Volume 0, No. 18
18830815

page 1  (22 pages)
2to next section


View the commentary of this paper

 

TE KORIMAKO

TE KORIMAKO.
He Nupepu whakaatau i nga rongo o te ao katoa, nga tikanga o Te Whakapono, me era atu mea.
NAMA 18.] AKARANA, AKUHATA 15, 1883. [TE UTU, 3D.
HE MATE.
I mate ki Tapuwaekura, Te Rotoiti, i te 21 o nga ra o Hurae, 1883, te tamahine a Katene Marutuehu, a Puhiawe, e whitu ona tau. I tangohia e te Kaihanga, ka mahue ki nga matua, ko te mamae ko te auhi, ko te manakonako i ia ra, i ia ra: - "Ka ore hoki e te roimata e peehi rua nei kaiaku kamo no nui erangi te hurihanga no una e puhi te karei runga ta kaute re haere ki tawhiti ki ngatai a kupe te hoki noa mai te wairua kawareware te kiri a whi nga nei kaatawehea."
PANUITANGA KI NGA KAI TUHI MAI.
Ko nga pukapuka katoa mo tenei nupepa me tuhi mai ki a "TE KORIMAKO, kei Akarana. Pouaka Poutapeta 270."
ALL communications to this paper are to be addressed to "TE KORIMAKO, Auckland, Post Office Box 270."
KA taia TE KORIMAKO ia marama, ia marama, a ka tukua atu ki nga tangata e toku moni mai ana, e rua hereni mo te tau. Me tuku mai te moni mo te tau i te timatanga.
PANUI. - Ki te mea ka tukua mai kia taia ki tenei nupepa he kupu whakaatu mo te marenatanga, mo te whanautanga, mo te hemonga, o te tangata me takai marire mai te hereni kotahi. He pane-kuini ta moni tika.
HE KUPU WHAKAATU. - Ki te hiahia etahi kia hokona he mea i runga i nga Panui taonga o tenei nama o TE KORIMAKO, me whiu te ingoa o TE KORIMAKO ki nga pukapuka tono, te take kia mau ai nga Panui a nga Pakeha ki te nupepa nei, na te mea, he utu ta nga Pakeha mo ana Panui.
THE KORIMAKO is to be issued once each month, the price to be two (2) shillings per year postage paid. Europeans wishing to subscribe can do so by addressing "TE KORIMAKO, P.O. Box 270," or by leaving their subscriptions with Messrs. Champtaloup & Cooper, Stationers, No. 76 Queen-street.
PANUITANGA KI NGA TANGATA TANGO I "TE KORIMAKO."
KlA mohio nga tangata tutu moni mai ki te tae nga KORIMAKO ki te 12 heoi ka mutu nga nupepa mo te tau kotahi, ki te hiahia te tangata kia tukua atu ano TE KORIMAKO mo te tahi tau me tuku mai nga panekuini mo te rua hereni, ko te ingoa o te tangata nana te tono kia marama te tuhi.
HE mea atu tenei ki nga tangata tuku tono mai kia marama te tuhi i nga ingoa tangata, kainga hoki. Kua maha nga pohehetanga he kore kahore e mohiotia etahi o nga tuhituhi.
Te Korimako.
"Kei te Atua to tatou piringa."
AKUHATA 15, 1883.
HE nui nga Pire e mahia nei e te Paramete, mo nga whenua Maori, mo teaha, mo teaha; engari, kotahi te Pire o te Kawanatanga e paingia ake ana e te ngakau, ko te mea whakamana i te Komiti Maori. Te pai, he tuku atu ki nga Maori tetahi wahi mahi i roto i nga Ture o Niu Tireni. Kua kitea te mahitika o tenei hanga, o te Komiti Maori ki runga o Maketu, i nga ra o Hune i te tau nei. Ko Rangiuru te whenua i aumarotia i nga tau tekau ma toru, whakatete tonu te Pakeha raua ko te Maori; a, na te ata hahau marire i nga he, i nga tika, i nga kino, i nga pai, i nga pono, i nga hori, ka tatu tera ngananga a, maene ana nga tikanga ki nga Maori, ki nga Pakeha. Nga tangata o taua Komiti tekau ma rua; tokorua Pakeha reo Maori i whakauruhia. Ko te kupu mo tenei tikanga whakatu Komiti Maori, he whakapai anake.
Ki nga Iwi o Aotearoa Tawhio noa.
HAERE ra e taku karere i runga i te komuri-aroha ki nga iwi o te tai-tuauru, o te tai-tonga, o te Marangai, o te Tuaraki; kia ora koutou katoa, katoa, katoa, kia tau ta Te Atua manaakltanga ki a koutou, i nga tau, i nga marama, i nga ra.
Tenei ano te take o taku hamumu ki a tana i tenei wa, he tirotiro, he hurihuri, he whakaaroaro, he kimikimi-tikanga i runga i tenei hanga i te nupepa mo te taha Maori. Ehara i te mea, ma te taha Pakeha anake e rapu nga putake tika e tuturu ai he nupepa whakapurero i nga iwi Maori o tenei motu; engari, ma nga tangata Maori katoa e hiahia nei kia whakamaiangitia te taha ki te tangata-whenua. Ko ahau, ko te heke, ka oti noa ake taku taha Pakeha i a au ano; otiia, ko te taha ki a koe te mea e matapouritia nei, - me aha ra te kaupapa e whanake ai koe? - e eke ai hoki koe, e te tangata-whenua ki te tihi o te nui, o te ora?
Whakarongo mai ianei. No nga ra o Hopihona, o te Kawana tuatahi, ka putu te nupepa Maori, te ingoa ko Te Karere Maori: ko ahau tena, i kona tonu taku mahi nupepa Maori. Ka haere tena, i tana koke tonu ki nga wahi o uta, o te tapatai; nawai, a, hinga noa tena karere ki te ara, a, nehua noatia atu ki nga ana tupapaku o te taha Pakeha. I uhungatia ra nei e koe, kahore ra nei. Ka whakataua mai a muri ki te nupepa ano, tona tino ingoa, ko Te Waka Maori. I