Pukapuka 5, Nama 33
18780817

whārangi 406  (12 ngā whārangi)
titiro ki te whārangi o mua405
407titiro ki te whārangi o muri


Tirohia ngā kupu whakataki o tēnei niupepa

 
TE WANANGA. PANUITANGA.

RARAKA KAUA KO PARAHI, KAI HOKO RINO, (Na Pairani 1 Mua).

"KUA T A E ' M A i i INGARANGI— 39 Patapata 30 Hakimana 14 Tapara puru, puru atu i te kake 3 Hakimana puru atu i te kake 20 Ponaka paura pupuhi manu 2 Tana Hota. He Paraihe Paura, he Paraihe Hota, he Okaoka Pa, he Okaoka Horoi Pu, he Whakawiri Nipa Pu, he Pounamu Hinu Pa, he Ponaka Takotonga Kiapa Pu, he Takawe Pu, he Kuka Mata Pu, he Whakapara mo te Pu ana purua, me nga tini mea atu mo te Pu. He tino mea pai aua mea nei, a e hara i te mea tino nui te utu. 73

NEI TAKU PANUI KI NGA IWI MAORI I KATOA.

NGA ra oku e korero ai ki nga Maori i taku Tari i Nepia, ko Te Mane, ko Te Weneti, ko Te - Paraire, o nga wiki katoa: NA TE RIIHI, 91 Roia, Nepia.

Panuitanga ki nga iwi katoa! katoa ! Katoa! o Aotearoa, o Wairarapa, Tara- naki, Ahuriri, Taupo, me Turanga katoa.

HE mea ata tenei kia rongo koutou, kaua te mea kotahi e koutou e tuhituhi i a koutou ingoa, ki te pukapuka hoko whenua ranei, ki te Rihi whenua ranei, ki te mokete whenua ranei, ki etahi tikanga ranei e pa ana ki te whenua. Maatua haere mai koutou ki au, a kia mohio koutou, hei muri te matau e puta ai mo aua mahi. Naku na, TE RIIHI, 58 Roia i Nepia.

HE PANUITANGA KI TE IWI MAORI. KO te utu mo te WANANGA i te tau, kotahi pauna e rua hereni me te hikipene.

NOTICE. SUBSCRIPTIONS to the WANANGA newspaper: per year, £1 2s 6d, by post.

HONI KUA TAE MAI—SUBSCRIPTIONS RECEIVED. Hohaia Rangiauru, ... ... ... £126 He mea tuku tenei moni kia Te Peka, minita i Motueka. Mr. W. A. Thorn, ... ... ... 126 He moni tuku tenei kia Henare Hira. Mr. John Macpherson, ... ... ... 11 3 He mea tuku kia Henare Hira. Mr. H. P. Bluett, ... ... ... 11 3 He moni tuku Kia Henare Hira. Mihaere Tamaterangi, ... ... ... 126 He mea tuku, mai na Te Pirihi, TE WANANGA

KOTAHI PUTANGA I TE WIKI HATAREI, AKUHATA 17, 1878.

HE kapi no TE WANANGA nei i tera wiki, i kore ai he wahi rahi hei putanga korero ma TE WANA- NGA nei, hei poroporoaki kia Te Waaka Kawatini. I mea hoki matou kia ahua nui ano he kupu a TE WANANGA nei, mo taua kaumatua, e kore hoki e pai kia mate tangi kore te iwi ki nga tangata tau- tawhito o te iwi. He tangata hoki a Te Waaka Kawatini e rangona ana a nga iwi katoa. No te 4 o nga ra e Akuhata, 1878 nei a Te Waaka i mate ai. He Ratapu te ra, a i te wa ona i mate ai, e tu tahi ana raua ko tetahi hoa Pakeha ona, e korero tahi ana, pa whakarere ai te mate kia Te Waaka, a hemo tonu iho aia, He nui te pouri a ana tamariki, a ana mokopuna ki a ia, a he nui te mihi a te tini o te iwi ki aia, kua tae mai nga reta a te iwi ki TE WANANGA nei mo Te Waaka, a taihoa ano era ka taia e matou, hei titiro ma nga iwi ke, i te tangi a o konei iwi ki to ratou tino kau- matua. He tangata a Te Waaka kua tae pea ona tau ki te waru tekau ma wha, a no nga ra o nehe noa atu aia, i kite aia i nga mahi a te Maori i nga ra o te Maori e tino Maori ana, he tini ana parekura i tu ai, a i mau ano aia i etahi o nga mahi pera, a na tana kaha, na tana maia, na tana mohio aia i ora ai. Ehara a te Waaka i te tangata iti. He kaumatua nui a tinana, a nui a wairua. E kore aia e hengia i roto i te to- komaha, e ahua rangatira tonu ana hoki tana tu. He uri aia no nga tino tangata o enei iwi. A he tangata atawhai ki ana iwi, he mohio aia ki te ko- rero. I nga ra o mua kahore kau a te Waaka kino ki te iwi, i te mea, he tangata karanga aia i te manu- hiri, a he tangata ahuwhenua ki te ngaki kai. I nga wa o te riri, e kore a te Waaka e tahuri kino ki te he mana, ma te tangata te he ki a ia, katahi ra ano aia ka tu ki te riri mana. Ko te Waaka tetahi o nga rangatira na ratou i to mai te karakia ki enei iwi, a i iriiria a Kawatini ki te ingoa o te Waaka, he mea hoki, koia tetahi i whakapono, a na ratou tahi ko Kawatini, ko Renata, ko Tareha, ko nga rangatira katoa i mahi he whare karakia ki Nepia nei i nga ra o te Pakeha ki ano i tini ki Ahuriri nei. He tangata a te Waaka kihai i kino ki te Pa- keha, he mea hoki, he tangata tiaki aia i ana Pakeha i whakanoho ai ki ana whenua i Ahu- riri nei, a i nga wa o te Pakeha kua nui, i nga wa o te Pakeha kua mahi i a ratou Ture ki tenei wahi o Aotearoa, ahakoa he kaumatua Maori a Te Waaka, a ko ana mohio i matau ai he mohio na o mua Maori, kihai a Te Waaka i takahi i a te Pakeha Ture. He tangata ahua pai, marie a Te Waaka. A i nga ra o te rerewe i haere ai i te taha o tana kainga, a i nga ra o ana hoiho, o nga hoiho ano hoki o tana iwi, o ana tamariki, o ana mokopuna i haere ai ki te ara o te rerewe a mate ai ana hoiho