Nama 99
190606

whārangi 2  (12 ngā whārangi)
titiro ki te whārangi o mua1
3titiro ki te whārangi o muri


 
TE PIPIWHARAUROA

i ta te tangata mehua; e mea ana te Karai-

piture, "Ko te mea nui hoki i nga tangata hei mea whakarihariha kite aroaro o te Atua." "He mea utu nui ki ta Ihowa titiro te matenga o tona hunga tapu." Hoatu ra e koro, haere ra ki tou okiokinga. Tena te reo powhiri e rangona e koe, "Pai rawa e te pononga pai e te pononga pono; pono tonu to mahi ki nga mea ruarua; maku koe e mea hei rangatira mo nga mea maha;

uru mai koe ki te hari o tou Ariki." Tena ano te karauna piraukore kei te rongoa i tou Ariki mou.

TE HINENGARO ANO O TE MAORI.

ITE mea kua taia a matou korero i tera marama mo te ahua o te Hinengaro o te Maori, no muri mai ka puta mai he wha- kaaro ki a matou mo te ahua ano o te hinengaro o te Maori, era, te hinengaro ka- hore nei ano kia pokepokea e te ringa pakeha. He tika, he tokomaha nga tangata tino matau o taua o te Maori he mea whakamiharo rawa te korenga whakaaro o etahi ki etahi mea e tino marama nei he poauau. Inakoa, he maha nga tau i ako ai te rata pakeha ki te ahua o te tinana o te tangata, ki nga rongoa ranei hei whakaora, hei whakangawari ranei i aua mate; ka ki te rata ki te Maori he mea to mate; i muri mai ka haere te Maori nei ki te tohunga ka mea te tohunga he mea te mate, ehara i ta te takuta i korero ai—ka whakaponohia e te hinengaro ko te kupu a te tohunga he rite nei ano ki a ia te mohio, tena ko te rata i pau nei nga moni me nga tau maha ki te ako, kaore whakaponohia e te Maori. Whakapono ke atu te Maori ki tana moemoea, kahore ki te kupu a te tangata matau. Na te pakeha te kai nei te waipiro, kaore te pakeha e inu noa i te parani "tiri-ta" me whakananu ra ano ki te wai, kahore he kupu a te pakeha, he rongoa te parani mo nga mate katoa e pa ana ki te kikokiko, otira i te kupu a tetahi wahine, ka

hore nei e mohiotia he wahine whaiwhakaaro he wahine rorirori ranei, otira kei te whaka- ponohia tenei wahine e te hinengaro o te Maori. Kua taia e matou nga korero whaka- kino a Takuta Keeke, he tangata tino matau, otira Kaore te hinengaro o etahi Maori e wha- kapono ki tenei takuta matau, ka whakapono ke atu ratou ki a Hikapuhi. Ki te whakatu tetahi tangata tahae i a ia hei tohunga hei

poropiti, ka whakaponohia e te hinengaro ko te kupu a nga tangata, a nga tangata pai kahore e whakaponohia, engari ka kinongia. Kei te haere mai te wa e mutu ai tenei ahuatanga o taua o te Maori, ma te kura. .Ko nga tamariki o Te Aute e uru ana ki nga mahi tohunga na runga i te ngahau ehara i te mea na to ratou whakapono ki aua mahi.* E ki ana etahi Maori he maumau noa te whaka- ako i a ratou tamariki ki nga kura ate pakeha, engari te whakaako ki te hanga whare. No te kuare tenei whakaaro. Ko te mea tuatahi ko te whakaako i te hinengaro, hei muri nga ringaringa. Ko te tamaiti i whakaakona te hinengaro ka hohoro ke atu tana ako ki nga mahi a-ringa. Kaore ano ranei tatou kia ki- te, kia mohio, ko nga iwi e kaha ana ta kura, e kaha ana hoki nga mahi, e piki tonu ana ki runga, ko nga hapu kahore i te kaha te kura, kei te tu tonu, kei te hoki whakamuri, kei te ngooki noa ranei te haere.

HE TOHUNGA TINIHANGA.

KUA rongo nga kaikorero o Te Pipiwha- rauroa ki te hinganga o Takuta Taui, o Hiona, Amerika. Ko Taui te tino tohunga nui o te pakeha o enei tau, kati kua tino mau tona he. I kiia a Taui e ia ano ko Iraia, he tini nga tangata i aru i whakapono ki a ia. I tu te hui a te whakaminenga a Taui i More- pana, i whakaaetia ai e ratou tenei motini, na tetahi tonu a nga apiha a Taui i whakaari:

"I te mea kua kitea kua takahia e Hoani Arehanara Taui nga Ture Kotahi Tekau ka- toa, a kuai kitea e nga kaiwhakahaere o Hio

na tona tinihanga tona moumou moni, tona tahae, tona teka, tona tango tikanga, tona ki- no ki te hunga i whakamotitia e ia, tona ko- hukohu ki ta ki kei a ia te mana o te Atua hei hipoki i ana mahi kino, na reira ka puta te whakaaro i tenei whakaminenga o Merepana, kia mutu rawa te whakarongo ki tana kupu ki tona mana. E tautokona ana hoki e tenei hui kia whakaaturia e Rev. McCullagh enei putake ki nga iwi o Ahitereiria puta atu ki Niu. Tireni

Ka wha te tinihanga o tenei tohunga. Me i iwi maia ana te Maori kua wha noa atu nga mahi tinihanga a o tatou nei tohunga e wha- whakapohehe nei ia tatou.