No. 63
190305

page 1  (12 pages)
2to next section


 
Te Pipiwharauroa,

he Kupu Whakamarama.

NAMA 63.

GISBORNE.

MEI 1903.

HE MANUHIRI TURANGI.

NO te 22 o nga ra o Aperira nei ka tae mai a John R. MOtt, M.A, Ph.B, ki Te Rau Kareti, raua ko tana hekeretari; he he- keretari ia mo te Ropu o nga Tangata Karai- tiana o nga Kareti i te Ao katoa. Ka whitu nga tau i tu ai tenei kotahitanga, kua eke ki te 85, 000 nga tangata o nga iwi matau katoa i te ao. Ko ta ratou mahi ha hapai i te wha- kapono i roto i nga kareti nunui, puta atu ho- ki ki waho. Kua uru a Inia a Haina me Ti- aipani ki tenei kotahitanga. Ahakoa kaore ano kia roa noa te kauwhautanga i te Rongo Pai ki Tiapani otira o roto i nga tangata 1000 o nga kareti o Tiapani e 30 he Karaitiana, o te nuinga o te iwi kotahi te Karaitiana i roto i te 1000. Kei te piki tonu tenei kotahitanga. E haere ana a Mott ki te tirotiro i ona manga i te ao katoa. I whai korero ia ki nga ako- nga o Te Rau, he whakakaha. I mea ia ko te mahi nui atu i te ao ko te kauwhau i te Rongo Pai a te Karaiti, kaore he mahi ke atu hei rite, kaua hoki te tangata he tahuri wha^ kamuri i te mea kua pupuri nga ringaringa ki te parau. I mea ia e koha ai nga kupu a te tangata ehora i te mea ma te kaha o te tinana, ma te pai ki te korero, engari ma te mohiti^ atu e te tangata e tino pau ana nga whakaaro o taua tangata ki te whakapono, ko ana kupu i ahu oke i tona ngakau ehara i te mea i makere noa mai i nga ngutu. Kaore te tangata e pai ki te tinihanga, koia nei hoki te hara i ti- no kinongia e te Karaiti. Ma te tika o te nga- kau o te tangata ka tika ai ana kupu, ona whakaaro, ana mahi, ki te he a roto ka he ano hoki a waho. Ko te tangata nui te whaka- pono e mohio ana ki te titiro i te whakawai- nga, i tawhiti ano kua noho tupato ia, tena ko

etahi tangata ka moe nga kanohi kia eke to na te whakawanga, katahi ano ka moe nga kanohi kia eke tonu te whakawainga, katahi ano ka korikori, kua horo a hoki te pa. E tu- ku ana etahi tangata i nga whakaaro kino kia noho ki o ratou ngakau, kaore e pei i aua whakaaro ki waho. He hara kino te puremu otira kua puremu te tangata mehemea ia ki te whakaae kia noho te hiahia puremu i roto i tona ngakau ki tetahi wahine. I ki a Matene Ruta, " E kore e taea e au te arai te ata o te manu e rere ana ma runga i toka mahunga kei tau ki runga i a au otira noku ano te he ki te tukua e au taua manu kia hanga ha- na kohanga ki roto i aku makawe." E wero ana te whakaaro poke i o tatou ngakau, otira ki te manaakitia tana whakaaro e tatou, e tuku ana tatou kia hanga i tana hokanga ki o tatou ngakau. Ko te hiahia puremu o te tangata he mea ata hanga nana, ehara i te mea ohore- re, no te urunga o te hiahia puremu ka puri- tia taua hiahia kaore i peia, kua tukua e ia tana whakaaro kia hanga i tana kohanga ki tona ngakau—kua hara ia i roto i tona nga- kau. Ko te mea pai ko te pei i nga whakaaro kino, kaua e poipoi^, e taea te pai, e puta ai ki waho ma te whakaaro i nga whakaaro pai— whakaaro ki a te Karaiti, a i te mea kua tau- nga ki te pei i nga hiahia kino ka mama noa iho te pei atu. I whakahau ano a Mott kia mohio te inoi, kia rite ki ta te Atua i pai ai. E kore rawa e whakamana e te Atua nga inoi a etahi tangata, i te he i te kuare o nga mea e tonoa ana e ratou, mo ratou anake a ratou na inoi, kaore he wahi mo etahi atu tangata i ro- to i a ratou inoi. Ko tetahi mea nui ko te korero i te Kupu a te Atua, hei whakamarama i te ngakau. Ko te Paipera anake te pukupuku i te ao nei hei whakamarama i te ngakau.