Pukapuka 5, Nama 5
18780202

whārangi 49  (12 ngā whārangi)
50titiro ki te whārangi o muri


Tirohia ngā kupu whakataki o tēnei niupepa

 
TE WANANGA

HE PANUITANGA TENA KIA KITE KOUTOU

"TIHE MAURI-ORA." NAMA—5. NEPIA, HATAREI, PEPUERE 2, 1878. Pukapuka 6

HE PANUITANGA KI TE IWI MAORI. E mahara ana pea te Iwi Maori, ma te Runanga o TE WANANGA rawa ano e whakaae ka pata ai TE WANANGA nupepa ki te tangata tono kia tukua . atu he nupepa ki a ia. Na, he mea atu tenei ki te iwi, ma koutou e tono ka tino tukua atu TE WANANGA nupepa kia koutou, kei te hiahia hoki raua, ko te moni a te tangata te tikanga e puta ai he nupepa ki a ia. Ko te utu mo te tau, kotahi pauna e rua hereni me te hikipene. 39

MAKI TONORE KAI-WHAKA-MAORI; RAUA KO PARAHI,

KEI TE AVENUE WHANGANUI. KUA tu mana hei Kai-riihi, hei Kai-hoko ranei i te whenua Maori, a hei Kai-whakaputa whenua i te Kooti Whakawa. Otira, mo nga mahi Maori katoa, mo nga mea o mua, mo nga mahi o naianei. MAKI TONORE. . Hune 2, 1877. 16

PANUITANGA. KIA KITE! KIA KITE!

KUA HOKI MAI A RENETI RI NEPIA NEI, A he tini tini noa atu ana Koti, Tarautete, Wekete, Potae, Kiapa,

Kaone, Paraikete, Raka, Me nga tini mea katoa e paingia e te Maori.

HAERE MAI KIA KITE I te whare Hoko o

R, E N E T I M A Hei tawahi ake o te Kooti Whakawa Tawhito i Nepia, I Te Hekipia Rori 44

PAERANI ME ANA HOA, KAI HOKO I NGA MEA RINO KATOA.

KEI a ratou nga taonga mea rino, maha rawa, pai rawa, i te taone o Nepia nei. Ko a ratou utu he ngawari rawa atu i nga toa katoa, ara :— He Parau, he rakaraka, me nga mea katoa mo te mahi aha whenua. He pu, he paura, he hota, he tingara. He pura- pura kaari, purapura maara. He hapara, he kaheru, he tiini parau, he tiini kuri, he pereti, he pune, he kapu, me nga mea katoa mo roto o te whare. Haere mai! Haere mai ! Kanui te ngawari o nga utu.

Te Wananga Kotahi Putanga i te Wiki. HATAREI, 2 PEPUERE, 1878.

HE kore no te tini o te Maori o nga motu nei, i kite a i mohio ki te tikanga e pai ai te tuhituhi Pitihana ki te Paremata, koia matou i mea ai, me panui e matou nga kupu a tetahi tangata i tuku mai ai kia matou, hei titiro, hei mea kia ata marama i nga Maori e noho mamao ana i te wahi e tu ai, a e mahi ai te Pare- mata. Koia nei nga kupu a taua tangata. Ko te 7 tenei o nga tau e haere tonu ana ahau ki te Paremata whakarongo ai, matakitaki ai hoki i nga whakahaere a te Kawanatanga ratou ko te runanga nui me nga mema i whiriwhiria mo te Paremata. Heoi i au e matakitaki ana, e whakarongo ana i te Paremata, ka rongo ahau kotahi pea te Wakene ki tonu i nga Pitihana a nga iwi o te motu nei kei te Paremata e takoto huhua kore ana. Kaore kau he ritenga tahi o aua tu Pitihana, ka homai etahi kia kite ahau ka kite ahau i te he i mahue ai aua Piti- hana te whakahaere, koia tenei. 1. He kore kaore i tika te whakahaerenga o nga take korero o roto o aua Pitihana. 2. Ko te ahua o aua Pitihana, he penei me te reta whakaatu korero atu nei naku ki toku hoa ake. 3. He kore tangata hei whakamarama i nga korero me nga take i tuhia ai taua Pitihana ki te Paremata,