Pukapuka 0, Nama 65
18870718

whārangi 1  (12 ngā whārangi)
2titiro ki te whārangi o muri


Tirohia ngā kupu whakataki o tēnei niupepa

 

TE KORIMAKO.

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

AKARANA, HURAE 18, 1887.

 

NAMA 65.]

 

[TE UTU, 6D.

 

MATENGA TANGATA.

 

No to 4 o nga ra o Pepuere, 1887, i mate ai a KAHU TUATUA, ki te Kopua, 11 ona tau, he tamahine ia no Hami Waaka, o Ngatimaniapoto, he kotiro tenei e whaimana ana iroto i ona iwi i a Ngatingawaero, Ngatihinewai, Ngatirora, Ngati matakore, me Ngatitepae.

 

PANUI KI NGA KAI-TAUTOKO.

 

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

 

NOTICE TO SUBSCRIBERS.

 

THE price of TE KORIMAKO is four shillings (4s.) per annum, post free. Subscriptions are payable in advance.

 

PANUI KI NGA KAI-TUHI MAI.

 

o nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

 

NOTICE TO CORRESPONDENTS.

 

ALL communications to this paper are to be addressed to " TE KORIMAKO, Box 270, Post Office, Auckland."

 

PANUITANGA.

 

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

 

PANUITANGA.

 

HE whakamahara tenei ki nga hoa-tuhimai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oata-waea ranei.

 

PANUITANGA.

 

Ko te mea tika rawa me whakarite e nga kaitautoko, he Pakeha e mohio ana koutou i o koutou takiwa hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa o tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

 

Te Korimako.

 

" Kei te Atua to tatou piringa."

 

AKARANA, HURAE 18, 1887.

 

No te 28 o nga ra o Hune i te koata pahi o to 7 o nga haora i te ata i pahemo atu i tenei ao, a Hare Oriwa Pona Rewiti. He whaikorero tenei hei whakamaharatanga mo to tatou hoa kua riro ki te oranga tonutanga. I tae tamariki mai ia ki tenei whenua no te tau 1831, ina ka 56 ona tau i noho ai ia ki Aotearoa i ahu mai ano ia me tona teina a Eruera me to raua tuahine i runga i te awhinatanga o Kapene Ianga no Poihakene, i tenei wa kua marena a Kapene Ianga ki to raua tuahine. I to ratou taenga mai i u atu ratou ki Hokianga i roa ano to ratou nohoanga ki taua kainga. Itemea kahore ano te Kawanatanga kia tae mai ki Niu Tireni kua rangona nuitia i te mohio o taua taitama ki te reo-maori, nui haere ana tona mohio ki nga waiata nga whakatauki me nga ture, huia hoki nga tikanga katoa a nga Maori he maha noa atu ona whaikorero mo nga whawhai me nga parekura o namata parekareka ana enei korero ki nga taringa o nga tamariki o tenei whakapaparanga.

 

I te tau 1840, i te marama o Hanuere, i tae mai a Kawana Hopihona ki Pewhairangi. A tu ana te huihuinga matamua, te ono o nga ra o Pepuere, 1840 mo te Tiriti o Waitangi kua rangona nuitia e te ao katoa, hainatia taua tiriti e nga tini rangatira Maori me o ratou hoa Pakeha. I nga huihuinga nga Maori ki Hokianga i tino kitea tona mohio ki te reo-maori. Miharo ana te katoa ki tana mahi hapai i te tao taua reo hei wewero hei kakaro i nga kupu awai ma a wai ma ranei. Na tenei mohiotanga ona i whakapaingia ia he kaiwhakamaori mo te Kawanatanga. Kihai i roa te tuunga a te Kawanatanga ki Pewhairangi ka huri taua Kawanatanga ki Akarana ano ka wha-