Pukapuka 1, Nama 2
18620101

whārangi 26  (32 ngā whārangi)
titiro ki te whārangi o mua25
27titiro ki te whārangi o muri


Tirohia ngā kupu whakataki o tēnei niupepa

 
26 AOTEAROA.

wahine ra, a Arapera, ka riro ake a Mere, tae rawa atu ki te nohoanga

o Te Karamu tirotiro kau ana. Ka pa te karanga, " E Kahu e ! E

Kahu e ! " Kihai i o mai. Whakaaro ai nga wahine Kua tae Ki te

Kainga. Tae rawa atu Ki te kainga Kahore Kau. Ka rapua i te po e

tona pononga e Poto, Kihai i Kitea. I te ata Ka kitea e takoto ana i

Powhetau i te mutunga tai. Ka tae atu te Kai Korero ki te kainga o

Mata. " Kua moe a Te Kahukoti"' Hohoro tonu te Karakia ata o

ma, Ka Kaere ki te tiki i te tupapaku, kawea atu ana ki te

Huihui ana nga iwi ki te uhunga. Ka korero a Te Taniwha—" E

aku teina whakamutua te kai rama, ka poto tonu tatou i te rama. Ma

koutou e titiro, he ara ke tenei, he ara hou. Ko te ara o a tatou

tupuna, he mate noa iho he mate pai tera. "

I korero hoki a Haora, i tohe ki te iwi kia whakarerea tera kai

whakatutua tangata, whakamate tangata; maumau te tangata kia

patua huhuakoretia e tenei kai nanakia; heoi, kahore e mohiotia te

whakaaro o Ngatipaoa, Ka mutu ra nei ka aha ranei. Kia mohio nga

tangata Katoa, ko ia e kai ana i te waipiro e haurangi ana, he tangata

pu ia no te rewera, tona Kainga ina mate KO te ahi whanariki. E tino

wehi ana te tangata tika ki tenei Kai, ekore ia e pai kia pa ki ona

ngutu, kei riro ia Ki te Whakawainga.

Ko te waiata tenei a Te Kahukoti i te uhunga Ki a Paora Te Putu i

mua tata atu o tona matenga. Ano he mea whakarite mona ano tona

waiata, mei te tika o nga Kupu.

Kaore te po nei te maturu te hau,

Te tahuritanga ake ki te konaenga whare;

Tahuna mai e tama ki te aihi taraiti;

Ka muri aroha au, te tonga o te ra,

Te rerenga ki te rua, mawai ano e tapapa ?

Whakaopeope ai te rere mai o te ao;

Mawai au e kawe nga tumu kei Otaki?

Te kakau tango rua nahau nei e Puke.

Kei te muri koe Pene, nana, rawa i tuatahi.

Nana rawa i tuapeka ki te iti i ahau;

He inumanga Rama i haurangi ai au.

Hepetema 11, 1861.

Ehoa e Tetotorewa e Patene e Aperahama e Haora e nga rungatira katoa

o ngati Paoa tena kou tou kototatou ai tua ehoa ma kati te tone ki te kai

i te waipiro ka ngaro tototo i runga i totatou oneone i tena rongoa whaka-

mate kua mate te rangatira o Waikato o koutou i te waipiro. He aha ta

ko utou e tohe whakamutua heoiano.

NA MATENE RUTA.

No Ngaruawahia, Waikato.