Ham volume 8 - Jarida la mabadiliko na uimarishaji wa sekta ya Afya Tanzania (Wizara ya Afya, 1998, 38 p.): Idadi ya Watu na Mazingira

Ham volume 8 - Jarida la mabadiliko na uimarishaji wa sekta ya Afya Tanzania (Wizara ya Afya, 1998, 38 p.)

		(introduction...)
		Viongozi wapya Wizara ya Afya
		Tahariri
		Chiduo asisitiza umuhimu wa mabadiuko ya sekta ya afya
		Mkutano wa waganga wakuu wa mikoa 1998
		Mfumo wa afya wa wilaya
		Changamoto mpya kwa afya ya jamii
		Mfumo wa taarifa kwa ajili ya uendeshaji
		Magonjwa Mapya ya kuambukiza na yanayojirudiarudia
		Ugonjwa wa Kisukari
		Mabadiliko ya idadi ya watu Tanzania
		Sera ya idadi ya Watu
		Idadi ya Watu na Mazingira
		Taarifa ya ongezeko la Wazee Duniani
		Matatizo ya wazee katika jamii
		Unapata uzoefu gani kutokana na maelezo ya kazi za mganga wa wilaya huyu?
		Jitihada za Kimataifa za kupambana na ugonjwa wa Malaria
		Shirika la afya duniani na mapambano dhidi ya Ukimwi
		Usalama wa damu ni muhimu kudhibiti ukimwi
		Athari ya Ukimwi Wilayani Makete
		Changamoto za kimaadili na haki za binaadamu zinazowakabili wafanyakazi
		Wanawake na watoto ni sehemu muhimu katika jamii
		Huduma ya Wakunga wa jadi Tanzania
		Athari za Tumbaku, pombe na madawa kwa mama mjamzito
		Bushi
		Mabadiliko ya muundo wa uendeshaji wa Shirika la Afya Duniani (WHO)
		Kilio cha wakimbizi na maisha ya kifamilia
		Wafadhili na Maskini
		Matangazo
		Chemsha maji yako
		Maadili ya PCB (Cost of Conduct)
		Kisa cha mtaalam wa afya kwa jamii
		Kinyume

Idadi ya Watu na Mazingira

Mahusiano Baina ya Idadi ya Watu na Mazingira

Mazingira ni jumla ya mambo mengi ambayo yanahusiana na kuathiriwa moja kwa moja ama vinginevyo na watu. Kwa mfano, upanuzi wa ardhi inayotumiwa kwa uzalishaji wa chakula, pamoja na ufugaji unaweza kuathiri misitu yetu na wanyama pori. Vile vile tunaharibu misitu kwa kukata miti kwa ajili ya kuni. Zaidi ya kutupatia mnishati, misitu inaweza kuathiri upatikanaji wa maji, na ikiharibiwa inaweza kusababisha mmomonyoko wa udongo. Mmomonyoko wa udongo kwa upande mwingine unaathiri uwezo wa kuzalisha chakula. Idadi ya watu inavyoongezeka kwa haraka inaweza kusababisha na kuharakisha uwiano usioridhisha katika mazingira, na kuleta mafatizo makubwa kwa kila mtu.

Matumizi ya Ardhi na Uharibifu wa Mazingira

Kwa vile Tanzania ni kubwa na kuna tofauti za kimaumbile kutoka sehemu moja hadi nyingine, hapajawa ufumbuzi wa kudumu juu ya uharibifu wa mazingira na kupungua kwa rasilimali ya ardhi. Wizara ya Ardhi, Mali Asili na Utalii, katika mpango wa uendelezaji Misitu kwa kipindi cha mwaka 1990-2008, imeainishwa kanda maalum zinazohitaji kushughulikiwa.

· Katika sehemu ya Usambara Magharibi, miteremko ya milima Kilimanjaro, Meru, pamoja na Wilaya za Kagera, Rungwe, Ukerewe Tarime na Mbulu, kuna msongamano mkubwa wa watu na matumizi makubwa ya ardhi kwa ajili ya kilimo na miti kwa ajili ya kuni, jambo ambalo linasababisha kutoweka kwa misitu. Sehemu hizi vile vile zinakabiliwa na uwezekano mkubwa wa mmomonyoko wa udongo kutokana nna maumbileyake na mvua nyingi.
· Maeneo ya Mwanza, Mara na baadhi ya sehemu za Shinyanga yanaathiriwa n a ongezeko la haraka la idadi ya watu na kilimo cha pamba pamoja na ufugaji usioambata-na na uwezo wa malisho.
· Mbuga za Masai, pamoja na sehemu za mikoa ya Dodoma na Singida zinaathiriwa sana naufugaji wa mifugo mingi kuliko uwezo wa malisho unaotokana na wafugaji wanaohama kutoka sehemu moja hadi nyingine.
· Mkoa a Tabora pamoja na Wilaya za Chunya na Iringa Kaskazinizinaathirika sana kutokana na kilimo na uzalishaji wa Tumbaku.
· Mikoa ya Iringa, Mbeya, Rukwa Kusini na Ruvuma Magharibi ndizo sehemu zinazozalisha chakula kingi Tanzania, zikizalisha mahindi kwa ajili ya biashara.
· Maeneo ya Kigoma - Mpanda na Rukwa Kaskazini yanakab-iliwa na msongamano mkubwa wa watu kutokana na idadi kubwa ya wahamiaji na wakimbizi kutoka Burundi na Rwanda, ambao vile vile wanahitaji ardhi kwa ajili ya kilimo.
· Maeneo ya Dodoma yaliyoko chini ya mpango wa HADO, na sehemu za Shinyanga zilizoko chini ya mpango wa HASHI zimeathirika sana.
· Katika ukanda wa Pwani na Visiwa vya Mafia, utengenezaji wa chumvi pamoja na ukaushaji wa samaki kwa kutumia kuni, vimesababisha uharibifu wa misitu, na hasa misitu ya mikoko.
· Katika sehemu za Morogoro Mashariki, Mkoa wa Pwani isipokuwa Rufiji Magharibi ya Tanga na kusini Mashariki ya Mkoa wa Dodoma misitu imefyekwa sana kutokana na mahitaji ya miti kwa ajili ya mkaa na kuni.
· Sehemu za Lindi, Mtwara, Ruvuma Mashariki, Morogoro na Kusini na Kusini mwa Mkoa wa Pwani ambako msongama-no wa watu ni ndogo, misitu, bado inastawi vizuri na kuna miti mingi. Lakini, hata sehemu hii vile vile bado iko katika tishio la kuharibiwa iwapo hatua za haraka za kuhifadhi misitu hii hazitachukuliwa.