nga pire o nga whare karakia me nga moni tahua minita.

I mutu tonu iho te Hui i te ahiahi o taua

WHAKAUNGA.

I te, o nga haora o te Ratapu Aperira 30, ka mahia e te Pihopa tetahi o ana mahi nui, ara ka whakaungia nga tane, 13, menga wahine 11

hui katoa e 24," No Manaia te nuinga o ra- tou, no Ngatiporou ki Harataunga etahi kota- hi to Hauraki.

Na Rev. Hare Maihi Ruarangi ratou i whakaako, i tuku atu hoki kia whakaungia e te Pihopa.

Ko te kauwhau a te Pihopa kei te Inoi o te Ratapu tuatahi i muri iho o te Aranga. He nui ana kupu whakamarama, whakatupa- to hoki i te hunga e whakaungia ana, me te whakahau ano kia kaha ratou i runga i to te Atua kaha ki te whakarere i te rewena o te mauahara, o te kino, kia waiho ano hoki taua inoi hei inoi ma ratou ina tango i te Hapa a te Ariki.

Ko te nui o te whakaminenga 120 i kiki tonu te whare karakia, puta atu hoki ki wa- ho, he pakeha ano etahi i reira.

Heoi, ko te Hinota me te Whakaunga tua tahi tenei ki Manaia wahi o Karamaene, ta- kiwa o te Pariha o Hauraki.

Ko tetahi mea i puta ohorere ake i te ra o te Hinota ko te matenga o te hoa wahine o Te Kawhena, ko Pare Waikato Rangitu te ingoa no te 27 o Aperira ka moe i a i te moe- nga roa, no te ra o te Hinota ka nehua. I puta te kupu a te Kawhena: E rua nga ta- ngata o tenei Hui, ko te Pihopa ki te koa, ko ahau i whiwhi ki te pouri. He nui te ohonga o nga tangata o te Hahi mo te matenga o te- nei wahine he wahine hoki ia i paingia e nga Maori me nga pakeha.

E taea koa te aha a aitua. Na Ihowa i homai, na Ihowa i tango, ki a whakapaingia te ingoa Ihowa. No te Mane Mei I ka we- hewehe te Hui, a ka mutu te poroporoaki a nga manuhiri ki nga tangata whenua, ka whakatutu nga waranatia Maori o Manaia, tokoono ratou i runga i te whakahau a Otene Paora, Sergent A. Squadron First Reg. A. M. R., he nui te pai o ta ratou whakatutu i a ratou pu, he mea hou hoki hei matakitaki ma te konohi. ...

He kupu whakamutunga.

No te 8 o nga ra o Mei ka haere mai ahau i Hopuhopu, Taupiri, Waikato ki toku Pari- ha hou ki Parawai, Thames, a no te Ratapu 14 o nga ra ka tu ahau ki toku whare karakia i Parawai, e huaina nei tona ingoa, ko te Tokotoru Tapu.

ho o te