No. 177
191304

page 1  (12 pages)
2to next section


 
Te Pipiwharauroa HE KUPU WHAKAMARAMA. NAMA 177 GISBORNE. " He ao te rangi ka uhia, He huruhuru te manu ka rere." APERIRA 1913 "Kui! Kui! Whitiwhitiora." TE HUI NUI WHAKAHARAHARA O TE TAI RAWHITI. EKORE rawa e taea te korero nga korero katoa o tenei hui, engari me hikohiko haere noa pea te korero. O nga hui katoa kua tu ki te Tai Rawhiti he mea marama noa te ki kaore he hui penei te nui me te whaka- tuwheratanga o te Whare Karakia i Manu- tuke. Haunga nga wawata me nga tuma- nako a te Tai Rawhiti kia hira noa ake te kororia o tenei hui a ratou i te kororia o era atu hui katoa a ratou kua tu atu, kua tu atu. E tika tonu ana kia pera ratou i runga i te mea he oha a Manutuke na te Tai Rawhiti katoa, he taonga i waiho ake e o ratou matua, e o ratou tupuna kua rupeke katoa ki te po, a ko te whakatoputanga tera o nga wehewehe- nga maha o roto o tena takutai katoa. E tika ana kia mamae te ngakau, kia whakapaua te kaha. Engari ko te take i tino hira rawa atu ai te kororia o tenei hui, a i tika ai hoki kia kiia ko te hui tino nui whakaharahara tenei kua tu ki te Tai Rawhiti, na te whakamana- nga mai a waho i te reo powhiri, na te potonga mai o nga iwi katoa, o nga hapu, o nga reo, o nga huihuinga tangata, o nga mana, o nga rangatiratanga o ia wahi o ia wahi o Aotearoa. He mea whakamiharo tenei ara te puputanga mai a Manutuke kia kotahi nga iwi katoa kia kotahi mai ki tona aroaro, me te whanau- tanga mai hoki i roto i tona ra ko te whaka- kotahitanga o nga iwi Maori katoa i runga i te whakapono katahi, i runga hoki i nga tika- nga e ahu ana hei painga mo te tinana. Kei te perehitia ano nga korero o tenei kotahi- tanga no reira ko te whakahua kau i konei o tena taonga nui. Ko tetahi o nga mea whaka- miharo o tenei hui ko te maunutanga mai o nga taniwha nunui o roto o era Tai, o te Tai Hauauru, o te Upoko hoki o te Ika. Kei te karanga rawa a Manutuke katahi ano ka hiki te tapuae, ka tere i te wai, te tokomaha o ratou he waewae tapu ki roto o Turanga. Na konei ra i hiki tenei hui a te Tai Rawhiti kia hira noa atu tona kororia. Waihoki kia pena noa atu he mihi mau e te tangata- whenua ki enei iwi nunui i haramai nei ki te whakamana i to tono, ki te whakatutuki hoki i au wawata, i au tumanako i runga i nga ahuatanga katoa i hiahiatia e koe, nui tangata nui take korero hei hurihuringa hei tatari- tanga hoki ma te ngakau, nui moni ano hoki hei whakamama i ou taumaha. Nga iwi katoa me nga hapu i whakaeke ki te marae o Manu- tuke ko ia enei e whai ake neiĀ— Ngatikahungunu (katoa ona rohe), Tara- naki, Waikato, Ngatituwharetoa, Ngarauru, Ngatiruanui, Whanganui, Rangitane, Ngati- raukawa, Ngatiapa, Ngapuhi, Tuhoe, Ngaitai, Te Arawa, Whakatohea, Te Whanau-a-Apa- nui, me Te Waipounamu. Katoa nga tangata i tenei hui kei te 4000 ka piki atu. Whakaekenga o nga Iwi ki te Marae Tangata Whenua. No nga ra whakamutunga ano o Pepuere ka timata te whakaeke mai o nga iwi o te Tai Rawhiti ki te marae. No Taranaki Te Ua tonu te ope tuatahi, muri tata atu ka whaka- eke mai ko Ngatiporou, muri rawa ko Ngati- kahungunu katoa atu i te Paritu ahu atu ki