Nama 67
190309

whārangi 1  (12 ngā whārangi)
2titiro ki te whārangi o muri


 
Te Pipiwharauroa,

he Kupu Whakamarama.

NAMA 67.

GISBORNE.

HEPETEMA 1903.

HUI KARAKIA KI TE MURIWAI.

I TERA tau i haere te Kareti, nga kai- whakaako me nga akonga, ki Te Arai, ki reira whakaoho ai i te Whakapono, i tenei tau i haere ki Te Muriwai. He tino tikanga tenei na te pakeha te haere o etahi tangata kauwhau ki te whakaoho i te Whakapono, he tikanga ano hoki tenei no te Hahi Maori i nga ra o mua, te hui ki nga po karakia ki nga " Taite," otira kua ngaro tenei tikanga inai- anei. I te whaikorero a Te Tiatene i mea ia e rite ana te ahua o te Whakapono ki te ra- kau. He wa ano ka nui te rau me te hua otira hei te hotoke ka ngahoro nga rau, ka tu ko te rakau anake. Kua uru te Hahi Maori kei te hotoke, kua ngahoro nga rau me nga hua, kua tu ko te tata anake. Otira ko a te pakeha rakau anake e ngahoro ana nga rau, heoi ano ta te Maori rakau i rite ki a te pakeha ko te kotukutuku ara ko te konini. Kia rite hoki te Hahi Maori ki nga rakau maori kanui

te pai. Kotahi te wiki i noho ai te Kareti, a Te Tiatene raua ko tona hoa wahine me ta raua tamaiti, ki te Muriwai, i karakia ai i kau- whau ai, ehara i te mea hou engari " ko taua Rongo Pai ano." Nui atu te manaaki a te Huauri i a matou, te manaaki i o matou tina- na, inaianei kua riro mai matou, me o matou tinana ko nga kupu kua waiho atu hei manaakitanga ma ratou. Ko nga putake kauwhau enei: (i) Te Tapu o te Atua me tana whakawakanga mo te hara, (2) Te Rip- eneta, (3) Nga Take i kore ai te tangata e whakapono me te Ataahua o te Karaiti, (4) Nga mea hei peehi i te Whakapono—-ko te Mangere tetahi take nui, (5) Te Whiriwhiri- nga ko te Atua ko Hatana ranei, (5) ko kata- te reo ngawari o te Atua me te kaha ki te tu mo te tika, (7) Te Haere a te Karaitiana, (8) kia u kei pahuhu (Hipa. ii, i).

E rua nga tino take o tenei tu mahi, ko te awhina i te hunga e whakarongo ana ko te awhina hoki ko te whakaako i nga akonga o te Kareti. I te karakia o te Ata i whakaa- turia te tikanga o te Karakia Nui o te Ata o te Ahiahi. I te mutunga mai o te kura a nga tamariki ka huihui ratou ki te whare-karakia ki te ako himene ki te kura. Kotahi te kara- kia i whakaritea mo nga tamariki tane anake, a i tae katoa mai pea nga tamariki tane o te Muriwai. Na Te Tiatene raua ko Kohere nga kupu ki a ratou. I mea a Te Tiatene i whakaritea to tane hei kaitiaki i te wahine, hei tiaki i tona tinana i tona ingoa, otira ko etahi tangata ko to ratou hiahia nui ko te takakino i nga tamariki wahine. I te uinga i nga tangata e hiahia ana kia whakaungia 16 nga tamariki tane i homai i o ratou ingoa, 3 nga kotiro. Ki te kore nga tamariki tane e tauto- ko i nga mahi e kore e tupu. I nui te tangata i nga karakia: ko ta karakia nui o te ahiahi, ko te karakia o te po.

Nui atu to matou whakamihi ki nga tama- riki o te Muriwai, ki to ratou mohio, ki to ra- tou kakama, kaore he tamariki hei rite mo ratou. Ko a ratou tikanga he rangatira, ka hiahia ratou ki te mahi kai-ngakau atu ki te mahi. Ki te ata whakaakona enei tamariki e tupu hei tino tangata, hei tino wahine.

Kotahi te po i puta ai nga: 1 korero mo te Hahi Momona, ko to te Momona i reira ko te- tahi tangata no te Mahia ko Nga Waea tona ingoa! tangata matau, he mohio ki te kore- ro, he mau ki te korero, he puku-tohetohe. Ko tona he rawa he kore nona kaore e wha- kaae kua he ia, ahakoa kua hu ka whakaputa- puta noa, ka rere he taku ke. Ina koa, kua puta mai nga rongo o te Mahia kei to korero taua tangata i hinga ia ia a Te Tiatene. I tino hinga taua tangata, kei nga tangata katoa • o Te Muriwai e mohio ana tona hinganga.