Volume 0, No. 29
18840715

page 1  (30 pages)
2to next section


View the commentary of this paper

 

 

Te Korimako.

 

He Nupepa whakaatu i nga tikanga o te Whakapono' nga Rongo o te Ao katoa' me era atu mea.

 

NAMA 29.] AKARANA, HURAI 15, 1884. [TE UTU, 3D.

 

MATENGA TANGATA,

 

No te 7 o Hurai, 1884, ka mate a MANAHI TE RATU ona tau e 35. E 9 ona tau e mahi pirihimana ana mo te taha Pakeha, Maori hoki. Haere, ekoro! koina te huarahi mo te katoa.

 

PANUITANGA KI NGA KAI TUHI MAI.

 

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270 Poutapeta, kei Akarana. '

 

ALL communications to this paper are to be addressed to " TE KORIMAKO, Post Office Box 270, Auckland.''

 

THE KORIMAKO is to be issued once each month, the price to be two (2) shillings per year postage paid. Europeans wishing to subscribe can do so by addressing " TE KORIMAKO, P.O. BOX 270," or by leaving their subscriptions with Messrs. Champtaloup & Cooper, Stationers, No. i/ 6 Queen-street.

 

Te Korimako.

"Kei te A Atua to tatou piringa."

 

HURAI 15, 1884.

 

Ko te korero nui e putaputa ana i te mangai i nga nupepa hoki i Aotearoa, i Aropaoa, i nga ra nei, ko te pootitanga mo nga mema hou, mo te Paramete, ka turia i nga ra tuatahi o Akuhata. Kia mutu taua pooti katahi ano ka mohiotia nga tangata e tautoko ana i tenei kawanatanga kua hinga nei, i nga tangata hoki e turaki ana. Ko nga mema Pakeha i roto i te Paramete nuku ake i te waru te tekau; ko nga mema Maori i roto i te Paramete, tokowha. Ko etahi tangata e ki ana, "Heaha ma te tokowha?" E tika ana tena ui, erangi koa, kei nga pootitanga he wahi nui ta te tokowha. Ko nga mema Maori tokotoru i pooti ki te taha turaki i te Kawanatanga kua hinga ake nei, i nga ra o Hune; a kitea iho ana i konei, he wahi ta' nga mema Maori. Heoi, kei nga ra e haere ake nei te mohiotia ai, te turanga o Ta Hori Kerei ma, me ta ratou tunga ki runga ki te pakanga, ki te turaki hoki i a Meiha Atikini, i a Te Paraihe ratou ko nga hoa. E pai ana ta ratou whawhai, ehara i te tu tamawahine; otira, he tu tane te mahi, ki te hinga, e hinga ana i te awatea, ka waiho te maraeatea, hei turanga waewae, mo era atu Tauanui.

 

Manuwhiri.

 

KUA tae mai ki Akarana nei te Pitihana pehi waipiro i roto i te rohe-potae o te papatupu, kia kaua he whare-hoko waiwhakahaurangi tangata e whakaaetia ki reira. Te ingoa tuatahi o taua Pitihana na Manuwhiri, nana ano i tuhi. Ehara i te mea, no tenei wa a Manuwhiri i tu ai ki te taha ki te tika, kao; no tua iho te whakaaro tika o Manuwhiri i kitea ai e nga Pakeha katoa. I a Te Wherowhero e noho ana i Mangere taea-noatia tenei ra, mau tonu te whakaaro pai i a Manuwhiri, puta ana tona aroha ki te Atua, tae noa ki te tangata; a, e mahi nei ano a Manuwhiri i te pai.

 

Te Kawana.

 

E KI ana nga nupepa ka haere a te Kawana ki nga whenua o Poihakene i tenei takiwa ki etahi mahi ana kei reira. He wahi watea tenei i o konei mahi, koia i haere ai; a, ekore e roa, ka huri mai ano te aroaro ki nga mahi o Niu Tireni ki Aotearoa, ki Aropaoa.

 

Ko Paora Tuhaere.

 

I NGA Kawana tuatahi o Aotearoa, ko Paora Tuhaere te tangata. I te oranga o tera tangata nui, o Apihai Te Kawau, whai tonu te kanohi ki a Paora. I nga kaunihera porowini o Akarana, ka kumea atu a Paora ki reira. I nga tari tuhituhi o te Kawanatanga, ka taiapohia a Paora kia noho mai i reira hei hurihuri tikanga. I nga whakawakanga nui ki runga o Akarana, ka kareretia a Paora kia whakapuakina ana whakaaro kia marama ai te hurihuri o nga Pakeha o te Ture, ta te mea he uri tangata a Paora Tuhaere; a mohio katoa nga Maori me nga Pakeha ki ta Paora tika. Nana, na Paora i kukume mai a Tawhiao ki te taha Pakeha i kite ai te motu nei i te maunga rongo. Na e mahi nei ano a Paora i nga ritenga tika. Tau ana te whakamoemiti ki a ia, a puta ana te kupu o te mano, "Ko Tamaki te whenua, ko Paora Tuhaere te tangata."

 

Kua whakaaetia he Komihana nui mo te motu o Niu Kini, e te Kawana o Ingarangi.