Pukapuka 0, Nama 13
18830315

whārangi 1  (18 ngā whārangi)
2titiro ki te whārangi o muri


Tirohia ngā kupu whakataki o tēnei niupepa

 

TE KORIMAKO.
He Nupepa whakaatu i nga rongo o te ao katoa, nga tikanga o Te Whakapono , me era atu mea.
NAMA 13] AKARANA, MAEHE 15, 1883. [TE UTU, 3D.
WHANAUTANGA
TA WHIAO. - No nga ra o Maehe, ka whanau ki Whatiwhatihoe, a Poihaere, wahine o Tawhiao. He kotiro.
HE MATE.
POATA. -Te Waiaka Tauwhirangi Poata, tamahine ona tau 18. I mate ki te Paina (Mercer), Waikato, i nga ra o Hanuere.
TE KURU. - No te 10 o nga ra o Pepuere, 1883, ka moe, i tana moenga roa, a Te Paea Te Kuru, ki Pakipaki, Nepia. Te ingoa o te hapu, ko Kgatihikatu, nohoia. Te Wairoa. Na mate koa tana kukume atu ki te po.
E HERUIKA. - No te 27 o Pepuere, 1883 ka hemo ki Ngakahu, Kaitaia, a Pou Te Hemika, ho tama na Te Heruika, o Waikato, no te hapu o Ngatimahuta, o Ngatimahanga, me Ngatihourua. Ko ana tamariki me te tini o ana mokopuna, kei te mahue kaingo i muri i tona matenga. Na Ratima Aperahama, i tuku mai enei kupu.
TE Warihi. - Nerenia Te Wariki, ona tau 21. I mate i te 23 o Pepuere.
TARA WHERA. - Hohepa Paraone Tarawherawhera, rangatira o nga iwi o Hauraki no Ngatimaru Ngatiwhanaunga, Ngatitamatera. I mate ki Parawai, Hauraki, i nga ra o Maehe. E whakaarohia ana ona tau e 80. Ana kupu whakamutunga ae ra, te kupu tenei a Te Atua, "E kore e roa aku ra ki, te whenua i homai nei e te Atua ki a koe."
TE AORERE. - No te 8 o nga ra o Maehe, ka hemo ki tona whare, i Kemureti, Waikato, a Te Aorere Akenihi te hoa wahine o Meiha Wirihana, ana tau 32. Tau ana te pu-aroha o nga iwi mo te matenga o tenei rangatira ngakau pai.
Ko nga pukapuka katoa mo tenei nupepa me tuhi mai ki a "TE KORIMAKO, kei Akarana, Pouaka Poutapeta 270."
ALL communications to this paper are to be addressed to "TE KORIMAKO, Auckland, Post Office Box 270."
TE KORIMAKO
" Kei te Atua to tatou piringa . "
MAEHE 15, 1883.
KEI whakaaro te tangata e utua ana nga kai-whakahaere, me nga kai-tuhituhi o TE KORIMAKO; kaore kau he utu i te roa tau, a, e haere nei, ko taua tikanga ko te utu-kore te taonga e riro rana mai ma nga kai-tuhituhi. Heoti ano te hunga e whakaritea ana, ko nga tangata whakanohonoho reta, tae noa ki nga tangata perehi; a ko nga hereni o te tau e tukua mai nei e te tini mo TE KORIMAKO," e hoatu ana ma nga kai-perehi. He kupu whakamarama tenei, kei moehewa nga iwi, ae, tenei te kai nei nga kaiwhakahaere i nga tahua e kokiritia mai nei, e rau-whanga, e rau-awa, e raukainga.
Ehara tenei whakapuakanga korero i te tangi moni, engari, he whaki i te tikinga. Me he mea ko te umu-tapu, ko te umunoa, me nga kai-pakapaka, e tika ana, kitahi pea ka rato nga kaiwhaka haere, me nga kai-perehi i nga hua o te tau e whakarawea ana ki nga putea whakairo e nga pu-whakaaro o Aotearoa. Waiho ra, e te whanau me tatari marire, e whano ki hea ? Tenei ake pea, ka taea, ko te keteki ko te peketua, ko te hangere, Engari koa kia tohunga tena taha, kia tohunga tenei taha, kia tika te tatai i te kupenga, kia tika te toro, kia mate ai he ika hei kai ma te kanohi, hei kai ma te waha.
HE kupu ano tenei ki nga Kaitau toko o te manu whetau a TE KORIMAKO, kia pikitia nga tawa nga karaka, me era atu rakau, kia we te kitea te whakaaro o te rau mo tenei tauhou. Me he mea, kua mataotao te whakaaro o te hunga i tango i te tuatahi te nupepa, me whakaatu mai ki te reta, me ki tonu mai, kua mutu, kei awangawanga tonu te ngakau. Kaore kau he tikanga o nga kai mahi, erangi kei nga kai titiro, kei nga kai-taatari korero te ritenga. Ki te pai ano te hunga tuatahi ki te tango hoki, i te rua o nga tau, he oranga ngakau tena ki nga. Pakeha, ki te whakawea te taha Maori, ki te ki mai nga kai tango mataati kua ngaruru i a ratou tenei nupepa e taea e te taha Pakeha te pehea? Ki te mea e aro tonu mai ana, he wai marie koa, he whakapai tena mo te ngakau o nga hoa Pakeha, me nga hoa Maori. Engari koa e te iwi, kei kumea haeretia ki Whaingaroa; waiho koa, i Otutata, inahoki te pepehe e mea nei "He kamakama ete taonga."
A Te Whiti raua ko Tohu.
TE hopukanga ai o Te Whiti raua ko Tohu i houanga, kawea atu ana ki Whakatu noho ai. I naianei kua whakahhhoki paitia raua ki to raua kainga tupu, ki Parihaka. E ki ana tenupepa he mea kautere atu raua e te Pakeha. Kaore i hira nga kai powhiri, kaore hoki i rangona te kupu whakahoki mo raua, Ko nga kupu ka ranga mo raua, taenoa ki nga taki pai atu. Ko a taua whai korero, pai atu hoki. E ki ana te Pakeha, he tapapa tonu ta Te Whiti ki te Karaipiture Me he mea, kei reira tona whakaaro, ka kite ia i te tika.
He kupu whakamahara ano ki nga hoa, kia kaua a tuku mai te moni koura hiriwa ranei i roto o nga reta engari te pane kuini e whakaaetia ana. I utua e matou te kotahi hereni mo te reta kotahi, mo nga reta tuku mai a Hare Rauparaha Wepiha Tautahi, Hoani Wainohi No te mea he moni i roto o aua reta.