Nama 88
190507

whārangi 2  (12 ngā whārangi)
titiro ki te whārangi o mua1
3titiro ki te whārangi o muri


 
TE PIPIWHARAUROA

HE KUPU KI NGA WHAEA.

TE WHAEA RAUA KO TANA TAMAITI.

(Na Mrs. C. Northcote, Ingarangi.)

WHANAU ana te tamaiti timata ana te

mahi a tona whaea ki a ia—ae, i mua atu i te mea kahore ano kia whanau noa, no te mea ki te kahore te wh aea e matua whakaako i a ia ano e kore ia e mohio ki te whakatupu i ta- ua tamaiti; a ko wai ia nei te wahine, e tika ana kia kiia he whaea, e whakawhanau i tangata ki te ao hei take mo te pouri mo te whakama, me i matau ia ki nga mea hei whakaakoranga mana ki tana tamaiti? Ko tetahi o nga mea nui, o nga mea tuatahi, hei meatanga ma te whaea ki tana tamaiti, he mau kia iriiria. Ki ta etahi whaea whakaaro he rehitatanga i te tamaiti te iriiri, ko etahi kahore rawa e iriiri ana i a ratou tamariki. Tena ra, e oku hoa whaea, ata whakaarohia tenei mea. Ka haria e koe tau tamaiti, ka tapaea atu ki te Atua, a ka tohungia ki Tana tohu tapu—ki te tohu o te Ripeka—he tohu hei hoia pono ia ma te Karaiti, hei pononga mana a mate noa. Hei te mutunga o te iriiri ka whakahokia mai ano te tamaiti ki a koe mau e whakatupu ma te Atua. Ata whakaarohia tenei mea. Ka homai ki a koe, tangata nei, mau e whakaako e whakatupu he tamaiti ma te Atua, he kai- noho mo te Rangatiratanga o te Rangi. Mehe- mea i whiriwhiria ko koe hei tiaki, hei whaka- tupu i tetahi tamaiti kingi, e puta tou uaua ki te tiaki i taua tamaiti, kei pangia e te mate, e te he, e kore rawa koe e hoha ki te kimi i te painga mo taua tamaiti, e hoha ranei koe? Hei kai-noho ki tetahi rangatiratanga ehara nei i tenei ao, tau tamaiti ake, he rangatirata- nga nui ke ake, a e mea ana te Atua ki tena ki tena o koutou, "Tangohia te tamaiti nei, wha- katupuria hei tamaiti maku." Heoi me titiro e tatou inaianei me pehea ranei tau whakatupu i tau tamaiti. Ko te mea tuatahi ko te tiaki i te tinana o te tamaiti, he mahi nui tenei, kia pai ai kia ma ai. Kahore oku hiahia ki te whakara- nea i nga mahi a nga mea e he ana te manawa ite huhua o te mahi, otira he mea marama tenei ara he iti noa iho te hoha o te tamaiti oia te tinana i te tamaiti tangitangi, matema- te, a me pehea ia nei e ora ai te tinana o te tamaiti, ki te mea he paru? Kei pohehe kou- tou e mea ana au he tinana ora katoa nga ta- mariki ma, ko etahi tamariki i whanau hiroki tonu mai a e kore rawa e kaha; otira e kore rawa tetahi tamaiti kahore nei e horoia ana kia ma, e kore rawa e kaha, e ora te tinana.

Me horoi nga tamariki katoa ki te wai maha- hana, ahakoa rangatira, rawakore ranei, kia ko- tahi horoinga i te ra, a huri noa nga tau e rua. Kia mahara e kore e tika te tamaiti a te Atua kua whakaritea nei hei kai-noho ki Tona ra- ngatiratanga, e kore e tika kia paru. Ki taku whakaaro ko te tamaiti a te rawa-kore e tino rite ana ki a te Karaiti i tona whanautanga. I whanau noa Ia ki te takotoranga kai ma nga kararehe, he tino rawakore otira e ahei ranei koe te ki kahore a Meri i tiaki i te tina- na o tana tamaiti a i horoi kia ma? E tino mohio ana koutou kahore a Meri i pena.

Me whakakakahu te tamaiti. Kahore he ti- kanga ki te tamaiti o te ahua o nga kakahu, ki te mea e ma ana e mahana ana otira ko wai te whaea (mehemea e tika ana ia kia kiia he whaea) e kore e whai kia ataahua nga kakahu o tana tamaiti? He ngawari noa te utu o te kakahu i enei ra, otira waiho ake te korero mo nga kakahu mo te wa poto. Ko te mea nui atu i nga kakahu ko te kai ma te tamaiti, mehemea ki te kahore e whakangotea ki te u o tona whaea. Pai atu ia mo te tamai- ti a mou ano hoki, ki te whakangote a ia ki tou u e kore koe e porearea mo nga marama e ono e iwa ranei mo te ahua o ana kai. Ki te pau enei marama he he te whakangote tonu i te tamaiti ki te u, he kino mona he ki- no mou, engari me whangai te tamaiti. Ko te tino kai ma te tamariki he miraka taea noatia te putanga o nga niho, ko te kai tenei e hohoro ai te pakari o te tamaiti, kahore he kai i tua atu. Me whakananu te miraka ki te wai; mo te tamaiti iti kia kotahi wahi miraka kia rua wahi wai ara mehemea ki te kotahi te puunu miraka me whakananu ki nga puunu wai e rua; ka pakeke haere te tamaiti ka whakaneke i te miraka kia rite to- nu te nui ki te wai. Kia mahana me tetahi tote ki roto me tetahi wahi huka. Ki te eke ki te kotahi tau te tamaiti, ka hoatu he pihikete, he mea tuku ki te wai he mea whakapepe hoki ki te paoka, hei kinaki mo te miraka, engari kaua rawa e hoa- tu ki to tamaiti he taewa, he ti, he keke he miiti me nga kai penei; e kore enei mea e taea e te kopu o te tamaiti te huri, e kore e whaka- kaha i tona tinana, engari e waiho hei huara- hi mate mona, a taua wa ano, a muri atu ranei. Ki te whai niho te tamaiti kahore he he o te kiri paraoa, he mea rekareka hoki hei oro i ona paekaha. Kia ma tonu te patara miraka a te tamaiti; ki te waiho tetahi kai i roto kua kawa nei, ka pangia te tamaiti e te mate a he mea kaha rawa te rongoa i te mate