Volume 0, No. 21
18831115

page 1  (16 pages)
2to next section


View the commentary of this paper

 

TE KORIMAKO

TE KORIMAKO.
He Nupepa whakaatu i nga rongo o te ao katoa, nga tikanga o Te Whakapono, me era atu mea.
NAMA 21.] AKARANA, NOWEMA 15, 1883. [TE UTU, 3D.
HE MATE.
No te 23 o nga ra o Hepetema ka hemo, he kaumatua no nga ra o Pene Kuki ra ano pea; ko HEEMI TERETERE te ingoa. Haere! Haere ! haere! tona otenga u a te tangata he mata.
No te 21 o nga ra o Oketopa, a HAKARAIA RIHARI, i te wiki. I mata ki te aroaro o te Papa o Rihari Te Ruki. E taea teaha? A pa he waka e herea ki te taura; tena ko te mata ma te Atua anake ka ora.
No te 27 o nga ra o Oketopa ka hemo, a TE INGOINGO HOHEPA KAPA TE KAO. Ki Parengarenga. Te kupu o te tupapaku, " Ko te maramatanga tera e marama ai nga tangata." Hoani Rongo Pai.
No te 6 o nga ra o Nowema, ka mata ki Peria Mangonui, a HIMI KAHOE, Kai-whakawa Maori o te Takiwa. Ko tana kupu-hakamutunga tenei i tana moenga ai, " Hei konei, kia kaha te whakapono atu ki te Atua, ka moe nei ahau." He nui te pu aroha o te tokomaha, o te iwi hoki ki taua rangatira pai, atawhui. Ko ia te heamana o te Kura-tamariki ki Peria.
PANUITANGA KI NGA KAI TUHI MAI.
Ko nga pukapuka katoa mo tenei nupepa me penei te tuhi mai ki " TE KORIMAKO, kei Akarana, Pouaka Poutapeta 270."
ALL communications to this paper are to be addressed to "TE KORIMAKO, Auckland, Post Office Box 270."
KA taia TE KORIMAKO ia marama, ia marama, a ka tukua atu ki nga tangata e tuku moni mai ana, e rua hereni mo te tau. Me tuku mai te moni mo te tau i te timatanga.
PANUI. Ki te mea ka tukua mai kia taia ki tenei nupepa he kupu whakaatu mo te marenatanga, mo te whanautanga, mo te hemonga, o te tangata me takai marire mai te hereni kotahi. He pane-kuini te moni tika.
HE KUPU WHAKAATU. Ki te hiahia etahi kia hokona he mea i runga i nga Panui taonga o tenei nama o TE KORIMAKO, me whiu te ingoa o TE KORIMAKO ki nga pukapuka tono, te take kia mau ai nga Panui a nga Pakeha ki te nupepa nei, na te mea, he utu ta nga Pakeha mo aua Panui.
THE KORIMAKO is to be issued once each month, the price to be two (2) shillings per year postage paid. Europeans wishing to subscribe can do so by addressing "TE KORIMAKO, P.O. Box 270," or by leaving their subscriptions with Messrs. Champtaloup & Cooper, Stationers, No. 76 Queen-street.
PANUITANGA KI NGA TANGATA TANGO I " TE KORIMAKO."
KIA mohio nga tangata tuku moni mai, ki te tae nga KORIMAKO ki te 12 heoi ka mutu nga nupepa mo te tau kotahi, ki te hiahia te tangata kia tukua atu ano TE KORIMAKO mo te tahi tau me tuku mai nga panekuini mo te rua hereni, ko te ingoa o te tangata nana te tono kia marama te tuhi.
HE mea atu tenei ki nga tangata tuku tono mai kia marama te tuhi i nga ingoa tangata, kainga hoki. Kua maha nga pohehetanga he kore kahore e mohiotia etahi o nga tuhituhi.
Te Korimako.
"Kei te Atua to tatou piringa."
NOWEMA 15, 1883.
HE hira noa atu nga ture tikanga nui kua oti i te Paramete i runga i te meatanga o tenei Kawanatanga i a Te Witika ma; engari koa, ko te Pire e tino whakamoemititia ana e te ngakau, ko te Pire Whakatu Komiti Maori. Pai atu, pai atu, pai atu. Te take, kua whakahoroa mai e te Paramete te mana o etahi mahi tika ki te taha Maori.
I runga i nga hanga hautete noa a te tangata, kahore i whakatika mai tetahi pu mahara i roto i nga iwi Maori, ki te whakatakoto ki te Paramete etahi tikanga whakauruuru mo te whaka haere o nga mea e tangihia roimatatia nei e te Maori, i nga tau, i nga tau; tae noa ki te whakakopenupenutanga o nga Maori ki nga Kooti whenua i Kemureti. I konatunatua noatia nga Maori i kona e nga Roia, me nga Kamupane, haere atu te take o te rakau, tae noa ki te kauru, me nga peka, ko nga puapua anake i whiua atu ki nga Maori, heoi, kihai rawa i tahuri nga pu-whakaaro kia ahu ki te tinei i era hanga he e whakahauwarea nei te taha Maori, e whakahekea-haeretia nei ki te kore rawa. Kati, koa te hangurunguru noa, te rupahupahu noa ra nei. Heaha mau e mangerekino ma ? Ko te tangi, e tangi, ko te mamae, e mamae ana; a, i runga i nga he e mamaetia ana, he karanga-aurere kau atu, mutu atu, horerawa he tahurihuringa ki te mahi. Nawai koe i ki kia wairangi koe, kia waiho koe hei takahanga ? Nau ano te pohehe u a te Pakeha. Toa rawa atu koe ki te rama, ki te tupeka, ki nga kai-tutua e to haere nei i a koe ki roto ki te reporepo. I ngakau koe i mua, i rangatira koe i mua; i naianei, kua roratia koe e tou mangere, e tou hungoingoi noa iho.
Kati, kua tahuri te taha Pakeha ki te kukume mai i a koe ki te mahi. Kua oti koe te whaka, mana i naianei kia tu koe hei i Komiti mahi mo te whakawawhenua, aha, aha. Ka pai rapea. Kei i a koe tenei te waka, te taurapa, te tauihu, te tata, nga hoa, me nga komaru. Kia pai te whakatere; kia tirohia mai e te taha Pakeha, e ! koia hoki ! He hanga mohio ano te iwi i kiia nei he kuri. Ki te tika tau mahi nui, kua tukua whakareretia nei e te Paramete ki a koe, tera e karangatia koe hei hutihuti "i nga rorerore o te awheneke," a