Pukapuka 1, Nama 2
18620101

whārangi 30  (32 ngā whārangi)
titiro ki te whārangi o mua29
31titiro ki te whārangi o muri


Tirohia ngā kupu whakataki o tēnei niupepa

 
3O AOTEAROA.

Rewena Paraoa.

Ko nga mea enei hei hanga rewena hei whakamama mo

te paraoa e pokepokea hei kai.

Riwai—3 pauna me kohua me whakakope.

• Tote—2 koko nui ko te kapu ra nei o te ringa

kia ki.

Hapi—2 aunihi taimaha.

Huka—| pauna, ara 8 aunihi.

Paraoa—1 pauna, mea pai.

I te Mane ka kohua i nga Hapi, kia kotahi karaua wai,

kia hawhe haora e koropupu ana, ka riringi i te wai kau ki

tetahi oko, kia matao, me te miraka nei, ka maka te tote,

te huka, me te paraoa, ka kororirori ai. I te Wenetei, me

whiu ki roto nga riwai kohua, 3 ra pauna. I te Taite ka

riringi te wai ki te pounamu ka puru ai hei whakananu mo

te paraoa e pokepokea ana.

Mo te Pokepoke Paraoa.

Ko te tikanga tenei mo te paraoa pokepoke hei kai.,

Paraoa—3½ pauna.

Tote—1 koko iti.

Rewena—2 koko nui.

Wai—½ panikena kia wera iti nei.

Me kororirori enei katoa, me whakatakoto ki te kapata

kia kotahi haora; hei reira ka riringi ki roto kia kotahi

panikena wai ahua werawera. Pokepokea kia pupuru, ki

ta te paraoa ahua ano, kia kotahi kuata haora e waiho ai i

tahaki, ka maka atu ki te oumu kia tunua.

Eo Tapuika.

Ko te korero tenei mo nga tupuna o Tapuika. I ka to-

nu te ahi a Tapuika ki Maketu taeanoatia tenei wahi. Ka

rere a Tapuika ki Rangiuru i a Te Rangihouwhiri ka wha-

kaaro mai ano ki te kainga ka hokia mai. Ehara i te mea