Volume 1, No. 2
18620101

page 25  (32 pages)
to previous section24
26to next section


View the commentary of this paper

 
AOTEAROA, 25

TE PAIPA, TE TUPEKA.

He kai kino te tupeka, he kai piro, he kai whakatutua,

he kai whakamate tangata. He tini nga mate e ahu mai

ana i te tupeka, na ngarata i titiro, a, ko etahi o nga

rangatira whaiwhakaaro o Ingarangi kua runanga kia

whakamutua taua kai nanakia.

Ekore te tangata whakaaro nui ki te Atua e kai i tera

taru kino, e mahara ana hoki ia, ko tona tinana kua waiho

hei temepara mo te Atua Wairua Tapu, a ki te kai ia i tera

mea, e pei atu ana i tona kai atawhai, ara i te Atua.

He kaiwhakamangere tangata te tupeka, a, ko nga hua

o te mangere, he korero kino, he kanga, he tahae, he hiahia

kino, me te tini atu o nga he.

He kai tahae te tupeka i te rawa o te tangata. Hoko

kau ia i tera kai, ekore e makona, he paoa kau te putanga,

piro noa nga tangata wainamu ki taua paoa, a, nui atu te

whakarihariha i te tirohanga atu o te hawareware o nga

mangai a Paipa raua ko tona teina ko Tupeka.

He kai whakatutua. E heke te mana o te rangatira, e

heke i te paipa, ka whakataukiria ia, "He ware. " Na, ko

nga pai e ahu mai ana i te tupeka horerawa kia kotahi;

kimi noa, kimi noa, kihai i kitea kia KOTAHI.

TE MATENGA O TE KARAMU KAHUKOTI

NGAURANGA

I te 12 o nga ra o Akuhata i te tau nei ka mate a Te Karamu Kahukoti.

He rangatira nui tenei tangata, he teina-ma-tuakana 1d a Potatau. Ko te

take i mate ai, he Waipiro. Tawaia mai taku mate e te tangata; whaka-

kaitoatia mai; otiia, tenei taku kupu ki a koe e te tangata e whakakaitoa

ana, ko tona henga hei whakatupato i a tatou. Nei ra tetahi atu kupu—ko

te tangata e mea ana e tu ana ia, kia tupato ia, kei hinga.

I haere pai a Te Karamu i taua ra ki te uhunga i roto, hoki mai i reira,

ka noho ki te whare o Te Kata, he Pakeha kei Waitawa te kainga. Nga

hoa haere ko Mere Piriruma, ko Arapera Rangipaeroa. Ka turuawaenga, ka

tae atu ratou ki te pikitanga i pahaki atu o te tumu ki Te Kawakawa. Ko

Rangipaeroa o ratou i ora; nana a Te Karamu i kukume ake i eke ai. No

te ekenga ki runga ka haere raua, ka mahue te hiwi, ka noho a Te Karamu,

ka mea atu ki te hoa " Haere ki te tiki i to whaea i a Mere. " Hoki ana a

Arapera, me te karanga iho, " Kati mai ano koe i Kona noho ai, Kia tae ake

maua. " Ka mea atu te tangata ra " Haere, e marama ana au. " Ka hoki te