Volume 0, No. 58
18861215

page 2  (12 pages)
to previous section1
3to next section


View the commentary of this paper

 

tetahi. Ma te Atua anake enei mahi e huri ke, ma kona pea ka whitingia tenei ao ki tona kororia. E tukua ranei. e te Atua kia hoki nga iwi o te ao nei ki a ratou mahi o mua ? Tenei au ta koutou manu te korokii nei, hore rawa te Atua e pai kia ngoikore nga mahi o te pai, kia whaimana ai a Hatana i runga i nga. mahi kino (kahore, hore rawa). Erangi ka hikoi atu ka hikoi atu kia tae ano tatou ki nga keokeonga o te orangatonutanga a ko reira ka kite ano tatou i te whatinga o nga ope o te kino.

 

Waahi iti kua tae ano tatou ki te Kirihimete ki te mutunga ano o tenei tau. 1886 Ko etahi o tatou, kua taimaha i nga whanaunga kua pahemo atu ki tera taha o Horano, te awa e kore nei e hoki mai nga. tangata e whakawhitiwhiti tana ki tera taha, heoi ano te mea e waiho iho ena kia tatou, ko nga roimata o te .puaroha mo o tatou matua, mo a ;tatou tama, mo a tatou tama. ahine, me a tatou tini . tau o nga ate kua hemo atu i tenei ao. Otira e tumanako ena tatou ka hui tahi-atu tatou katoa ki nga maania ataahua o te rangi ki te aroaro o te Runga-rawa, ki te waahi e mutu ai nga roimata te heke iho. Ko to waahi tena kahore he mamaetanga ake tonu atu. Koia ahau ka mea ko nga rongo pai o nga whenua mai o tawhiti e rite tonu ena ki " ta te wai matao ki te wairua mate-wai." Tena-ra e tama ma, kia aro atu o tatou kanohi ki taua whenua i .tawhiti, ka tae o tatou whakaaro ki tana kaainga, ka kite ano tatou i nga hepara e tiaki ena I ratou hipi, e kore e roa ta tatou whakaaroaro ka kite ano tatou i te aha ra ? No hea mai te reo e rangona nei e tatou, anga atu ano o tatou kanohi katoa ki. te rangi ka rongo ano tatou i nga waiata reka e umeretia ena e nga karere i kawea mai ai nga rongo nui nga rongo pai mo nga tauiwi katoa o te ao. Ko nga kupu enei e hou rawa ai ki te hohonutanga o o tatou ngakau. Na ko te putanga mai o tetahi anahera a te Ariki ki nga hepara a whiti mai. ena te kororia o te Ariki kia ratou, a tawhio noa, a nui whakaharahara to ratou wehi. -Na ka mea mai te anahera kia ratou, kaua e mataku, ta te mea he kai-kauwhau tenei ahau ki a koutou mo te hari nui, meake puta mai ki te iwi katoa. No naianei hoki i whanau ai he Kaiwhakaora mo koutou i te pa o Rawiri, ara, a Te Karaiti te Ariki. A ko te tohu tenei kia koutou, e kite koutou i te tamaiti ka oti te takai ki te kakahu e takoto ena ki te takotoranga kai ma nga kararehe. A kihai i aha ko te tini noaiho o te ope o te rangi e noho tahi ena me taua anahera e whakamoemiti ena ki te Atua, e mea ana, " Kia whai kororia te Atua i runga rawa, kia mau te rongo ki runga ki te whenua me te whakaaro-pai ki te tangata." Ahakoa, kahore o tatou kanohi i kite pu, erangi ko nga kanohi o te wairua e kite ena me nga taringa e rongo ana. Tena ra kia koa ano tatou mo tenei mahi atawhai me tenei mahi miharo, kia torona atu o tatou ringa ki te hariru ki nga tau - tangata katoa, notemea ko tenei rongopai kua rere haere. i te moananui, i nga awa roa, kua haere i runga i nga maania tae noa. Ki nga takutai me nga tihi ikeike nga maunga katoa o te ao. Kia whakamoemiti ano hoki tatou mo tenei mahi kororia a te Runga-rawa. E tika rawa ena te whakatauki: - " Ko nga rongo pai no nga whenua tawhiti e rite tonu ena ki ta te wai-matao ki te wairua mate-wai."

 

Te Rerewe o Kaihu.

 

KUA kitea i roto i te nupepa Pakeha, o te 1 o nga ra o Tihema, e mea ana, ko te kanataraka mo te mahi o te rori-rerewe mai i Takiwira ki Kaihu, kua riro i tetahi Pakeha o Poihakene, ko te utu mo te mahinga o taua rori, kei waenganui o te rima tekau mano pauna. A mea ake ka timata te mahi o tana rori, ko te roa o te rori, kotahi tekau ma ono maero me: te koata. He rongo tenei e koa ai nga ngakau o te katoa, notemea, ma te puare o nga whenua mo enei huarahi e kake haere ai to tatou motu.

 

Tera pea e haere atu a Piriniha Arekahanara kia kite i a te Kuini.

 

No te 4 o nga ra o Tihema i tae mai ai nga rongo no Ingaranga, e kii ena te kapene o te Waimea, e rere ena tona kaipuke e hia ranei nga ra i mua atu o te pakarutanga o Tarawera, e mea ena ngaro katoa tona kaipuke i te puehu, e ono rau pea nga maero ki waenganui noa atu o te moana. Tena ra te roa rerenga o te puehu!

 

Kua tae mai te reta a "Hami Herepai," o Pepe, Tairua, mo te matenga o tetahi ngeru, i te 30 o nga ra o Nowema, 1886. Ko taua ngeru he mokai pai, he mohio ki. nga .mahi katoa, ki te pekepeke-taiepa, ki te peke i roto i te ringa, ki te hopu kiore, me te hopu manu. Na enei mahi a taua mokai i puta ai te aroha-nui i roto i o ratou ngakau mo te matenga, a tukua mai nei kia taia ki te nupepa.