Volume 0, No. 47
18851216

page 1  (12 pages)
2to next section


View the commentary of this paper

 

TE KORIMAKO

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

NAMA 47.]

 

AKARANA, TIHEMA 16, 1885.

 

[TE UTU, 6D.

 

MATENGA TANGATA.

 

No te 14 o Noema ka mate a IHARA TE MOE, ki Papawai Wairarapa, he kaumatua rangatira, he tangata e manaakitia ana e nga iwi katoa, he tangata pono ia ki nga tangata katoa, ahakoa Maori. ahakoa Pakeha. Kahore he kino mana i kitea ki runga ki nga iwi, ko te pai anake, ko te peehi anake i te kino. I te 12 o nga haora o te awatea, ka maranga ki runga, ka titiro ki tona wahine, ki ana tamariki, ki ana mokopuna e tangi ana ka puta tona mihi, " hei konei ra e aku tamariki ma te Atua kouton e tiaki. Mana koutou e arahi i nga ara o te matauranga, kia mau ki te whakapono." Ka mutu tona poroporoaki, katahi ka moe ona kanohi. He tangata whakapono rawa a IHAKA, no te oroko taenga mai o te whakapono ki tona kaainga, i piri tonu ia, kihai i rereke ona whakaaro tae noa ki tona matenga. Haere atu ra e pa ki tou Ariki kia Ihu Karaiti. - Na Kingi Remuera Turi i tuku mai.

 

No te Paraire i te 4 o nga ra o Tihema ka mate ki Waima, Hokianga, a KEREAMA RANGATIRA TAWHAI, te tama a Hone Mohi Tawhai. Tetahi o nga tino taitama-rangatira o Ngapuhi. I aroha nuitia ia e nga Pakeha rangatira o Akarana. He nui hoki tona kaha ki te tautoko i nga mahi tiitotara. he tangata karakia hoki i roto i nga Hahi Pakeha, he tangata kauwhau i nga Kura Ratapu, he kai-karakia i nga tangata Maori o te Whareherehere. I runga i enei mahi Karaitiana a tenei taitama, tae ana te pouritanga ki nga tini Pakeha o Akarana mo tona wehenga atu i waenganui i a ratou. (I runga i te mea kua kapi nga wharangi o TE KORIMAKO mo tenei nama, a ko te roanga o nga korero mo te matenga o KEREAMA, ka taia atu a te nama o Hanuere.)

 

PANUI KI NGA KAI-TAUTOKO.

 

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me taku tuatahi mai.

 

NOTICE TO SUBSCRIBERS.

 

THE price of TE KORIMAKO is four shillings (4s.) per annum, post free. Subscriptions are payable in advance.

 

PANUI KI NGA KAI-TUHI MAI.

 

Ko nga pokapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

 

NOTICE TO CORRESPONDENTS.

 

ALL communications to this paper are to be addressed to " TE KORIMAKO, Box 270, Post Office, Auckland."

 

PANUITANGA

 

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

 

PANUITANGA.

 

HE whakamahara tenei ki nga hoa-tuhi-mai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te no oti, i te tieki, i te moni-oata-waea ranei.

 

PANUITANGA.

 

Ko te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

 

Te Korimako.

 

" Kei te Atua to tatou piringa "

 

AKARANA, TIHEMA 16, 1885.

 

I TERA nama O TE KORIMAKO i whakahaerea nga tini tautohe a nga iwi o te ao.

 

Ko tetahi o aua tautohe, na te Kingi o Puma, he whenua e tata ana ki Inia, i puta tona kupu kia panga e ia nga Ingirihi ki te moana, otira no hea i mana tona kupu. Tukua atu ana nga Ingirihi ki tona pa ki Manatara, whakaekea ana taua taone nui, whati atu ana ana hoia, riro ana te pa, me te mana kawanatanga o taua whenua i te Ingirihi. Ko te Kingi me ana wahine me ana pononga kua mauria ki Karakata, i Inia, ko reira ia noho ai i runga i te mahi tiaki, ano he herehere. He nui te koa o tona iwi mo tona hereheretanga, notemea he tangata kohuru he tangata takahi i tona iwi, he mano he mano e mate huhua-kore e ana i runga i ana mahi kino.

 

Ka mutu tenei whawhai, ka huri ano o tatou kanohi ki era iwi e ungutu ana ki Taakei. I haere atu ano a Kingi Mirana o Heawia ratou ko ana mano hoia ki Purukeria, a he tini nga parekura i patua ai e ia nga Purukeriana, otira, kihai i roaroa ka huri ano te huarahi o te pakanga ki nga ope o nga Heawiana, hinga ana taua iwi i a Arekahanara, te Piriniha o nga Purukeriana. Kihai rawa i tohutohu tona patu, arumia haeretia ana ratou e ia, whiti atu ana ki roto ki nga rohe o te whenua o nga Heawiana. He mano he mano nga tangata i mate, whakaekea ana e nga Purukeriana etahi o nga pa o tana whenua, a kei o ratou ringa e pupuri ana inaianei. Ano ka kite nga iwi nunui o Oropi kua mate nga Heawiana, tohe ana ratou kia Piriniha Arekahanara kia houhia-te-rongo. Otira kihai a Arekahanara i whakaae, notemea ko tona hiahia me utu nga Heawiana mo to ratou pokanoa ki te kawe mai i te pakanga ki te whenua o nga Purukeriana, e mea ana ia, kia utua ano ki te utu tika katahi ka hohou i te rongo. E pehea ranei te tukunga iho ? notemea, ko Ataria te