KO TE TAHURITANGA KI MANUKAU.

Na, tera wiki ka haere mai etahi tangata maori, ko Nga Ruhe tetahi ko te Tama e te Paki tetahi ratou ko te Pakeha i runga, e aku mai ana ki Akarana, tekau ratou, ka tae kia a Mako, he ana te hau, ka tohe te pakea ka kia hoa mai ratou e kino ana waenga moana ki atu nga tangata maori, me noho marie tatou i uta heoi ano ka tohe tonu te pakeha. ka tahi ka hoa mai ratou, ka kapea te awa nui o Manukau, ka nonoi mai ki tenei taha, tahuri iho, ka ki atu Nga Ruhe, E tatou ka kau ki uta e noho tonu ana ratou i runga i te tahuna kau ana Nga Ruhe a ka hoki atu ki te tiki i ana hoa, otira noho tonu ana nga hoa a ka ngaro te tahuna ka toremi ratou, ko tetahi e noho ana i runga i te tangere o te waka i poroporoaki ratou, heoi ano kua paremo ko te pakeha, ratou tahi ko nga tangata maori tokorua tahi rawa te oranga He inati te pakeha ki te tohea te rongo aki ta nga tangata maori i mea, me i rongo ia ki a ratou ekore i pea e mate kei penei tonu te tikanga me ta tenei pakeha a muri nei ka haere mai koutou ko nga kai arahi pakeha ki te

tahataha moana, ka kino, me noho marie, kaua e rongo ki te tohe, o te pakeha kei riro te tinana i te ngengero i te matawha.

He pukapuka tenei kia wakaaturia nga rohe o to matou kainga kia ka hokoa e te pakeha e te tangata maori, koia tenei timata ki Ngahina puta noa ki te tuauru, ka rere kei Tuapo, ka rere kei Whaupa ka rere kei Wakatangata ka rere kei Oteohu, ka rere kei Wareware ka rere kei Kaihikanui, ka rere kei te Karoa, ka rere kei Aotea, ka rere kei Mairetahi ka rere kei te waiherunga ka rere kei Puketutu, ka rere kei Waioneke, ka rere kei Haratai, ka rere kei Waipiro, ka rere kei Pararaha, ka rere kei mautaretare, ko te mutunga mai tenei puta noa ki te tuauru puta noa ki te Taiawa. Heoi ano ka tuhia nei enei kainga kei riro i te tangata kia waiho tonu au te kainga tumau mo matou mo a matou tamariki ake tonu atu koia ra o matou ingoa i tuhituhi. NA TE KEENE, NA TE TINANA, Na TAMAHIKI, NA TE WENUA, NA PAORA, NA TE HIRA, Na HIKITIA, NA NGATIWATUA KATOA.

Ki te Kai tuhituhi o te Nuipepa.

E Hoa I te waru o nga ra o Okotopa ka e mai etahi kaipuke heke o Ingarani Akarana e rua kaipuke e toru rau runga i tetahi e toru rau i runga i tetahi, ka ono ai nga rau, he tane,