Volume 0, No. 53
18860616

page 1  (12 pages)
2to next section


View the commentary of this paper

 

Te Korimako.

 

He Nupepa whakaatu i nga tikanga o te Whakapono, nga Rongo o te Ao katoa, me era

atu mea.

 

NAMA 53.] AKARANA, HUNE 16, 1886. [TE UTU, 6D.

 

MATENGA TANGATA.

 

No te 4 o nga ra o Pepuere, 1886, ka mate a RU PERI, he wahine rangatira no te Uriohau. I mate i runga i te whakamomori, he kawenga na te pouri o tona ngakau mo runga i a. raua korero tnutohe ko tona hoa taane. Puta ana te aroha-nui i ona iwi i a Ngapuhi rana ko te Rarawa mo tona wehenga atu i waenganui i ona whanaunga. Kua haere atu nei i tenei ao ki tera ao. - Na Ho Paraihe i tuku mai.

 

PANUI KI NGA KAI-TAUTOKO.

 

Ko te utu mo TE KORIMAKO inaianei, e wha hereni (4s.) mo te tau. He mea toku noa atu te tukunga atu ki te Poutapeta. Ko nga moni me toku tuatahi mai.

 

NOTICE TO SUBSCRIBERS.

 

THE price of TE KORIMAKO is four shillings (4s.) per annum, post free. Subscriptions are payable in advance.

 

PANUI KI NGA KAI-TUHI MAI.

 

Ko nga pokapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei

 

NOTICE TO CORRESPONDENTS.

 

ALL communications to this paper are to be addressed to " TE KORIMAKO, BOX 270, Post Office, Auckland."

 

PANUITANGA.

 

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tokua atu ano tetahi.

 

PANUITANGA.

 

Ko te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

 

PANUITANGA.

 

HE whakamahara tenei ki nga hoa-tuhimai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oatawaea ranei.

 

 

Te Korimako.

"Kei te Atua to tatou piringa."

 

AKARANA, HUNE 16, 1886.

 

HE kii tenei no namata, " ma te kupu ngawari ka mataotao ai te riri." Kua tika rawa tenei whakatauki mo nga Kariki I rongo ai tatou i tera marama, kua tu nga Kariki ki te huarahi o te pakanga kia Taakei me nga whenua e paatata ana kia ratou. Ano ka tae atu tana rongo ki nga iwi nunui o Oropi, tukua atu ana o ratou manuao hei arai i nga kokorutanga o tana iwi, waihoki i kii ano aua mana nunui kia whakamutua ta ratou whakaemi i a ratou ope-hoia, i kii ano hoki aua iwi nunui kia whakahokia mai a ratou hoia e noho ana ki nga rohe o Taakei. Pakeke ana nga Kariki mo nga ra e hia, otira na te ngawari o nga kupu i mataotao ai te riri, rongo ana ratou i te tangi o te pi-manu i o ratou hinengaro, a kua pai taua whenua inaianei. Ahakoa kua mau te rongo ki reira, tenei nga kanohi katoa o te ao te titiro nei kia Ruhia e whakaemi ana i a ratou ope-hoia ki Karaimia me era atu kaainga e tata ana ki te Moana Pango. Kei te mohio tatou, he whawhai te tukunga iho. Kua tae mai tetahi o a ratou kaipuke-whawhai ki tenei moana, ki te rapu aha ranei. Kia tupato o tatou kanohi ki nga whakarau ara ki nga rauhanga o ana tu kaipuke.

 

Erangi ko nga kaipuke o nga Tiamani i haere atu nei i konei ki Hamoa, kua tutaki ratou ki nga manuao o Amerika kua tu ki taua motu, kua huutia e nga Marikena ta ratou kara ki runga ake i to nga Hamoa, he tohu tera, kua whai atu nga Hamoa kia tiakina ratou e nga Marikena. I te kitenga o nga Tiamani i taua kara, kihai rawa ratou i pokanoa ki taua motu.

 

Na inaianei kua tu ano he raruraru nui kia tatou. Ko nga Wiwi e anga ana ki te tango i nga motu e karangatia ana ko nga Niu Hepereti, kei te taha whakararo o Niu Karetonia. E