E HOA MA. Tenei ano taku tikanga mo te harakeke hoea mai ana e koutou ka paunatia katoatia nga karakeke hoea mai ai a ko nga utanga waka e kore e rite ki te taimahatanga o nga pauna ko tahi mano, ekore ia e tangohia, ko te utu o nga utanga e rite ana ki nga patua e rua mano, koia tenei, e ware hereni mo nga harakeke roroa, he mea tapahi ki raro rawa ki te putake. Na, ka riro mai nga utu i te tangata a ka hiahia ia ki tetahi mea ke atu, haunga te moni hei utu, na ko te ritenga tenei e aua taonga. Ka wa nga pauna paraoa e rite ana ki te hereni kotahi. Kotahi pauna Tupeka, e rite ana ki nga hereni e toru. Ka wa nga pauna Raihi e rite ana ki te hereni kotahi. Katoru nga pauna Huka e rite ana ki te hereni kotahi.. Kotahi paraikete e rite ana ki nga hereni tekau ma rima.

Kotahi Hate e rite ana ki nga hereni e wa.

Na to koutou hoa aroha NA TE TERE Te puru Huna 15, 1843

Ki te kai tuhituhi o te Karere

E Hoa- E mea ana ahau ki a tuhituhia e koe nga moni i kohia i konei e nga hahi o Pehiakura o Waikato 15 11s. 4 1/2d. hei kawe mo te Rongo pai ki nga iwi e noho ana i roto i te pouri. Kei a au ena moni a maku e uta atu ki tahi wahi ki te komiti o nga mihinare. Na tou hoa na te MANIHERA NO TE PUAHA O WAIKATO, HUNI 10, 1843

E HOA MA. Ko te toru tenei a matou tainga korero nga hoiho o te Kawana kua ngaro - heoi kahore ano kitea noatia. Na, i te korerotanga tuatahi i mea atu matou e whiua mai nga Hoiho ki konei Otiia kihai tae mai. No reira tuaruatia ana kupu haere mai etahi tangata, hei kai arahi mo te pakeha. Tena, kihai tae mai. No konei ka mea atu ai matou kia korerotia kautia kia matou te ingoa o te kainga kitea ai aua hoiho e haerere ana. Na ma matou e hopu.

Akarana, he mea ta ki te perehi o te Kawana.