Pukapuka 3, Nama 40
18761111

whārangi 405  (8 ngā whārangi)
406titiro ki te whārangi o muri


Tirohia ngā kupu whakataki o tēnei niupepa

 
TE WANANGA. HE PANUITANGA TERA. KIA KITE KOUTOU. "TIHE MAURI-ORA." NAMA -40. NEPIA, HATAREI, 11 NOEMA. 1876. PUKAPUKA 3. PANUI MO TE WATI.

HE PANUI KI NGA TANGATA KATOA. E TUKUA ATU ANA TE WANANGA KIA RATOU.

Te Wananga. Kotahi Putanga i te Wiki. HATAREI, 11 NOWEMA. 1876.

Taiaroa

o nga Mema Pakeha o te Paremata. He mea na aua Mema Pakeha, e tika ana ano te tono a te iwi Maori kia nui ake ano he Mema Maori ki te Paremata, i te maha o nga Mema o enei tau i te Paremata. Koia matou i mea atu ai ki nga iwi Maori, kia pai, kia marama, a kia ata mahi marire nga korero a te Maori mo taua mahi tono mo nga Mema Maori kia maha. kaua e hikakatia te mahi, kaua e mahia ki te kupu werawera. engari kawea i te kawe a te rangatira. He mea hoki na matou, ma te kupu ngawari, ma te tono atahua, ma te korero marire o kitea ai e te Paremata nga tino take a te Maori e tohe nei kia nui he Mema ki te Paremata. A e mea ana matoru na te iwi nui te mana o te Paremata, a ki te mea ka ahua kino a tatou kupu ki te Paremata. E tutu ana ano tatou kia tatou ano. No te mea na te iwi i tono nga Mema ki te Paremata, a e kore e tika kia tutu, a kia kupu kino atu tatou ki ta tatou mahi i whakatu ai. E kore te tohunga o whakakino i nga kupu o tana karakia. E kore te papa atua e takahi i tana Wananga, Whaihoki mo ata. rotu marire ano tatou i nga mea nui, kia koro ai he aitua o te mahi. Te take i tu ai te Paremata i te iwi, ho mea na te iwi, ko te Paremata te tino mana a te iwi, hei whakakahore i te he o te hunga e tohe ana ki te he. a hei tautoko i te mahi o te hunga noho pai. me nga tangata ahuwhenua ki te mahi. He mana no te iwi. a hei tiaki i te mana o te iwi, koia i tu ai te Paremata. Koia TE WANANGA nei i mea ai, ko nga mahi a te iwi e mahi atu ai ki te Paremata, ko nga kupu e korero ai te iwi ki te Paremata, mo ata kawe pai. Kaua i te tukemata hinana, kaua i te arero whatero, kaua i Le kanohi pukana, engari, ko te kupu kia rite, ko te hinengaro marama, Whaihoki, ko te riri, kore i aua kupu, ka tahuri mai ai ngu Mema ki te rongo o aua tono e tonoa ai e te iwi. K kure to tangi e pararetia. e kore te reo riri e pai hei hapai i te rangi waiata, e kore te mauri oho tata e pai Wi korero i nga mea nui. Whaihoki ko te tangata e aro ana ki te korero ki tana inana ki te Paremata, kia pai te reo, kia marama te rangi o ana kupu. Ma reira e kore ai o tahuri ko ai te taringa o te Paremata. K kore ano e roa ka tahuritia mai te tono a te Maori e tono nei ki te Paremata kia nui he Mema Maori ki te Paremata. No muri mai o tera putanga o TE WANANGA nei i