E ki ana te Nupepa te " Pei o Pureti Taima " he nui ta matou whakaae atu ki te riri tika a Kawana Kerei e ki nei i ana korero ki te iwi. He mea hoki he tino, tangata tika rawa a Kawana Kerei, he nui no ana mahi pai mo te iwi, a he kino te kino o te tawai a te tutua e tawai nei ki a ia. E ui ana matou he aha te take o Kawana Kerei i mahi ai ma te iwi e nui nei hoki ana moni, me ana taonga aue ano, a kite mea e pai ana aia ki te noho mahi, kore, he taonga nui ana taonga e noho noa iho ai aia, a ko tana mahi e mahi nei mo te iwi, ke mahi utu kore, taua mahi, a na tana ngakau aroha ki taua iwi aia i mahi ai mo te iwi, ehara i te mea he mahi utu kia homai ki aia, ehara i te mea he mahi taua kia rangona tana ingoa ki te ao, no te mea he uri ariki aia, a kua nui noa atu ana mahi nui, a kua kapi te ao i taua, rongo nui, Koia matou i mea ai katahi ano te tangata mahi utu kore, a na tana ngakau aroha ki taua iwi :«ia i mahi tonu ai mo tana iwi i ; enei tau, a koia matou i mea ai-kia mau e te iwi ki to ako a Kawana Kerei kia u ki ana kupu ako, maua rawa ano, tana iwi e noho pai ai i te ao nei.