Ham volume 8 - Jarida la mabadiliko na uimarishaji wa sekta ya Afya Tanzania (Wizara ya Afya, 1998, 38 p.): Mkutano wa waganga wakuu wa mikoa 1998

Ham volume 8 - Jarida la mabadiliko na uimarishaji wa sekta ya Afya Tanzania (Wizara ya Afya, 1998, 38 p.)

		(introduction...)
		Viongozi wapya Wizara ya Afya
		Tahariri
		Chiduo asisitiza umuhimu wa mabadiuko ya sekta ya afya
		Mkutano wa waganga wakuu wa mikoa 1998
		Mfumo wa afya wa wilaya
		Changamoto mpya kwa afya ya jamii
		Mfumo wa taarifa kwa ajili ya uendeshaji
		Magonjwa Mapya ya kuambukiza na yanayojirudiarudia
		Ugonjwa wa Kisukari
		Mabadiliko ya idadi ya watu Tanzania
		Sera ya idadi ya Watu
		Idadi ya Watu na Mazingira
		Taarifa ya ongezeko la Wazee Duniani
		Matatizo ya wazee katika jamii
		Unapata uzoefu gani kutokana na maelezo ya kazi za mganga wa wilaya huyu?
		Jitihada za Kimataifa za kupambana na ugonjwa wa Malaria
		Shirika la afya duniani na mapambano dhidi ya Ukimwi
		Usalama wa damu ni muhimu kudhibiti ukimwi
		Athari ya Ukimwi Wilayani Makete
		Changamoto za kimaadili na haki za binaadamu zinazowakabili wafanyakazi
		Wanawake na watoto ni sehemu muhimu katika jamii
		Huduma ya Wakunga wa jadi Tanzania
		Athari za Tumbaku, pombe na madawa kwa mama mjamzito
		Bushi
		Mabadiliko ya muundo wa uendeshaji wa Shirika la Afya Duniani (WHO)
		Kilio cha wakimbizi na maisha ya kifamilia
		Wafadhili na Maskini
		Matangazo
		Chemsha maji yako
		Maadili ya PCB (Cost of Conduct)
		Kisa cha mtaalam wa afya kwa jamii
		Kinyume

Mkutano wa waganga wakuu wa mikoa 1998

Kila Mwaka huwa kunafanyika Mkutano mkuu ambao huitwa mkutano wa Waganga Wakuu wa Mikoa. Licha ya kuitwa hivyo, mkutano huo huhudhuliwa na viongozi toka Wizara ya Afya, Waganga Wakuu wa Mikoa, Waganga Wakuu wa Manispaa, Waganga Wakuu wa hospitali za Rufaa wa waalikwa wengine kutoka Sekta na Taasisi nyingine. Mwaka huu mkutano huu ulifanyika Mkoani Mtwara kuanzia tarehe 28 Septemba hadi 2 oktoba 1998.

Mkutano huo ulifunguliwa na Waziri wa Afya Mh. Aaron Chiduo na kufungwa rasmi na Katibu Tawala wa Mkoa kwa niaba ya Mkuu wa Mkoa ambaye alikuwa safarini, nje ya mkoa wake. Wageni wengine mashuhuri waliohudhuria mkutano huo, wakikuwapo Naibu Waziri wa Afya, Mh. Tatu Ntimizi, Katibu Mkuu, Mama M. Mwaffisi, ambaye ndiye aliyekuwa Mwenyekiti wake, Mganga Mkuu Dk. G. Upunda na Wakurugenzi wote wa Wizara ya Afya.

Mada kuu ya Mkutano huu ilihusu kuongelea masuala ya utekelezaji wa mabadiliko ya Sekta ya Afya (Health Sector Reform - the way forward). Kama kawaida mkutano huu ulianza kupokea na kujadili ripoti za Mikoa na Taasisi mbalimbali za Wizara ya Afya na baada ya hapo mada mbali mbali zilitolewa kuzumgumzia mabadiliko katika Sekta ya Afya.

Kutokana na taarifa nyingi za mikoa, zilionyesha kwamba vifo vya kina mama na watoto vilikuwa viko bado juu. Pia ugonjwa wa Malaria ulikuwa bado unaongoza katika magonjwa kumi ya mwanzo (top ten diseases) hasa kwa watoto wadogo. Aidha kumekuwepo na mlipuko mkubwa sana wa ugonjwa wa kipindupindu ambao umesababisha vifo vingi. Mkutano ulipendekeza Waganga Wakuu wa Mikoa na hospitali za Rufaa washirikiane na taasisi mbalimbali ili waandae utarafibu mahsusi wa kina ambao uwe unafanywa ili kupata vyanzo vya matatizo na pia kila mkoa uwe na mpango wa dharura wa kukabiliana na milipuko ya ugonjwa wa kipindupindu.

Nasaha ambazo Mwenyekiti wa Mkutano, ambaye pia ndiye Katibu Mkuu wa Wizara kwa wajumbe zilihusu mambo yafuatayo:

Ili kupambana na rushwa Wajumbe walihimizwa kuweka mabango sehemu za kazi kwa lengo la kuelimisha wananchi kuhusu gharama mbalimbali za uchangiaji, kuvaa vitambulisho, kuwa na vikao na mawasiliano ya mara kwa mara na wafanyakazi na kuweka visanduku vya maoni katika sehemu zao za kazi.
Kusimamia na kudhibiti matumizi ya fedha kwa kuzingatia kanuni na utunzaji wa vitendea kazi
Waganga Wakuu wa Mikoa na Wilaya wahakikishe kuwa taarifa za siri za utendaji kazi za watumishi waliochini yao zinawasilishwa haraka Wizara-ni ili zoezi la upandishwaji vyeo liende vizuri.
Hatua za kinidhamu zichukuliwe mara moja dhidi ya nntumishi anapovunja sheria au maadili ya kazi bila woga wala upendeleo.

Mwenyekiti aliahidi kufuatilia upatikanaji wa dawa muhimu kutoka MSD na aliwataka Waganga Wakuu wa Mikoa wawe wanaleta taarifa za dawa wanazopata na wanazokosa.

Baadhi ya Wajumbe Mkutanoni Mtwara