| 4
TE KARERE O PONEKE.
tangata o te hui, ara, 3600 nga rohi,
1 kau, 1 poaka, 6 peke huka, me te ti,
me te pata. He taro, he tihi, he pi-
hikete, he ti, nga kai whakatakotoria
ma nga Pakeha i tae ki te matakitaki.
Ko enei kai i whakatakotoria ki runga
ki nga tepu ki roto ki te tahi wharau;
7 kumi te roa o taua wharau: ko nga
moni i utua ai aua kai Pakeha £107.
Kua oti noa atu te whakarite e te
kai whakaako Maori o taua kainga,
kia timataria te mahi a te hui ki te
karakia, ki te kohikohinga moni hoki
mo te Wharekarakia. Na, peratia
ana, a, £25 53. 1d. nga moni i kohi-
kohia; ka mutu, ka wehewehea penei-
tia aua moni; £14 i whakaritea mo
te hanganga o te Wharekarakia ki
Mangere, £12, 63. Ia. mo tera Wha-
rekarakia ki Pukaki.
Ko te tino take i karangatia ai taua
hui, he korero mo Te Ahiwaru e noho ra
ki Puketapapa, ara, kia hoki ranei ratou
ki Waikato ki to ratou kainga tupu,
kia puritia ranei kia noho tonu ki te
whenua e mahi nei ratou inaianei.
Na Koroniria Tokuwaha, o Te Ahi-
waru, i timata te korero; ka mea ia.
Haere mai, Haere mai oku matua;
Haere mai oku teina; Haere mai kia
kite i te pakarutanga o tuku waka.
Muri iho, ka whakatika ko etahi o ona
hoa, ka korero; otiia, kaore i kaha i ta
Paora Tuhaere o Ngatiwhatua, ratou
ko Ihaka Takaanini, ko Hohepa Otene,
ko nga tangata nona te mana o te
whenua. Ka mea hoki ratou, me no-
ho tonu ano ki reira. E rua nga ra i
korerotia ai nga tikanga, katahi ka
tuhituhia ki te pukapuka.Ko nga
korero enei.
Puketapapa,
Maehe 26, 1858.
Kua whakaae a Hohepa ki Puketa-
papa kia tukua ki Te Ahiwaru, hei
kainga pumau mo ratou, mo o ratou
tamariki i muri ia ratou, ake, ake; a,
whakaae ana te Runanga o te Ahiwaru
hei kainga pumau mo ratou.
HOHEPA OTENE,
Erueti Hingawai,
tona tohu.
Ko nga kai titiro;
Ko Te Para,
Ko Tamati Ngapora,
Me era atu 21 nga ingoa.
Na, katahi ka mea nga tangata o
Papahinu, ara, te hunga i whakanohoia
etahi atu, kia peratia hoki tetahi puka-
puka ki a ratou, na, whakaaetia ana;
koia tenei:
Puketapapa,
Maehe 26th, 1858.
Ka tukua e matou, e Ihaka Takaani-
ni, e Mohi Te Ahi-te-ngu, e Hone Te
Muhu, e Te Peipene Te Tihi, e te iwi
katoa o te Akitai, ko te wahi whenua,
ko Papahinu te ingoa, ki a Ngatihine-
mutu, hei kainga pumau mo ratou, mo
o ratou tamariki, ake, ake.
tona
Na Ihaka Takaanini X
tohu
Na Mohi
tona
Na Paora Kina X
tohu
Ke era atu Tokowaru.
Ko nga Kai titiro
Ko Te Para,
Hohepa Otene,
Me era atu Tokowaru.
I te toru o nga ra o te huihuinga
ka korerotia ko etahi o o ratou tikanga
ake, otira kihai i ata oti, waiho ana ma
te huihuinga nui e whakaoti, e meatia
nei meake tu ki Ngaruawahia ki wai-
kato.Karere Maori.
Ki te Kai Tuhi o te Karere o Poneke.
Turakina, Hune 30, 1858.
E hoa,
Hoatu enei korero kia taia
mai ki te karere maori.
E koro e Panapa Huruterangi, e ta
e Heta Tionga, tena ra korua. E
koro, e Panapa, tena ra koe ngakanohi
o to tuakana kua wehea atu i ahau ki
te mate. Ko Kewetone kua riro atu
ia ki te mate. No te Parairei no te
28 o Mei, 1858, ka mate ia. Ka mutu
nga korero atu ki a korua. Ha Wai-
ata tenei:
Kore te aroha, komaingo maingo noa, e
koro hoki au e puta ki waho ra, kai whaka
mau au te auahi, ka patua ki tai o Tura-
kina, ki te hoa ka wehe, kaore i penei to
aroha i ahau me te mokai whenua e mahia
mai nei. Mahi noa atu ra, e te iwi, toi ora e
roa o rangi, e te tutuki me he mate. Ko-
paito, ka pae nei, he aha e whiti ta hau e
tangi kariroatua no te Kohao, te tangata i
to matua ra, ka riro ki pae rau te hoki mai
U a taua. Ka riro tuhoe, ka riro tarapata
aku mana whakaruru ki te ao nei, waiho
nei ki ahau, ko ngarurenga heru ai noa iho
ki te nohoanga.
Ka mutu.
NGA RITENGA O TE HOKOHOKO.
NGA KAI O TE MARA.
Witi, 9 hereni, mo te puhera
(62 pauna.)
Paraoa, 22 hereni, 24 hereni, mo te
rau pauna.
Papapa Witi, 1 hereni 6 pene, mo
te puhera (20 pauna).
Paraoa tuatoru, IO hereni 11 mo te
rau pauna.
Kanga, 9 hereni, me te hikipene
mo te puhera (56 pauna).
Taewa hua kou, 9 hereni, ma
te rau.
Ooti, 8 hereni, mo te puhera
(40 pauna).
NGA KAI KINAKI.
Piwhi, 3 pene mo te pauna.
Kiko Hipi, 4 pene, mo te pauna.
Kuao kau, 5 pene, 6 pene, mo te
pauna.
Poaka ora, 3 pene mo te pauna.
KO ERA ATU MEA.
Pata (hou), 2 hereni mo te pauna.
Pata (tote), 1 pene, mo te pauna.
Hua heihei, 1 hereni mo te kau ma
rua.
Poaka whakapaoa, 1 hereni, 4 pene
mo te pauna.
Tiihi, 1 hereni mo te pauna.
Pipipi, 6 hereni, 9 hereni, te mea
kotahi.
Kuihi, 4 hereni, 6 hereni, te mea
kotahi.
Parera, 4 hereni, o hereni, takirua.
Heihei, 4 hereni, 5 hereni takirua.
Muka papai, 20 hereni mo te rau
pauna.
PANUITANGA.
Ko taku Puruki to kata kua ngaro.
He parani ano tona. Ko tetahi
o nga taringa-roa kua whatie haere
taringa kotahi ana. Tona kara, he
whero he ma kei te kopu, kei nga
kaokao.
HORI HEREWINI.
Heretaunga,
10 o Hurae, 1858.
I taia tenei Nupepa i te perehi o
MEKENIHI raua ko MIUA, i Poneke. |
3