Volume 4, No. 19
18770519

page 181  (16 pages)
182to next section


View the commentary of this paper

 
TE WANANGA. HE PANUITANGA TENA KIA KITE KOUTOU.

"TIHE MAURI-ORA." NAMA—19—20. NEPIA, HATAREI, MEI 19, 1877. PUKAPUKA. 4. HE TAMAITI MATE.

I hemo ki te Tari o te Wananga, i te 10 o nga ra a Aperira, 1877. Ko tona ingoa ko Pukeake, he momo rangatira no Hikatu, no Ihutapu, no Tahamate, no te Pakaru, heoi, he tangi aroha tenei na tona matua :— Kaore hoki koia te aroha e wai rutu noa nei kei aka kamo tiriwatia atu te aroha nga tai Whatitata o Nepia ra, te moko peke au te ihu o nga kaipuke o te Manaia, homai ra e pa to mere tipua kia whakapatia ka mamae, ka nonoi ake au ki te taiuru ki taka makau.

PANUI KI NGA TANGATA TUHITUHI MAI KI TE WANANGA.

Kua tae mai re reta a Te Otene Pomare raua ko Tamati Maere, a e kore taua reta e tika kia taia, i te mea, ko te he o taua reta ka kiia na matou. Mehemea i mahia nga he e kiia nei taua reta e nga tangata e whakapaea nei e taua reta, penei, ma te Ture ratou e mahi. ETITA WANANGA.

Te Wananga. Kotahi Putanga i te Wiki. HATAREI, 19 MEI, 1877. TE PAREMATA HOU, MEAKE NEI KA RUNANGA.

KUA kotetete te korero a nga Nupepa katoa o nga Motu nei, a e kiia ana e ratou a ratou kupu mo nga tikanga korero e korero ai te Paremata o te tan 1877. A ki te mea ka pono, koia ra nga take e korero ai te Paremata, penei, he nui noa atu te mahi e mahi ai taua Paremata. Ina hoki, ko te Ture mo nga Kauti, me nga tikanga katoa o tana Ture, rae whakahou katoa, pea era. E hara taua mea nei, te Ture Kauti i te mea e pa ana ona tikanga i enei ra ki te Maori. Otiia nei ake pea nga ra e tau ai ano hoki nga tikanga o taua Ture ki nga iwi Maori, a i ana ra ka tino tu motuhake te Maori hei tino Pakeha i nga tikanga mahi a te Ture. A e mea ana matou, ma taua tikanga e nui rawa ai, he tino pai ki nga iwi Maori.